| ກອງປະຊຸມຄັ້ງທີ 8 ຂອງກຸ່ມປະຕິບັດງານອາຊຽນ ກ່ຽວກັບທາດເຄມີ ແລະ ສິ່ງເສດເຫຼືອ ຈະດຳເນີນແຕ່ວັນທີ 5-7 ກໍລະກົດ | |
| ກອງປະຊຸມສຳມະນາແນະ “ອາຊຽນ, ຮູບແບບການຮ່ວມມືພາກພື້ນ” |
ກ່າວຄຳເຫັນຕໍ່ນັກຂ່າວສຳນັກຂ່າວສານຫວຽດນາມ ປະຈຳຈາກາຕາ, ທ່ານເອກອັກຄະລັດຖະທູດຫວຽດນາມ ປະຈຳອາຊຽນ ຫງວຽນຫາຍບັງ ຖືວ່າ: ເຫດການດັ່ງກ່າວ ກໍ່ແມ່ນໂອກາດເພື່ອໃຫ້ບັນດາປະເທດຕີລາຄາຄືນຄວາມຄືບໜ້າການຮ່ວມມືຂອງອາຊຽນ ແລະ ລະຫວ່າງ ອາຊຽນ ກັບບັນດາຄູ່ຮ່ວມມືໃນຊຸມປີທີ່ຜ່ານມາ, ຈາກນັ້ນກໍ່ວາງອອກການກໍານົດທິດທາງສໍາລັບອະນາຄົດ.
ກອງປະຊຸມໄດ້ດຳເນີນໄປແຕ່ວັນທີ 10-14 ກໍລະກົດ ຢູ່ນະຄອນຫຼວງຈາກາຕາ, ກອງປະຊຸມຄັ້ງນີ້ມີການເຂົ້າຮ່ວມຂອງ 10 ປະເທດອາຊຽນ ແລະ ຄູ່ຮ່ວມມື.
ນີ້ກໍ່ແມ່ນໂອກາດເພື່ອຢັ້ງຢືນບົດບາດ ແລະ ຄຸນຄ່າຍຸດທະສາດຂອງບັນດາກົນໄກໂດຍ ອາຊຽນ ນຳພາໃນການຊຸກຍູ້ການເຈລະຈາ ແລະ ການຮ່ວມມື, ສ້າງເວທີປາໄສໃຫ້ບັນດາປະເທດແລກປ່ຽນທັດສະນະຊຶ່ງກັນ ແລະ ກັນ, ປະກອບສ່ວນປັບປຸງຄວາມເຂົ້າໃຈ, ຮັດແຄບຄວາມແຕກຕ່າງ ແລະ ຊຸກຍູ້ຄວາມໄວ້ເນື້ອເຊື່ອໃຈ.
 |
ທ່ານລັດຖະມົນຕີການຕ່າງປະເທດ ຫວຽດນາມ ບູ່ຍແທັງເຊີນ ທີ່ກອງປະຊຸມ. |
ທີ່ກອງປະຊຸມຄັ້ງນີ້, ຄະນະຜູ້ແທນຫວຽດນາມ ຈະເຂົ້າຮ່ວມໃນຫຼາຍກ່ວາ 20 ກອງປະຊຸມ, ປະກອບສ່ວນເພີ່ມທະວີຄວາມສາມັກຄີ ແລະ ຄວາມເຫັນດີເຫັນພ້ອມຂອງອາຊຽນ, ເພີ່ມທະວີການຮ່ວມມືລະຫວ່າງ ອາຊຽນ ກັບບັນດາຄູ່ຮ່ວມມື, ຜ່ານນັ້ນ ກໍ່ຍົກສູງທີ່ຕັ້ງ ແລະ ບົດບາດຂອງຫວຽດນາມ ໃນສະມາຄົມປະຊາຊາດອາຊີຕາເວັນອອກສ່ຽງໃຕ້ ແລະ ບົນເວທີປາໄສສາກົນ.
ໃນຖານະເປັນອົງການເຊື່ອມຕໍ່ທີ່ໄດ້ຮັບການມອບໝາຍໜ້າທີ່ການເຈລະຈາເອກະສານຈຳນວນໜຶ່ງ ໃນກອງປະຊຸມຄັ້ງນີ້, ຄະນະຜູ້ແທນ ຫວຽດນາມ ປະຈຳ ອາຊຽນ ໄດ້ປະກອບສ່ວນຢ່າງຕັ້ງໜ້າເຂົ້າບັນດາຂໍ້ລິເລີ່ມທີ່ ຫວຽດນາມ ສະເໜີ.
ເອກະສານສຳຄັນຫຼາຍສະບັບ ຄື: ບັນດາຖະແຫຼງການຮ່ວມ ເຊິ່ງຄາດວ່າຈະໄດ້ຮັບການຮັບຮອງເອົາໃນກອງປະຊຸມຄັ້ງນີ້ ລ້ວນແຕ່ມີການເຂົ້າຮ່ວມ ແລະ ປະກອບສ່ວນຂອງຄະນະຜູ້ແທນຫວຽດນາມ, ຄະນະຜູ້ແທນບັນດາປະເທດອາຊຽນຢູ່ນະຄອນຫຼວງຈາກາຕາ ແລະ ຄະນະຜູ້ແທນບັນດາປະເທດຄູ່ຮ່ວມມື. ບັນດາການປະກອບສ່ວນຂອງຫວຽດນາມ ໄດ້ຮັບການຕີລາຄາສູງ ແລະ ໄດ້ຮັບການຮັບຮູ້ຈາກບັນດາປະເທດ, ຜ່ານນັ້ນກໍ່ຊ່ວຍເພີ່ມທະວີພາບພົດ, ບົດບາດ ແລະ ທີ່ຕັ້ງຂອງ ຫວຽດນາມ ຢູ່ ອາຊຽນ ສືບຕໍ່ໄດ້ຮັບການປັບປຸງ.
ຄຳຮຸ່ງ
