 |
| ບັນດາຜູ້ແທນແລກປ່ຽນຄຳເຫັນທີ່ ກອງປະຊຸມສຳມະນາ (ພາບ: nhandan.vn) |
ຢູ່ທີ່ການສຳມະນາ, ທ່ານນາງ ດັ້ງຖິທູຫ່າ, ເອກອັກຄະລັດຖະທູດ ຫວຽດນາມ ປະຈຳ ມາຣົກ, ປະທານຄະນະກຳມະການ ອາຊຽນ ຢູ່ ມາຣົກ, ເນັ້ນໜັກວ່າພາຍຫຼັງ ການສ້າງຕັ້ງ ແລະ ພັດທະນາເປັນເວລາກ່ວາ 55 ປີ, ປະຈຸບັນ ອາຊຽນ ເປັນຄູ່ຮ່ວມມືທີ່ສຳຄັນ ຂອງຫຼາຍອົງການສາກົນ ແລະ ປະເທດມະຫາອຳນາດໃນໂລກ, ໃນນັ້ນມີ ອາຟິກກາ. ພ້ອມກັນນັ້ນ ທ່ານນາງ ດັ້ງຖິທູຫ່າ ກໍ່ຢືນຢັນວ່າ ຄະນະກຳມະການ ອາຊຽນ ປະຈຳ ມາຣົກ ຈະສືບຕໍ່ ແລະ ເປັນຂົວເຊື່ອມຕໍ່ປະກອບສ່ວນ ນຳເອົາການພົວພັນຮ່ວມມືໃນບັນດາຂົງເຂດ ລະຫວ່າງ ມາຣົກ ແລະ ອາຊຽນ ໃຫ້ພັດທະນານັບມື້ນັບເຂົັ້ມແຂງ ໃນໄລຍະທີ່ຈະມາເຖິງ.
ບັນດາຄູ່ຮ່ວມມືໃນນັ້ນມີບັນດາປະເທດມະຫາອຳນາດລ້ວນແຕ່ຖືເປັນສຳຄັນ ແລະ ຢາກເພີ່ມທະວີການຮ່ວມມືກັບ ອາຊຽນ, ພ້ອມທັງຢັ້ງຢືນວ່າ ຄະນະກຳມະການອາຊຽນ ປະຈຳ ມາຣົກ ຈະສືບຕໍ່ແມ່ນຂົນເຊື່ອມຕໍ່ສົມທົບກັນຢ່າງແໜ້ນແຟ້ນກັບບັນດາອົງການທີ່ມີໜ້າທີ່ຮັບຜິດຊອບຂອງບັນດາຝ່າຍ, ປະກອບສ່ວນນຳການພົວພັນຄູ່່ຮ່ວມມືໃນບັນດາຂົງເຂດ ລະຫວ່າງ ມາຣົກ ແລະ ອາຊຽນ ນັບມື້ນັບມີການພັດທະນາຢ່າງແຮງ.
ທ່ານ Mohamed Jawhar Hassan ອະດີດຜູ້ອຳນວຍການສະຖາບັນຄົ້ນຄ້ວາຍຸດທະສາດ ແລະ ສາກົນ ມາເລເຊຍ ໄດ້ສະເໜີລາຍລະອຽດບັນດາຫຼັກການສຳຄັນຂອງອາຊຽນ, ພ້ອມທັງ ເນັ້ນໜັກວ່າ ບັນດາປະເທດ ອາຊຽນ ກໍ່ສ້າງອົງການພາກພື້ນທີ່ມີປະສິດທິຜົນ, ເອກະພາບ ລະຫວ່າງບັນດາປະເທດທີ່ມີຄວາມແຕກຕ່າງກັນກ່ຽວກັບດ້ານພາສາ, ວັດທະນະທໍາ, ສາດສະຫນາ, ລະບົບການເມືອງ ...
ກ່າວຄຳເຫັນທີ່ກອງປະຊຸມ, ບັນດາຜູ້ແທນສະແດງຄວາມສົນໃຈ ແລະ ຕີລາຄາສູງຕໍ່ຜົນສຳເລັດຂອງຮູບແບບການຮ່ວມມືພາກພື້ນຂອງບັນດາປະເທດ ອາຊຽນ ແລະ ປາດຖະໜາວ່າ ບັນດາປະເທດອາຟຼິກາ ສາມາດນຳໃຊ້ຮູບແບບນີ້ເຂົ້າໃນການຮັບປະກັນສະຖຽນລະພາບຂອງພາກພື້ນ, ມຸ່ງໄປເຖິງການສ້າງຄວາມຮັ່ງມີ ແລະ ສະຫວັດດີການທີ່ດີໃຫ້ແກ່ປະຊາຊົນ.
ບຸນຄົງ
