| ຫວຽດນາມ ເຂົ້າຮ່ວມວາລະປະຊຸມຄັ້ງທີ 43 ກອງປະຊຸມຂັ້ນສູງລັດຖະມົນຕີຂອງ FAO | |
| FAO ສົມທົບກັບແຂວງ ກວາງນາມ ໃນຂົງເຂດກະສິກຳ |
ຕາມສຳນັກຂ່າວສານຫວຽດນາມປະຈຳ Rome, ຕອນບ່າຍວັນທີ 5 ກໍລະກົດ, ທ່ານເອກອັກຄະລັດຖະທູດ ດັ້ງຫາຍຮື່ງ ໄດ້ກ່າວຄຳປາໄສບັນດາຂໍ້ສະເໜີຂອງຫວຽດນາມ ໃນການປະຕິບັດໂຄງການຫັນປ່ຽນລະບົບສະບຽງອາຫານ, ປະກອບສ່ວນໃນການຄ້ຳປະກັນດ້ານສະບຽງອາຫານ.
ທີໜຶ່ງ, ໜູນຊ່ວຍບັນດາປະເທດປະຕິບັດຂອບໂຄງການແຫ່ງຊາດ ແລະ ຫັນປ່ຽນລະບົບກະເສດ - ອາຫານໄປຕາມທິດການປັບຕົວ, ຮອບດ້ານ ແລະ ຍືນຍົງ. ຕ້ອງສຸມໃສ່ຫຼຸດຜ່ອນການເສຍຫາຍ ແລະ ຟຸ່ມເຟືອຍ, ຊຸກຍູ້ການຄ້າອອນໄລ ເພື່ອຕິດຕາມກວດກາ, ຄວບຄຸມຄຸນນະພາບ..., ຫວຽດນາມ ປາດຖະໜາຢາກຮ່ວມມືກັບບັນດາພາກສ່ວນທີ່ກ່ຽວຂ້ອງ ໃນການຊຸກຍູ້ການຄ້າຜະລິດຕະພັນກະເສດ ເພື່ອເປັນພື້ນຖານໃຫ້ແກ່ການຄ້ຳປະກັນສະບຽງອາຫານຂອງພາກພື້ນ ແລະ ທົ່ວໂລກ.
 |
ທີສອງ, ເລັ່ງລັດຂະບວນການຫັນເປັນກະສິກຳສີຂຽວ ແລະ ດີຈີຕອນໃນການກະເສດເພື່ອປັບຕົວເຂົ້າກັບການປ່ຽນແປງຂອງດິນຟ້າອາກາດ. ຫວຽດນາມ ກຽມພ້ອມກາຍເປັນໃຈກາງການປ່ຽນແປງໃໝ່ສະບຽງອາຫານຢູ່ອາຊີຕາເວັນອອກສ່ຽງໃຕ້ ແລະ ຈະສືບຕໍ່ເຂົ້າຮ່ວມຢ່າງຕັ້ງໜ້າໃນບັນດາຂໍ້ລິເລີ່ມປ່ຽນແປງໃໝ່, ຮອບດ້ານ, ດິຈິຕອນ ແລະ ຫັນເປັສສີຂຽວໃນຂົງເຂດກະສິກຳ.
ທີສາມ, ຊຸກຍູ້ການປະສານສົມທົບ ແລະ ແບ່ງປັນຂໍ້ມູນຂ່າວສານໃນການຄຸ້ມຄອງຊັບພະຍາກອນທຳມະຊາດ ແລະ ນ້ຳແບບຍືນຍົງ, ໃນນັ້ນມີແຫຼ່ງນ້ຳຂ້າມຊາຍແດນ, ຊັບພະຍາກອນທາງທະເລ, ແລະ ການຮ່ວມມືໃຕ້-ໃຕ້. ເພີ່ມທະວີການຮ່ວມມື, ຕັ້ງໜ້າສະໜັບສະໜູນການປະຕິບັດສັນຍາປາຣີ ກ່ຽວກັບການປ່ຽນແປງຂອງດິນຟ້າອາກາດ ແລະ ກອບ Sendai ກ່ຽວກັບການຫຼຸດຜ່ອນຄວາມສ່ຽງໄພພິບັດ ເພື່ອຮ່ວມມືກໍ່ສ້າງລະບົບປ້ອງກັນໄພທຳມະຊາດ, ຍົກສູງຄວາມຍືນຍົງ ແລະ ຄວາມສາມາດໃນການຕ້ານໄພທຳມະຊາດ, ໂດຍເນັ້ນໜັກເປັນພິເສດເຖິງການຄຸ້ມຄອງຄວາມສ່ຽງໃນຊຸມຊົນ ແລະ ພັດທະນາຊົນນະບົດແບບຍືນຍົງ.
ຄຳຮຸ່ງ
