ການຟື້ນຕົວຂອງຂະແໜງການບໍລິການສະບຽບອາຫານຢູ່ອາເມລິກາ ຄາດຫວັງວ່າຈະສ້າງເງື່ອນໄຂໃຫ້ແກ່ແນວໂນ້ມການຈະເລີນເຕີບໂຕໃນການສົ່ງອອກຂອງສິນຄ້າປະມົງຫວຽດນາມ ຍ້ອນທີ່ນີ້ເປັນຕະຫຼາດທີ່ສົ່ງອອກກຸ້ງ, ປາໜັງທີ່ໃຫຍ່ທີ່ສຸດຂອງປະເທດເຮົາ.
ການຟື້ນຕົວຂອງຂະແໜງບໍລິການສະບຽງອາຫານຢູ່ອາເມລິກາ ຈະສະໜັບສະໜູນການບໍລິໂພກອາຫານປະມົງໃນປີ 2022. ສະຫະພັນຜູ້ຜະລິດການບໍລິການອາຫານເຄື່ອງດື່ມສາກົນ (IFMA) ຄາດຄະເນວ່າ ປີ 2022 ການເຕີບໂຕໃນຂະແໜງການບໍລິການສະບຽງອາຫານຈະບັນລຸ 4,9% ທຽບກັບປີ 2021.
 |
| ພາບປະກອບ: VTV.VN |
ເປົ້າໝາຍການບໍລິໂພກລະບຽງອາຫານໃນພາກສ່ວນຮ້ານອາຫານປີ 2022 ໄດ້ຖືກຄາດຄະເນຈະກັບຄືນໃກ້ລະດັບປີ 2019 ແລະ ເພີ່ມ 8% ທຽບກັບປີ 2021. ເປົ້າໝາຍການບໍລິໂພກສະບຽງອາຫານໃນຮ້ານຊັບພະສິນຄ້າໃນປີ 2022 ໄດ້ຖືກຄາດຄະເນຈະເພີ່ມ 7,8% ທຽບກັບປີ 2021 ເພີ່ມຂຶ້ນ 38,8 ຕື້ ດອນລາ USD, ທຽບເທົ່າກັບລະດັບ 119% ຂອງປີ 2019.
ຍ້ອນແນວນັ້ນ, ການຟື້ນຕົວໃນຄວາມຕ້ອງການທີ່ຮ້ານອາຫານ ແລະ ການເຕີບໂຕໃນຄວາມຕ້ອງການສະບຽງອາຫານທີ່ຮ້ານຊັບພະສິນຄ້າ ໃນປີ 2022 ຈະສະໜັບສະໜູນການບໍລິໂພກອາຫານປະມົງຢູ່ອາເມລິກາ.
ເພາະວ່າອາເມລິກາ ເປັນຕະຫຼາດສົ່ງອອກກຸ້ງ ແລະ ປາໜັງທີ່ໃຫຍ່ທີ່ສຸດຂອງຫວຽດນາມ, ການຟື້ນຕົວຂອງຂະແໜງການບໍລິການອາຫານເຄື່ອງດື່ມຖືກຄາດວ່າຈະສ້າງເງື່ອນໄຂໃຫ້ແກ່ແນວໂນ້ມການຈະເລີນເຕີບໂຕໃນການສົ່ງອອກໃຫ້ແກ່ສິນຄ້າອາຫານປະມົງຫວຽດນາມ.
ຕາມຄາດຄະເນຂອງ OECD ແລະ FAO, ລາຄາຫົວໜ່ວຍຜະລິດສິນຄ້າປະມົງໃນນາມການລ້ຽງເປັນສິນຄ້າ ຈະສືບຕໍ່ເພີ່ມເຕີບໂຕ 15% ນັບແຕ່ ປີ 2021 ຫາ ປີ 2030. ປີ 2022, ລາຄາໜຶ່ງຫົວໜ່ວຍລ້ຽງສິນຄ້າປະມົງຄາດຄະເນຈະເພີ່ມ 6,3% ຂຶ້ນປະມານ 3.200 ດອນລາ USD/ໂຕນ.
ໃນເວລານັ້ນ, ລາຄາຕົວຈິງຂອງການລ້ຽງເປັນສິນຄ້າປະມົງ ໄດ້ຄາດວ່າຈະຟື້ນຕົວໃນໄລຍະກຳນົດສັ້ນໃນປີ 2022 ແລະ 2023, ຫຼັງຈາກນັ້ນຫຼຸດລົງແຕ່ປີ 2024 ຂຶ້ນໄປ ເພື່ອສະທ້ອນແຫຼ່ງສະໜອງເພີ່ມຍ່ອນຈຳນວນການລ້ຽງເພີ່ມຂຶ້ນ.
