ບັນດາເຫດດິນເຈື່ອນທີ່ເກີດຈາກຝົນຕົກໜັກຢູ່ເສັ້ນທາງເລກ 8 ຂອງລາວທີ່ເຊື່ອມຕໍ່ແຂວງບໍລິຄຳໄຊຫາ ແຂວງ ຮ່າຕິງ ປະເທດຫວຽດນາມ ເກີດຂຶ້ນໃນວັນທີ 3 ສິງຫາ. ບາງຕອນຢູ່ເສັ້ນທາງເລກ 8 ມີລົດອັ່ງອໍ, ໃນນັ້ນ ແມ່ນແຕ່ໄລຍະກິໂລແມັດທີ 45 ຫາ 66. ພາຫະນະຫຼາຍຄັນຖີກຕິດຄ້າງຢູ່ເສັ້ນທາງດັ່ງກ່າວ.
ຈາກນັ້ນ, ກະຊວງປ້ອງກັນປະເທດລາວ ໄດ້ສົ່ງກອງກູ້ໄພໄປສະຖານທີ່ເກີດເຫດ ເພື່ອຊອກຫາວິທີເອົາຄົນທີ່ຖີກຕິດຄ້າງອອກມາ. ກອງກູ້ໄພກ່າວວ່າ ມີຄົນຫວຽດນາມ 45 ຄົນຕິດຄ້າງຢູ່ໃນລົດ 22 ຄັນ.
 |
| ພາຫະນະທີ່ຖີກຕິດຄ້າງຢູ່ຕາມເສັ້ນທາງໃນແຂວງບໍລິຄຳໄຊ, ປະເທດລາວ ໃນວັນທີ 6 ສິງຫາ. ພາບ: ຕາມສຳນັກຂ່າວສານຫວຽດ ນາມ |
ມາຮອດຕອນຄ່ຳວັນທີ 5 ສິງຫາ, ຊາວຫວຽດນາມ ທັງ 45 ຄົນທີ່ກ່າວມາຂ້າງເທິງນີ້ໄດ້ພາອອກໄປຈາກເຂດດັ່ງກ່າວ. ໃນນັ້ນ, 35 ຄົນໄດ້ສົ່ງໄປເມືອງຄຳເກີດ, ແຂວງບໍລິຄຳໄຊ ແລະ 10 ຄົນ ໄດ້ສົ່ງໄປເມືອງຄູນຄຳ, ແຂວງຄຳມ່ວນ, ສຸຂະພາບຂອງພວກເຂົາກຳລັງໄດ້ຮັບການຟື້ນຟູ.
ກອງກູ້ໄພຂອງລາວ ກ່າວວ່າ ມີລົດບັນທຸກຄັນໜຶ່ງ ຝັງຢູ່ກັບຄົນຂັບ ແຕ່ຍັງບໍ່ເປັນທີ່ຈະແຈ້ງເທື່ອວ່າ ຄົນນີ້ແມ່ນຄົນສັນຊາດໃດ.
ຝົນຕົກໜັກເຮັດໃຫ້ນໍ້າຖ້ວມ ແລະ ດິນເຈື່ອນ, ສ້າງຄວາມເສຍຫາຍຢ່າງໃຫຍ່ຫຼວງຕໍ່ຊັບສິນ, ທັນຍາຫານ ແລະ ພື້ນຖານໂຄງລ່າງຂອງລາວ, ກໍ່ຄືເຮັດໃຫ້ທາງຄົມມະນາຄົມຈຳນວນໜຶ່ງທີ່ໃກ້ກັບຊາຍແດນຫວຽດນາມຖືກຕັດຂາດ. ວົງການເຈົ້າໜ້າທີ່ລາວ ກຳລັງພະຍາຍາມກູ້ຊີບ ແລະ ຊ່ວຍເຫລືອປະຊາຊົນທີ່ໄດ້ຮັບຜົນກະທົບ.
ພະແນກໂຍທາທິການ ແລະ ຂົນສົ່ງ ແຂວງບໍລິຄຳໄຊ ໃນວັນທີ 4 ສິງຫາ ໄດ້ປະກາດໂຈະການສັນຈອນຜ່ານເສັ້ນທາງເລກ 8 ບາງຈຸດ ເນື່ອງຈາກດິນເຈື່ອນ, ໃນນັ້ນມີຈຸດໜຶ່ງຢູ່ໃກ້ກັບດ່ານຊາຍແດນ ກາວເເຈ່ວ ຫວຽດນາມ. ອົງການນີ້ກ່າວວ່າ ກຳລັງພະຍາຍາມແກ້ໄຂບັນຫາເພື່ອໃຫ້ເສັ້ນທາງສາມາດເປີດການສັນຈອນໄດ້ໂດຍໄວ.
ດີງເລື້ອງ
