ທ່ານ​ນາງ​ເອກ​ອັກຄະ​ລັດຖະທູດ ​ເລ​ທິ​ຕວຽດມາຍ: ຫວຽດນາມ ມີ​ການ​ປະກອບສ່ວນ​ຢ່າງ​ແທດ​ຈິງ ​ແລະ ມີ​ຄວາມ​ຮັບຜິດຊອບ​ຕໍ່​ສະພາ​ສິດທິ​ມະນຸດ ສປຊ

	ທ່ານ​ຮອງ​ປະທານ​ສະພາ​ແຫ່ງ​ຊາດ ​ເຈີ່ນ​ແທັງ​ເໝິນ​ ພົບ​ປະ​ກັບການ​ນຳ IPU ​ແລະ ສະພາ​ແຫ່ງ​ຊາດ ລາວ
	ປະກອບສ່ວນ​ນຳ​ຫວຽດນາມ ​ເຊື່ອມ​ໂຍງ​ເຂົ້າ​ກັບ​ສາກົນ​​ນັບ​ມື້​ນັບ​ເລິກ​ເຊິ່ງກ້​ວາງ​ຂວາງ

ທ່ານ​ນາງ​ເອກ​ອັກຄະ​ລັດຖະທູດ ​ເລ​ທິ​ຕວຽດມາຍ (ພາບ​: TTXVN)

ກອງ​ປະ​ຊຸມ​ຄັ້ງ​ທີ 52 ຂອງ​ສະພາ​ສິດທິ​ມະນຸດ ສປຊ ​ໄດ້​ດຳ​ເນີນ​ແຕ່​ວັນ​ທີ 27 ກຸມ​ພາ – 4 ເມ​ສາ, ແມ່ນ​ກອງ​ປະ​ຊຸມ​ຄັ້ງ​ທຳ​ອິດ​ຂອງ​ຫວຽດ​ນາມ ໃນ​ຖາ​ນະ​ເປັນ​ສະ​ມາ​ຊິກ ສະພາ​ສິດທິ​ມະນຸດ ສປຊ ອາ​ຍຸ​ການ 2023-2025.

ຕໍ່​ໄປແມ່ນເນື້ອໃນການສໍາພາດ:

ຂໍ​ຮຽນ​ທ່ານນາງ​, ​ທ່ານນາງອາດ​ຈະ​ໃຫ້​ຮູ້ກ່ຽວ​ກັບ​ການ​ປະກອບສ່ວນ​ຕົ້ນຕໍ​ຂອງ​ຫວຽດນາມ​ໃນ​ກອງ​ປະຊຸມ​ຄັ້ງ​ທີ 52 ຂອງ ສະພາ​ສິດທິ​ມະນຸດ ສປຊ ນີ້​?

ຄະນະ​ຜູ້​ແທນ​ຫວຽດນາມ ​ໄດ້​ເຂົ້າ​ຮ່ວມ​ກອງ​ປະຊຸມ​ຄັ້ງ​ທີ 52 ຂອງສະພາ​ສິດທິ​ມະນຸດ ສປຊ ​​ໂດຍ​ທ່ານ​ຮອງ​ນາຍົກລັດຖະມົນຕີ ເຈີ່ນລຶວ​ກວາງ ນຳ​ໜ້າ ​ເຊິ່ງໄດ້ເຂົ້າ​ຮ່ວມ​ຢ່າງ​ຕັ້ງໜ້າ​ນັບ​ແຕ່ຕົ້ນ​ກອງ​ປະຊຸມ. ວັນ​ທີ 27 ກຸມພາ, ກ່າວ​ຄຳ​ເຫັນ​ທີ່​ກອງ​ປະຊຸມ​ຂັ້ນ​ສູງ​ພາຍຫຼັງ​​ພິ​ທີ​ໄຂ​ກອງ​ປະຊຸມ, ທ່ານ​ຮອງ​ນາຍົກລັດຖະມົນຕີ ເຈີ່ນ​ລຶວກວາງ ​ໄດ້​ຍົກ​ໃຫ້​ເຫັນ​ຫຼາຍ​ສານ​ກ່ຽວ​ກັບ​ຄຳ​ໝັ້ນ​ສັນ​ຍາ, ຄວາມ​ມານະ​ພະຍາຍາມຢ່າງ​ແຮງ ​ແລະ ຜົນງານ​ຂອງ​ຫວຽດນາມ ​ໃນ​ການ​ພັດທະນາ​ປະ​ເທດ​ຊາດ, ຮັບປະກັນ​ສິດທິ​ມະນຸດ; ຮຽກຮ້ອງ​ໃຫ້​ບັນດາ​ປະ​ເທດ​ ເຂົ້າ​ໃຈ ​ແລະ ​ເຄົາລົບ​ບັນດາ​ລັກສະນະ​ປະຫວັດສາດ, ລະ​ບົບການ​ເມືອງ, ວັດທະນະທຳ ​ແລະ ສັງຄົມ​ຂອງ​ກັນ, ຊຸກຍູ້​ການ​ຮ່ວມ​ມື ​ແລະ ປຶກສາ​ຫາລື​ກ່ຽວ​ກັບ​ສິດທິ​ມະນຸດ​ຢ່າງ​ຄົບ​ຖ້ວນ.

