ສະຫາຍ ພົນເອກ ເລືອງເກື່ອງ ກໍາມະການກົມການເມືອງ, ຄະນະປະຈໍາຄະນະ ພັກການທະຫານສູນກາງ, ຫົວໜ້າກົມໃຫຍ່ການເມືອງ ກອງທັບປະຊາຊົນ ຫວຽດນາມ ພ້ອມດ້ວຍຄະນະຜູ້ແທນພະນັກງານການເມືອງຂັ້ນສູງ ກອງທັບ ປະຊາຊົນ ຫວຽດນາມ ໄດ້ສິ້ນສຸດການຢ້ຽມຢາມ ສປປ ລາວ ຢ່າງເປັນທາງການ.
ການຢ້ຽມຢາມ ດໍາເນີນແຕ່ວັນທີ 17-19 ພະຈິກ 2022, ເພື່ອແນໃສ່ ຜັນຂະຫຍາຍຈັດຕັ້ງການເຄື່ອນໄຫວສະເຫຼີມສະຫຼອງ “ປີສາມັກຄີມິດຕະພາບ ຫວຽດນາມ-ລາວ, ລາວ-ຫວຽດນາມ 2022”; ປະກອບສ່ວນປັບປຸງສາຍ ພົວພັນມິດຕະພາບ, ຄວາມສາມັກຄີແບບພິເສດລະຫວ່າງກອງທັບສອງປະເທດ ເວົ້າລວມ, ເວົ້າສະເພາະ ກົມໃຫຍ່ການເມືອງ ກອງທັບປະຊາຊົນສອງປະເທດ ກວ່າອີກ. ໃນຂອບເຂດການຢ້ຽມຢາມ, ສະຫາຍ ພົນເອກ ເລືອງເກື່ອງ ພ້ອມດ້ວຍຄະນະຜູ້ແທນພະນັກງານການເມືອງຂັ້ນສູງ ກອງທັບປະຊາຊົນ ຫວຽດນາມ ໄດ້ເຂົ້າຢ້ຽມຂໍ່ານັບສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ແຫ່ງ ສປປ ລາວ; ເຂົ້າຢ້ຽມຂໍ່ານັບສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ, ຮອງນາຍົກ ລັດຖະມົນຕີ, ລັດຖະມົນຕີກະຊວງປ້ອງກັນປະເທດ ລາວ; ພົບປະເຈລະຈາ ກັບສະຫາຍ ພົນໂທ ທອງລອຍ ສີລິວົງ ຮອງລັດຖະມົນຕີກະຊວງ ປ້ອງກັນປະເທດ, ຫົວໜ້າກົມໃຫຍ່ການເມືອງກອງທັບປະຊາຊົນ ລາວ; ຢ້ຽມຢາມ ແລະ ເຮັດວຽກຢູ່ແຂວງຫຼວງພະບາງ ແລະ ເຂົ້າຮ່ວມງານພົບປະນາຍທະຫານໜຸ່ມ ຫວຽດນາມ-ລາວ ໂດຍຊາວໜຸ່ມກອງທັບສອງປະເທດ ສົມທົບກັນຈັດຕັ້ງ...
ຂໍແນະນໍາເຖິງເພື່ອນຜູ້ອ່ານການເຄື່ອນໄຫວຂອງ ສະຫາຍ ພົນເອກ ເລືອງເກື່ອງ ໃນການຢ້ຽມຢາມ ສປປ ລາວ ຢ່າງເປັນທາງການ.
 |
| ສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດ ແຫ່ງ ສປປ ລາວ ຕ້ອນຮັບສະຫາຍ ພົນເອກ ເລືອງເກື່ອງ. |
 |
| ສະຫາຍ ພົນເອກ ເລືອງເກື່ອງ ເຂົ້າຢ້ຽມຂໍ່ານັບ ແລະ ມອບຂອງຂວັນທີ່ລະນຶກໃຫ້ ສະຫາຍ ພົນເອກ ຈັນສະໝອນ ຈັນຍາລາດ. |
 |
| ສະຫາຍ ພົນເອກ ເລືອງເກື່ອງ ແລະ ສະຫາຍ ພົນເອກ ຈັນສະໝອນ ຈັນຍາລາດ ພ້ອມດ້ວຍບັນດາຜູ້ແທນ. |
 |
| ສະຫາຍ ພົນເອກ ເລືອງເກື່ອງ ແລະ ສະຫາຍ ພົນໂທ ທອງລອຍ ສີລິວົງ ກວດແຖວກຽດຕິຍົດກອງທັບປະຊາຊົນ ລາວ. |
 |
| ສະຫາຍ ພົນເອກ ເລືອງເກື່ອງ ທີ່ການພົບປະເຈລະຈາກັບ ສະຫາຍ ພົນໂທ ທອງລອຍ ສີລິວົງ. |
 |
| ທ່ານພົນເອກ ເລືອງເກື່ອງ ສິ້ນສຸດການຢ້ຽມຢາມ ສປປ ລາວ ຢ່າງເປັນທາງການ |
ບູນມີ
