 |
| (ພາບ: TTXVN) |
ການຢ້ຽມຢາມຂອງທ່ານປະທານສະພາແຫ່ງຊາດ ເວືອງດິ່ງເຫວະ ສະແດງໃຫ້ເຫັນຄຳໝັ້ນສັນຍາ, ຄວາມຫວັງຂອງ ຫວຽດນາມ ໃນການເພີ່ມທະວີການພົວພັນໃນຫຼາຍດ້ານກັບ ອາກຊັງຕິນ, ອູຣູກວາຍຕາເວັນອອກ ຢ່າງຈະແຈ້ງ, ໃຫ້ບຸລິມະສິດເຮັດໃຫ້ການພົວພັນມິດຕະພາບ ແລະ ຄູ່ຮ່ວມມືທີ່ມາແຕ່ດົນນານ ເລິກເຊິ່ງກ່ວາອີກ.
ໃນຊຸມວັນຜ່ານມາ, ມີໜັງສືພິມທີ່ມີອິດທິພົນຊື່ສຽງຫຼາຍແຫ່ງຂອງອັກຊັງຕິນ ໄດ້ຍົກໃຫ້ເຫັນຢ່າງຈະແຈ້ງເຖິງຄວາມໝາຍຂອງການຢ້ຽມຢາມ ສ.ກຸຍບາ, ສ.ອາກຊັງຕິນ ແລະ ສ.ອູຣູກວາຍຕາເວັນອອກ ຢ່າງເປັນທາງການຂອງທ່ານປະທານສະພາແຫ່ງຊາດ ເວືອງດິ່ງເຫວະ ໃນລະຫວ່າງວັນທີ 18 – 28 ເມສາ.
ຫວ່າງມໍ່ໆມານີ້, ໜັງສືພິມ Resumen Latinoamericano ໄດ້ລົງບົດຂຽນຂອງທ່ານ ປ.ອ Ruvislei Gonzalez Saez, ໃນນັ້ນຢັ້ງຢືນວ່າ ການຢ້ຽມຢາມຂອງທ່ານປະທານສະພາແຫ່ງຊາດ ຫວຽດນາມ ໄດ້ສະແດງໃຫ້ເຫັນຄຳໝັ້ນສັນຍາ, ຄວາມຫວັງຂອງ ຫວຽດນາມ ແມ່ນເພີ່ມທະວີການພົວພັນໃນຫຼາຍດ້ານກັບ 3 ປະເທດ ອາເມລິກາ ລາຕິນ ແລະ ກາຣີເບ ນີ້, ບໍ່ພຽງແຕ່ໃນຊ່ອງທາງການທູດລັດຖະສະພາເທົ່ານັ້ນ ຫາກຍັງໃນນະໂຍບາຍການທູດລວມຂອງ ຫວຽດນາມ ອີກດ້ວຍ, ນັ້ນແມ່ນບຸລິມະສິດເຮັດໃຫ້ການພົວພັນມິດຕະພາບ ກັບບັນດາຄູ່ຮ່ວມມືທີ່ມາແຕ່ດົນນານໃນພາກພື້ນ ເລິກເຊິ່ງກ່ວາອີກ.
ນອກຈາກນັ້ນ, ການຢ້ຽມຢາມກໍ່ມີຄວາມໝາຍຫຼາຍຢ່າງເມື່ອດຳເນີນໄປຖືກກັບໄລຍະສະເຫຼີມສະຫຼອງບັນດາເຫດການສຳຄັນ: 60 ປີແຫ່ງວັນກຸຍບາສ້າງຕັ້ງຄະນະກຳມະການສະມັກຄີກັບພາກໃຕ້ ຫວຽດນາມ, 50 ປີແຫ່ງວັນການນຳ Fidel Castro Ruz ມາຢ້ຽມຢາມ ຫວຽດນາມ ຄັ້ງທຳອິດ, 50 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ຫວຽດນາມ ແລະ ອາກຊັງຕິນ ແລະ 30 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ຫວຽນດາມ - ອຸູຣຸກວາຍ.
ມາຮອດປັດຈຸບັນ, ຫວຽດນາມ ມີການພົວພັວທາງການທູດຢ່າງເປັນທາງການກັບ 33 ປະເທດ ອາເມລິກາ ລາຕິນ, ຜ່ານນັ້ນກໍ່ສະແດງໃຫ້ເຫັນນະໂຍບາຍການຕ່າງປະເທດທີ່ເປັນຫຼາຍຮູບແບບ, ຫັນການພົວພັນສາກົນເປັນຫຼາຍຝ່າຍ, ຖືການພັດທະນາການພົວພັນກັບພາກພື້ນນີ້ເປັນສຳຄັນ.
ບຸນຄົງ