ຂໍ​ຮຽນ​ທ່ານ​ນາງແບ່ງປັນກ່ຽວກັບ​ຂໍ້​ລິ​ເລີ່​ມຂອງ​ຫວຽດນາມ ​ເນື່ອງ​ໃນ​ໂອກາດ​ສະ​ເຫຼີ​ມສະຫຼອງ 75 ປີ​ແຫ່ງ​ຖະແຫຼງການ​ສິດທິ​ມະນຸດ​ສາກົນ (UDHR) ​ແລະ 30 ປີ​ແຫ່ງ​​ຖະ​ແຫຼ​ງການ ​ແລະ ​ໂຄງການ​ເຄື່ອນ​ໄຫວ Vienna (VDPA), ກໍ່​ຄືຄວາມ​ໝາຍ​ສຳຄັນ​ຂອງ​ຂໍ້​ລິ​ເລີ່ມ​ນີ້​ສຳລັບ​ບັນດາ​ປະ​ເທດເວົ້າ​ລວມ ແລະ ​ຫວຽດ​ນາມ​ໂດຍ​ສະ​ເພາະ​?

ມະຕິ​ສະບັບ​ນີ້​ໄດ້​ສຸມ​ໃສ່​ລະດັບຄວາມ​ສຳຄັນ​ຂອງ​​ເອກະສານສອງ​ສະ​ບັບ ​ແລະ ຫຼາຍ​ເນື້ອ​ໃນທີ່​ຕັ້ງ​ໜ້າຂອງ​ຖະແຫຼງການ ​ແລະ ການຖະ​ແຫຼ​ງການ​ທີ່​ກ່າວ​ມາ​ຂ້າງ​ເທິງ​ນີ້ ຄືໄດ້​ຢ້ຳຄືນ​ຫຼັກການຕົ້ນ​ຕໍ​ວ່າ​ດ້ວຍ​ສິດທິ​ມະນຸດ​ຂອງ​​ເອກະສານສອງ​ສະ​ບັບນັ້ນ; ສ່ອງແສງ​ໃຫ້​ເຫັນ​ຄວາມ​ສົນ​ໃຈ​ຢ່າງ​ກວ້າງ​ຂວາງ​ຂອງ​ປະ​ເທດ​ໃນ​ການສະ​ເຫຼີມ​ສະຫຼອງ​ເອກ​ະ​ສານ​ສອ​ງ​ສະ​ບັບ, ຍົກ​ສູງ​ທີ່​ຕັ້ງ​ບົດ​ບາດ ​ແລະ ປະສິດທິ​ຜົນ​ການ​ເຄື່ອນ​ໄຫວ​ຂອງສະ​ພາ​ສິດ​ທິ​ມະ​ນຸດ ​ແລະ ກົນ​ໄກ​ສິດທິ​ມະນຸດ​ຂອງ ສປຊ; ເນັ້ນໜັກເຖິງບົດບາດນຳພາຂອງລັດໃນການຮັບປະກັນສິດທິມະນຸດ; ຮັບ​ຮູ້​ການ​ເຂົ້າ​ຮ່ວມ​ຂອງ​ແມ່​ຍິງ, ບົດບາດ​ຂອງ​ການ​ຮ່ວມ​ມື​​ ແລະ ຄວາມ​ສາມັກຄີສາ​ກົນ, ​ເຄົາລົບ​ຄວາມ​ຫຼາກ​ຫຼາຍ, ກວມ​ລວມ... ​ໃນນັ້ນ​ຊຸກຍູ້ ​ແລະ ປົກ​ປັກ​ຮັກສາ​ສິດທິ​ມະນຸດ​ ເວົ້າລວມ ​ແລະ ວຽກ​ງານ​ຂອງ ສະ​ພາ​ສິດ​ທິ​ມະ​ນຸດ ​ເວົ້າ​ສະ​ເພາະ.

