| ປະກາດຍຸດທະສາດເປີດໜ້າໃໝ່ ໃນການຮ່ວມມືດ້ານເສດຖະກິດຫວຽດນາມ - ອົດສະຕາລີ | |
| ເຄືອຂ່າຍການຮ່ວມມືດ້ານປັນຍາປະດິດ ຫວຽດນາມ - ອົດສະຕາລີ: ປະກອບສ່ວນເພີ່ມທະວີ ໃຫ້ລະບົບນະວັດຕະກໍາປະດິດສ້າງຫວຽດນາມ |
ຕອນເຊົ້າວັນທີ 17 ເມສາ, ຢູ່ ຮ່າໂນ້ຍ, ໄດ້ຈັດກອງປະຊຸມລັດຖະມົນຕີຄູ່ຮ່ວມມືເສດຖະກິດ ຫວຽດນາມ - ອົດສະຕາລີ ຄັ້ງທີ 3. ກອງປະຊຸມໂດຍທ່ານລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ ຫງວຽນຈີຢຸງ ແລະ ທ່ານລັດຖະມົນຕີກະຊວງການຄ້າ ແລະ ທ່ອງທ່ຽວ ອົດສະຕາລີ Don Farrell ເປັນປະທານຮ່ວມ.
ກ່າວຄຳເຫັນທີ່ພິທີໄຂ, ທ່ານລັດຖະມົນຕີ ຫງວຽນຈີຢຸງ ຖືວ່າ: ນີ້ແມ່ນເຫດການສຳຄັນໃນການຮ່ວມມືດ້ານເສດຖະກິດ, ການຄ້າ ແລະ ການລົງທຶນລະຫວ່າງ 2 ປະເທດ, ໄດ້ດຳເນີນໃນສະພາບການທີ່ 2 ປະເທດ ພວມຈັດຕັ້ງການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນລະຫວ່າງ ຫວຽດນາມ ແລະ ອົດສະຕາລີ (1973 - 2023).
 |
ຫວຽດນາມ - ອົດສະຕາລີ: ຮ່ວມມືດ້ານເສດຖະກິດຢ່າງເຂັ້ມແຂງ |
“ພາຍຫຼັງໄລຍະ 50 ປີແຫ່ງວັນສ້າງຕັ້ງສາຍພົວພັນທາງການທູດ, ຄູ່ຮ່ວມມືຍຸດທະສາດລະຫວ່າງ ຫວຽດນາມ ແລະ ອົດສະຕາລີ ພວມຢູ່ໃນທ່າພັດທະນາຢ່າງແຮງ, ແທດຈິງ ແລະ ມີປະສິດທິຜົນໃນຫຼາຍຂົງເຂດ. ກອງປະຊຸມຄັ້ງນີ້ ແມ່ນໂອກາດເພື່ອໃຫ້ພວກເຮົາພ້ອມກັນປຶກສາຫາລື, ແລກປ່ຽນ ແລະ ເປັນເອກະພາບບັນດາມາດຕະການຕ້ອງໄດ້ຮັບການຍູ້ແຮງ ແລະ ປະຕິບັດໃນໄລຍະຈະມາເຖິງ, ເພື່ອບັນລຸບັນດາເປົ້າໝາຍທີ່ໄດ້ຍົກອອກມາໃນຍຸດທະສາດເພີ່ມທະວີການຮ່ວມມືດ້ານເສດຖະກິດລະຫວ່າງ 2 ປະເທດ, ປະກອບສ່ວນຊຸກຍູ້ການພົວພັນລະຫວ່າງ 2 ປະເທດໃຫ້ພັດທະນາແບບຍືນຍົງ”.
ກອງປະຊຸມລັດຖະມົນຕີຄູ່ຮ່ວມມືເສດຖະກິດ ຫວຽດນາມ - ອົດສະຕາລີ ຄັ້ງທີ 4 ຈະຈັດຂຶ້ນຢູ່ ອົດສະຕາລີ ໃນເວລາທີ່ເໝາະສົມເພື່ອໃຫ້ 2 ຝ່າຍກວດກາຄືນຄວາມຄືບໜ້າ ຂອງການປະຕິບັດຍຸດທະສາດເພີ່ມທະວີການເຊື່ອມໂຍງເສດຖະກິດ ຫວຽດນາມ - ອົດສະຕາລີ, ໝາກຜົນການປະຕິບັດບັນດາຂໍ້ຕົກລົງທີ່ກອງປະຊຸມລັດຖະມົນຕີຄັ້ງທີ 3; ພ້ອມກັນນັ້ນ ກໍສະເໜີຂໍ້ລິເລີ່ມ ແລະ ຂໍ້ຕົກລົງຮ່ວມມືໃໝ່./.
ຄຳຮຸ່ງ
