ນ້ອງນັກຮຽນທີມຊາດຫວຽດນາມທີ່ເຂົ້າຮ່ວມໃນການແຂ່ງຂັນ ໂອລິມປິກ ຊີວະສາດສາກົນ 2018 ຄັ້ງນີ້ປະກອບມີ: 1) ນ້ອງ ຫງວ໋ຽນເຟືອງທ໋າວ, ນັກຮຽນຫ້ອງ 12(ມ7), ໂຮງຮຽນມັດທະຍົມພອນສະຫວັນ ວິທະຍາສາດສັງຄົມ ມະຫາວິທະຍາໄລແຫ່ງຊາດ ຮ່າໂນ້ຍ ໄດ້ຫຼຽນຄຳ; 2) ນ້ອງ ເຈິ່ນທິມິງແອັງ ນັກຮຽນຫ້ອງ 12(ມ7), ໂຮງຮຽນມັດທະຍົມພອນສະຫວັນ ເຈິ່ນຟູ໋ ນະຄອນຫ໋າຍຟ່ອງ ໄດ້ຫຼຽນຄຳ; 3) ນ້ອງ ຮວ່າງມິງຈຸງ ນັກຮຽນຫ້ອງ 11(ມ6), ໂຮງຮຽນມັດທະຍົມພອນສະຫວັນ ລາມເຊີນ ແຂວງ ແທັງຫວ໋າ ໄດ້ຫຼຽນຄຳ; 4) ນ້ອງ ຮວ່າງວັນດົງ ນັກຮຽນຫ້ອງ 12(ມ7), ໂຮງຮຽນມັດທະຍົມພອນສະຫວັນ ຫງວ໋ຽນຈ໋າຍ ແຂວງຫ໋າຍເຢືອງ ໄດ້ຫຼຽນເງິນ.
 |
ຄະນະນັກຮຽນທີມຊາດຫວຽດນາມ ທີ່ເຂົ້າຮ່ວມການແຂ່ງຂັນ ໂອລິມປິກ ຊີວະສາດສາກົນ 2018.
ທີມຊາດ ຫວຽດນາມ ເຂົ້າຮ່ວມການເສັງ Olympic ຊີວະສາດ ສາກົນຄັ້ງທີ 29, ປີ 2018 ຫາກໍ່ຄ້ວາໄດ້ຫຼຽນຄຳ 3 ຫຼຽນ ແລະ ຫຼຽນເງິນ 1 ຫຼຽນ. ພິເສດແມ່ນ ນ້ອງ ຫວຽນເຟືອງທ໋າວ ໄດ້ຄະແນນເສັງລວມສູງສຸດໃນຈຳນວນນັກຮຽນ 261ຄົນ ມາຈາກ 71 ປະເທດທົ່ວໂລກ. ເປັນນັກຮຽນຜູ້ທຳອິດທີ່ໄດ້ຮັບການສັນລະເສີນວ່າເປັນຜູ້ທີ່ໄດ້ຮັບ ໄຊຊະນະ ຄົນທຳອິດ (the first winer); ນີ້ແມ່ນຄັ້ງທຳອິດທີ່ທີມຊາດຫວຽດນາມ ເຂົ້າຮ່ວມການແຂ່ງຂັນ ໂລລິມປິກ ຊີວະສາດສາກົນໄດ້ຄະແນນສູງສຸດຂອງການແຂ່ງຂັນ.
 |
ນ້ອງ ຫວຽນເຟືອງທ໋າວ ໄດ້ຄະແນນເສັງລວມສູງສຸດ(the first winer).
Olympic ຊີວະສາດສາກົນປີ 2018 ຄັ້ງທີ 29 ໄດ້ຮັບການຈັດຕັ້ງຢູ່ປະເທດສາທາລະນະລັດ ອິດສະລາມ ອີຣານ, ມີ 71 ປະເທດ ແລະ ເຂດແຄ້ວນເຂົ້າຮ່ວມ, ໃນນັ້ນມີ 3 ປະເທດສັງເກດການດ້ວຍຈຳນວນນັກຮຽນເຂົ້າຮ່ວມທັງໝົດແມ່ນ 261 ຄົນ. ທີມຊາດ ຫວຽດນາມ ມີນັກຮຽນເຂົ້າຮ່ວມການເສັງ 4 ຄົນ ແລະ ທັງ 4 ຄົນລ້ວນແຕ່ຄ້ວາໄດ້ຫຼຽນ, ໃນນັ້ນມີຫຼຽນຄຳ 3 ຫຼຽນ, ຫຼຽນເງິນ 1 ຫຼຽນ.
 |
ນັກຮຽນຫວຽດນາມທີ່ໄດ້ຮັບຫຼຽນຄຳໃນການແຂ່ງຂັນ ໂອລິມປິກ ຊີວະສາດສາກົນ 2018.
ເຂົ້າຮ່ວມການເສັງ Olympic ຊີວະສາດສາກົນປີນີ້, ຄະແນນຂອງບັນດານັກສອບເສັງ ຫວຽດນາມ ລ້ວນແຕ່ນອນໃນ top ຂອງການເສັງ.
（ຫັດທະບູນ）