ທ່ານ​ນາງເອກ​ອັກຄະ​ລັດຖະທູດ​ສາມາດ​ແບ່ງປັນ​ບາງ​ວຽກ​ງານເຊິ່ງບັນດາ​ປະ​ເທດທີ່ໄດ້ຮັບການເລືອກ​ຕັ້ງ​ເຂົ້າ​ເປັນ​ສະມາຊິກ ສະ​ພາ​ສິດ​ທິ​ມະ​ນຸດ ຕ້ອງ​ເຮັດ​ໃນກອງ​ປະ​ຊຸມ​ຄັ້ງ​ຕ່າງໆ​ທີ່​ໄດ້​ດຳ​ເນີນ​ຢູ່​ສຳ​ນັກ​ງານ​ໃຫຍ່ ສ​ປ​ຊ ຢູ່​ເຊີ​ແນວ ​ໄດ້​ບໍ່?

ສະ​ພາ​ສິດ​ທິ​ມະ​ນຸດ​ໄດ້ ສ້າງຕັ້ງຂຶ້ນໃນປີ 2006, ແມ່ນກົນໄກສິດທິມະນຸດທີ່ສໍາຄັນທີ່ສຸດໃນລະບົບຂອງສະຫະປະຊາຊາດ. ສະ​ພາ​ສິດ​ທິ​ມະ​ນຸດ ແມ່ນ​ອົງການ​ລະຫວ່າງ​ລັດຖະບານ​ຂອງ​ອົງການ​ສະຫະ​ປະຊາ​ຊາດ, ລວມ​ມີ 47 ປະ​ເທດ​ສະມາຊິກ, ​ເປັນຜູ້ຕາງ​ໜ້າ​ໃຫ້​ແກ່ 5 ​ເຂດ​ພູມີ​ສາດ​ຂອງ​ໂລກ.

​ເພາະສະ​ນັ້ນ, ​ໃນ​ໄລຍະ​ດຳ​ເນີນ​ກອງ​ປະຊຸມ​ຢູ່​ສຳນັກງານ​ໃຫຍ່ ສປຊ ຢູ່ເຊີ​ແນວ, ບັນດາ​ປະ​ເທດທີ່ໄດ້ຮັບການ​ເລືອກ​ຕັ້ງ​ເປັນ​ສະມາຊິກ UNSC ຕ້ອງເຂົ້າ​ຮ່ວມ​ສ້າງ​ວາລະ​ຂອງ​ກອງ​ປະຊຸມ, ປຶກສາ​ຫາລື ​ແລະ ກ່າວ​ຄຳ​ເຫັນ​ທີ່​ກອງ​ປະຊຸມ​ໃນ​ຫຼາຍ​ບັນຫາທີ່​ແຕກ​ຕາງ​ກັນ, ຊຸກຍູ້​ບັນດາ​ຂໍ້​ລິ​ເລີ່​ມ, ສ້າງຮ່າງ​ເອກະສານ ເຊັ່ນ: ຖະແຫຼງການຮ່ວມ, ມະຕິ ແລະ ຂໍ້​ຕົກ​ລົງ​ຂອງ​ສະ​ພາ​ສິດ​ທິ​ມະ​ນຸດ; ປະຕິບັດ​ສິດ​ທີ່​ໄດ້​ມອບ​ໃຫ້​ບັນດາ​ສະມາຊິກ​ຂອງສະ​ພາ​ສິດ​ທິ​ມະ​ນຸດ ໃນ​ການ​ກຳນົດ​ກ່ຽວ​ກັບ​ບັນຫາ​ສຳຄັນ​ຂອງ​ອົງການ​ນີ້​ເຊັ່ນ: ຂໍ້ຕົກລົງວ່າດ້ວຍການແຕ່ງ​ຕັ້ງ​ບຸກຄະລາ​ກອນ​ໃຫ້​ບັນດາ​ຂະ​ບວນການ​ພິ​ເສດ, ກວດກາ ​ແລະ ຮັບຮອງ​ເອົາ​ບົດ​ລາຍ​ງານ​ທົ່ວ​ປະ​ເທດ​ຂອງ​ບັນດາ​ປະ​ເທດ, ດຳ​ເນີນ​ການ​ສອບຖາມ, ປຶກສາ​ຫາລື ​ແລະ ລົງ​ຄະ​ແນນ​ສຽງ​ກ່ຽວ​ກັບ​ການຮັບຮອງເອົາຮ່າງມະຕິ ແລະ ມະຕິຂອງ ສະ​ພາ​ສິດ​ທິ​ມະ​ນຸດ.

ຂໍ້​ຂອບ​ໃຈ​ທ່ານ​ນາງເອກອັກຄະລັດຖະທູດ.