ຕາມສະຫະພັນປຸງແຕ່ງ ແລະ ສົ່ງອອກສິນຄ້າປະມົງຫວຽດນາມ (VASEP), ມູນຄ່າການສົ່ງອອກກຸ້ງຫວຽດນາມຖືກຄາດວ່າຈະເພີ່ມ 10% ທຽບກັບປີ 2021 ເພີ່ມຂຶ້ນ 4,3 ຕື້ດອນລາ USD ໃນປີ 2022.
ບັນດາວິສາຫະກິດຫວຽດນາມດັດປັບການຜະລິດໃຫ້ຕໍ່ເນື່ອງເພື່ອຄວາມເໝາະສົມກັບການລະບາດຂອງພະຍາດ, ສ້າງເງື່ອນໄຂສະດວກກຳໃຫ້ໄດ້ຄວາມຕ້ອງການທີ່ນັບມື້ເພີ່ມໃນຕະຫຼາດອາເມລິກາ.
ໃນ 11 ເດືອນຂອງປີ 2021, ອາເມລິການຳເຂົ້າກຸ້ງຫຼາຍກວ່າ 726.000 ໂຕນ ເພີ່ມ 7% ທຽບໃສ່ໄລຍະດຽວກັນໃນປີ 2020, ໂດຍສະເພາະມາຈາກອິນເດຍ, ເອກົວດໍ, ອິນໂດເນເຊຍ, ຫວຽດນາມ ແລະ ໄທ.
VASEP ຢືນຢັນວ່າ ການສົ່ງອອກກຸ້ງໄປອາເມລິກາ ຄາດຄະເນຈະເພີ່ມຂຶ້ນສູງໃນປີ 2022 ຍ້ອນຫວຽດນາມປັບປ່ຽນສະພາບທີ່ເໝາະສົມຕໍ່ເນື່ອງກັບການແຜ່ລະບາດພະຍາດໂຄວິດ-19 ຈະຊ່ວຍໃຫ້ປະເທດນີ້ກວມໄດ້ສ່ວນແບ່ງໃນຕະຫຼາດອາເມລິກາ.
ອາເມລິກາຍົກລະດັບພາສີຕ້ານການຂາຍໂກງລາຄາຂຶ້ນເທົ່າຕົວສຳລັບກຸ້ງສົ່ງອອກຈາກອິນເດຍ ແຕ່ 3% ຮອດ 7,15% ໃນເດືອນ 11/2021, ໄດ້ຍົກສູງທ່າແຮງການແຂ່ງຂັນໃຫ້ແກ່ປະເທດຄູ່ແຂ່ງອື່ນ, ໃນນັ້ນມີຫວຽດນາມ.
ຄຽງຄູ່ກັນນັ້ນ, ສົນທິສັນຍາການຄ້າເສລີໂດຍສະຫະພັນທະວີບເອີຣົບ-ຫວຽດນາມ (EVFTA) ສະໜັບສະໜູນຫວຽດນາມໃຫ້ມີທ່າແຮງການແຂ່ງຂັນຕື່ມໃນ EU ໃນປີ 2022. ອິນເດຍ, ເອກົວດໍ ແລະ ຫວຽດນາມ ເປັນສາມປະເທດທີ່ສົ່ງອອກກຸ້ງໃຫຍ່ທີ່ສຸດໄປ EU. ທຽບກັບອິນເດຍ, ຫວຽດນາມໄດ້ຮັບຜົນກຳໄລຫຼາຍກວ່າຈາກພາສີການສົ່ງອອກ.
ຕາມ EVFTA, ສຳລັບກຸ້ງສົ່ງອອກຈາກຫວຽດນາມໄປ EU ນັ້ນ ພາສີສົ່ງອອກສຳລັບກຸ້ງລາຍເສືອດຳ ແມ່ນ 0%, ໃນຂະນະທີ່ພາສີສຳລັບກຸ້ງຂາຂາວແຊ່ແຂງຈະຄ່ອຍຫຼຸດລົງຮອດ 0% ຈົນເຖິງປີ 2025.
ບໍ່ພຽງແຕ່ສະດວກກັບການສົ່ງອອກກຸ້ງ, VASEP ໄລ່ຕວງການສົ່ງອອກປາໜັງ ປີ 2022 ກໍຈະບັນລຸເປົ້າໝາຍປະມານ 1,65 ຕື້ດອນລາ USD, ທຽບເທົ່າລະດັບເພີ່ມ 7% ທຽບກັບປີ 2021.
ກົມໃຫຍ່ການປະມົງ, ກະຊວງກະສິກຳ ແລະ ພັດທະນາຊົນນະບົດໃຫ້ຊາບວ່າ: ມູນຄ່າການສົ່ງອອກອາຫານທະເລ ປີ 2021 ຄາດການບັນລຸ 8,89 ຕື້ດອນລາ USD, ເພີ່ມ 5,7% ທຽບກັບປີ 2020 ແລະ ເພີ່ມ 4,6% ທຽບກັບແຜນການ.
ວິລະຊົນ
