| ພິທີໄຂ Festival ອາຊີບຫັດຖະກຳ ເຫ້ວ | |
| ງານບຸນລະດູບານໃໝ່ ກົນເຊີນ - ກຽບບາກ ປີ 2023 ຈະດຳເນີນແຕ່ວັນທີ 4 – 13 ກຸມພາ ປີ 2023 |
ພາຍຫຼັງໄດ້ຈັດຂຶ້ນ 3 ຄັ້ງ, ງານບຸນ Festival ຊຸດເສື້ອຍາວ ໄດ້ກາຍເປັນງານບຸນວັດທະນະທຳ - ທ່ອງທ່ຽວທີ່ພົ້ນເດັ່ນ, ໄດ້ສ້າງສັນຍາລັກສະເພາະຂອງຕົນ, ໄດ້ດຶງດູດຄວາມສົນໃຈຂອງຊາວທ້ອງຖິ່ນ ແລະ ນັກທ່ອງທ່ຽວມາຍັງແຂວງ ແຄ໋ງຮ່ວາ ເປັນຈຳນວນຫຼວງຫຼາຍ. ງານບຸນ Festival ຊຸດເສື້ອຍາວ ຄັ້ງທີ 4 ແມ່ນເພື່ອແນໃສ່ເຊີດຊູຄວາມງາມຂອງຊຸດເສື້ອຍາວພື້ນເມືອງ, ຜ່ານບັນດາການເຄື່ອນໄຫວວັດທະນະທຳທາງດ້ານຈິດໃຈທີ່ອຸດົມສົມບູນ, ປະກອບສ່ວນຮັກສາ ແລະ ໂຄສະນາບັນດາຄຸນຄ່າວັດທະນະທຳພື້ນເມືອງຂອງປະເທດຊາດ.
ປີນີ້, ງານບຸນໄດ້ສືບຕໍ່ຍົກສູງດ້ວຍຂະໜາດໃຫຍ່ ແລະ ປ່ຽນໃໝ່ບັນດາເນື້ອໃນ, ໃຫ້ນັກທ່ອງທ່ຽວທັງພາຍໃນ ແລະ ຕ່າງປະເທດ ໄດ້ມີປະສົບການທີ່ເປັນເອກະລັກສະເພາະ ເມື່ອມາຍັງບຸນທະເລຂອງ ຍາຈາງ, ແຂວງແຄ໋ງຮ່ວາ.
 |
| Festival ທະເລ 2023: ເຊີດຊູຊຸດເສື້ອຍາວຫວຽດນາມ |
ທ່ານນາງ ຫງວຽນກວິ່ງງາ, ປະທານສະຫະພັນແມ່ຍິງແຂວງແຄ໋ງຮ່ວາ ໃຫ້ຮູ້ວ່າ: ຜ່ານຫຼາຍຈຸດເວລາການຂຶ້ນລົງຂອງປະຫວັດສາດ, ປະຈຸບັນ ຊຸດເສື້ອຍາວຫວຽດນາມ ບໍ່ພຽງແຕ່ແມ່ນສັນຍາລັກໃຫ້ແກ່ພາບພົດຂອງຊາວ ຫວຽດນາມ ເທົ່ານັ້ນ, ຫາກຍັງມີທັງຈິດວິນຍານຂອງບັນດາເຜົ່າ, ສະແດງໃຫ້ເຫັນຄຸນຄ່າທາງດ້າຄຸນສົມບັດ ແລະ ຄວາມງາມ, ແລະ ແມ່ນມໍລະດົກອັນລ້ຳຄ່າຂອງຊາວຫວຽດນາມ. ສະນັ້ນ, ຄວນສືບຕໍ່ອະນຸລັກຮັກສາຄຸນຄ່າມະນຸດສະທຳ ໃນຊຸດອາພອນພື້ນເມືອງ ເພື່ອໃຫ້ຮູ້ຄຸນຄ່າທີ່ບັນພະບຸລຸດໄດ້ປະໄວ້. “ນັ້ນກໍ່ແມ່ນສານເຊິ່ງ ຜ່ານວັນບຸນນີ້, ສະຫະພັນແມ່ຍິງແຂວງ ຈະສືບຕໍ່ຮຽກຮ້ອງໃຫ້ແມ່ຍິງທຸກຄົນເຊີດຊູຮີດຄອງປະເພນີ ແລະ ເອກະລັກຂອງຊາດ, ອະນຸລັກຮັກສາຄຸນຄ່າຂອງຊຸດເສື້ອຍາວຫວຽດນາມ, ພ້ອມກັນນັ້ນ, ກໍ່ໂຄສະນາເຜີຍແຜ່ພາບພົດຊຸດເສື້ອຍາວຫວຽດນາມ ກໍ່ຄືພາບພົດຂອງແມ່ຍິງຫວຽດນາມ ໄປສູ່ໝູ່ເພື່ອນສາກົນ”, ທ່ານນາງ ຫງວຽນກວິ່ງງາ ເນັ້ນໜັກ.
ຄຳຮຸ່ງ
