ທີ່ຢູ່ເຫດການໂຄສະນາ, ທ່ານ Olivier Langlet, ຜູ້ອຳນວຍການໃຫຍ່ Central Retail ຫວຽດນາມ ໃຫ້ຮູ້ວ່າ: “ ໝາກລິ້ນຈີ່ຫວຽດນາມ ໄດ້ຮັບຮູ້ວ່າແມ່ນໝາກລິ້ນຈີ່ທີ່ແຊບທີ່ສຸດຢູ່ຕະຫຼາດ ແລະ ພວກເຮົາມີຄວາມພາກພູມໃຈທີ່ໄດ້ແນະນຳໝາກລິ້ນຈີ່ຫວຽດນາມ ອອກໄປສູ່ໂລກ. ນັ້ນແມ່ນເຫດຜົນທີ່ພວກຂ້າພະເຈົ້າໄດ້ຈັດຕັ້ງເຫດການນີ້ຂຶ້ນເພື່ອເພີ່ມທະວີການໂຄສະນາໝາກລິ້ນຈີ່ຢູ່ໄທ ແລະ ຄ່ອຍໆສ້າງຕະຫຼາດທີ່ເປັນປົກກະຕິເພື່ອບໍລິໂພກໝາກລິ້ນຈີ່ຢູ່ໄທ”.
 |
| ໝາກລີ້ນຈີ່ຫວຽດນາມ ໄດ້ວາງຂາຍຢູ່ໄທ. |
ກ່ອນໜ້ານີ້, ໝວດສິນຄ້າໝາກລີ້ນຈີ່ ລຸກຫງ້ານ (ບັກຢາງ) 3 ໂຕນ Central Retail ໄດ້ສົ່ງອອກໃນໂຄຕ້າໄປຕະຫຼາດໄທ ໃນວັນທີ 10 ກໍລະກົດ 2023; ແລະ ມາຮອດວັນທີ 12 ກໍລະກົດ 2023, ໝາກລີ້ນຈີ່ທີ່ມີຊື່ສຽງຂອງຫວຽດນາມ ໄດ້ຮັບການວາງຂາຍຢ່າງເປັນທາງການຢູ່ຊັ້ນວາງຂອງລະບົບຮ້ານສັບພະສິນຄ້າ Tops Food Hall (ລະບົບຄ້າຂາຍການຂາຍຍ່ອຍສະບຽງອາຫານຂອງກຸ່ມບໍລິສັດ Central Retail Group) ເພື່ອຂາຍໃຫ້ຜູ້ບໍລິໂພກຢູ່ນະຄອນຫຼວງບາງກອກ (ປະເທດໄທ). ລາຄາຂາຍໝາກລີ້ນຈີ່ຫວຽດນາມ ຢູ່ໄທ ແມ່ນ 259 ບາດ/ກ່ອງ, ເທົ່າກັບ 173.000 ດົ່ງ/ກິໂລ.
ຕາມທ່ານເອກອັກຄະລັດຖະທູດຫວຽດນາມ ປະຈຳ ປະເທດໄທ ຟານຈິເເທງ ແລ້ວ, ງານວາງສະແດງຜະລິດຕະພັນໝາກລີ້ນຈີ່ ລຸກງ້ານ ຄັ້ງທີ 2 ຢູ່ໄທ ຈະຊ່ວຍນຳໝາກໄມ້ຫວຽດນາມ ເຂົ້າໄປຍັງໄທ ຕື່ມອີກ ກໍ່ຄືດຶງດູດນັກທ່ອງທ່ຽວຈາກປະເທດທີ 3 ມາຍັງ 2 ປະເທດ.ທ່ານເອກອັກຄະລັດຖະທູດ ເຊື່ອໝັ້ນວ່າ ດ້ວຍຄວາມຕັດສິນໃຈຂອງບັນດາວິສາຫະກິດ ຈະຊຸກຍູ້ການຮ່ວມມືດ້ານກະສິກຳລະຫວ່າງ ຫວຽດນາມ - ໄທ, ໝາກລິ້ນຈີ່ຫວຽດນາມ ຈະເກັບກ່ຽວໄດ້ຜົນສຳເລັດຫລາຍຢ່າງຢູ່ໄທ ແລະ ເປີດກວ້າງອອກສູ່ຕະຫຼາດສາກົນຢ່າງແຮງໃນອະນາຄົດ.
ວັນທີ 16 ພຶດສະພາ 2023, ຢູ່ແຂວງ ບັກຢາງ ໄດ້ຈັດພິທີລົງນາມຂໍ້ຕົກລົງຮ່ວມມືລະຫວ່າງກຸ່ມບໍລິສັດ Central Retail ຫວຽດນາມ ແລະ ຄະນະກຳມະການປະຊາຊົນແຂວງ ບັກຢາງ ກ່ຽວກັບການຈຳໜ່າຍໝາກລິ້ນຈີ່ ໃນປີ 2023.
ຕາມຂໍ້ຕົກລົງຮ່ວມມືແລ້ວ, Central Retail ຈະຜັນຂະຫຍາຍຫຼາຍວິທີເພື່ອຊຸກຍູ້ການຈຳໜ່າຍໝາກລິ້ນຈີ່ແຂວງບັກຢາງ, ເພື່ອແນໃສ່ບັນລຸໍແຜນການການບໍລິໂພກປະມານ 300 ໂຕນໃນປີນີ້.
ປີ 2017, ພາຍຫຼັງຄວາມມານະພະຍາຍາມໃນການຊຸກຍູ້ການສົ່ງອອກໝາກລິ້ນຈີ່ໄປປະເທດໄທ, ໝວດສິນຄ້າໝາກລິ້ນຈີ່ ລຸກຫງ້ານ (ບັກຢາງ) ກໍ່ໄດ້ສົ່ງອອກໄປຍັງຕະຫຼາດໄທ ຄັ້ງທຳອິດໃນວັນທີ 30 ມິຖຸນາ 2017, ໂດຍໄດ້ຮັບຄວາມສົນໃຈ, ສະໜັບສະໜູນຢ່າງຕັ້ງໜ້າຈາກຜູ້ບໍລິໂພກໄທ ເມື່ອໄປຊື້ເຄື່ອງຢູ່ຮ້ານສັບພະສິນຄ້າ Tops ແລະ Tops Food Hall.
ດີງເລື້ອງ
