| ເດືອນພຶດສະພາ ຈະເປີດນຳໃຊ້ສະໜາມບິນ ໜອງຄ້າງ, ຈຸດສຸມໃນການຮ່ວມມືລະຫວ່າງ ຫວຽດນາມ - ລາວ | |
| ທ່ານພົນເອກ ເລືອງເກື່ອງ ສິ້ນສຸດການຢ້ຽມຢາມ ສປປ ລາວ ຢ່າງເປັນທາງການ |
ໃນຕອນບ່າຍວັນທີ 11 ພຶດສະພາ, ຢູ່ ຮ່າໂນ້ຍ, ທ່ານພົນເອກ ຟານວັນຢາງ, ລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ຕ້ອນຮັບຄະນະຜູ້ແທນສະຫະພັນນັກຮົບເກົ່າ ລາວ, ໂດຍທ່ານພົນໂທ ແສງນວນ ໄຊຍະລາດ ປະທານສະຫະພັນນັກຮົບເກົ່າ ລາວ ເປັນຫົວໜ້າຄະນະ.
 |
| ທ່ານພົນເອກ ຟານວັນຢາງ ຕ້ອນຮັບຄະນະຜູ້ແທນສະຫະພັນນັກຮົບເກົ່າ ລາວ |
ທີ່ການຕ້ອນຮັບ, ທ່ານພົນເອກ ຟານວັນຢາງ ຢືນຢັນວ່າ, ການພົວພັນຮ່ວມມືດ້ານປ້ອງກັນຊາດ ຫວຽດນາມ - ລາວ ໃນໄລຍະທີ່ຜ່ານມາ ໄດ້ສືບຕໍ່ພັດທະນາຢ່າງຮອບດ້ານ, ແທດຈິງ ແລະ ມີປະສິດທິຜົນກວ່າ, ຄື: ວຽກງານພັກ, ວຽກງານການເມືອງ, ບຳລຸງສ້າງ ແລະ ອື່ນໆ ແຕ່ຕົ້ນປີມາຮອດປະຈຸບັນ, 2 ຝ່າຍ. ສອງຝ່າຍໄດ້ສົມທົບກັນຈັດຕັ້ງການເຄື່ອນໄຫວທີ່ມີຄວາມໝາຍຫຼາຍຢ່າງ, ໃນນັ້ນການສົນທະນາທາງການເມືອງໄດ້ຮັບການຜັນຂະຫຍາຍຢ່າງສຳເລັດຜົນໃນການປະຕິບັດນະໂຍບາຍປ້ອງກັນຊາດຫວຽດນາມ - ລາວ ຄັ້ງທີ 3 ຢູ່ແຂວງຫົວພັນ, ລາວ (ມີນາ 2023); ການສຳຫຼວດປະສານງານຖະໜົນຫົນທາງໂຮ່ຈິມິນ (ເມສາ 2023); ສືບຕໍ່ຊອກຄົ້ນ ແລະ ເກັບກຳຊາກສົບຂອງທະຫານອາສາສະໝັກຫວຽດນາມ ທີ່ເສຍຊີວິດຢູ່ລາວໃນສົງຄາມ.
ທ່ານພົນເອກ ຟານວັນຢາງ ເນັ້ນໜັກວ່າ, ກະຊວງປ້ອງກັນປະເທດ ຫວຽດນາມ ຍາມໃດກໍ່ເອົາໃຈໃສ່ ແລະ ສະໜັບສະໜູນລະຫວ່າງສູນກາງສະຫະພັນນັກຮົບເກົ່າ ຫວຽດນາມ ແລະ ສະຫະພັນນັກຮົບເກົ່າ ລາວ ໃນໄລຍະຜ່ານມາ. ໃນໄລຍະຈະມາເຖິງ, 2 ສະຫະພັນຈະສືບຕໍ່ເປັນຂົວເຊື່ອມຕໍ່ມິດຕະພາບເພື່ອໃຫ້ນັກຮົບເກົ່າລຸ້ນຕ່າງໆຂອງ 2 ປະເທດ, ສືບຕໍ່ໂຄສະນາ, ສຶກສາໃຫ້ລຸ້ນໜຸ່ມຂອງ 2 ປະເທດ ກ່ຽວກັບປະຫວັດສາດ, ຄວາມໝາຍ, ຄວາມສຳຄັນຂອງສາຍພົວພັນ, ນ້ຳໃຈສາມັກຄີສະໜິດຕິດພັນລະຫວ່າງ 2 ປະເທດ ແລະ ກອງທັບ 2 ປະເທດ.
ສ່ວນທ່ານພົນໂທ ແສງນວນ ໄຊຍະລາດ ສະແດງຄວາມປາດຖະໜາວ່າ ພັກ, ລັດ, ກອງທັບປະຊາຊົນ ຫວຽດນາມ ສືບຕໍ່ເອົາໃຈໃສ່, ສ້າງເງື່ອນໄຂເພື່ອໃຫ້ສະຫະພັນຂອງ 2 ປະເທດ ສືບຕໍ່ຜັນຂະຫຍາຍການເຄື່ອນໄຫວຮ່ວມມືໃນໄລຍະຈະມາເຖິງໃຫ້ບັນລຸປະສິດທິຜົນ, ແທດຈິງ, ປະກອບສ່ວນເພີ່ມທະວີສ້າງສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ໃຫ້ຫຼາຍກວ່າເກົ່າ.
ຄຳຮຸ່ງ
