| ນັກສຶກສາຫວຽດນາມ ຢູ່ລັດເຊຍຮ່ວມແຮງຮ່ວມໃຈໜູນຊ່ວຍຜູ້ປະສົບເຄາະຮ້າຍຢູ່ຊີຣີ | |
| ຫວຽດນາມ ພ້ອມແລ້ວທີ່ຈະຮ່ວມແຮງຮ່ວມໃຈແກ້ໄຂບັນດາບັນຫາສາກົນ |
ດ້ວຍການຮ່ວມມືນີ້, ບໍ່ພຽງແຕ່ສ້າງວຽກເຮັດງານທຳຫຼາຍກ່ວາ, ເໝາະສົມກ່ວາເທົ່ານັ້ນ ຫາກຍັງສ້າງວຽກເຮັດງານທຳທີ່ດີອີກດ້ວຍ, ຜູ້ອອກແຮງງານໄດ້ເຮັດວຽກໃນເງື່ອນໄຂອອກແຮງງານທີ່ດີທີ່ສຸດ, ມີຄວາມປອດໄພກ່ວ່າ, ຮັບປະກັນການໜູນຊ່ວຍສັງຄົມ, ມີສະມັດຕະພາບສູງ ແລະ ລາຍຮັບສູງ.
ວັນທີ 28 ມີນາ, ໂຄງການຮ່ວມມືແຫ່ງຊາດ ຫວຽດນາມ - ອົງການຈັດຕັ້ງແຮງງານສາກົນ ILO ກ່ຽວກັບວຽກເຮັດງານທຳທີ່ເໝາະສົມ ໄລຍະ 2022 – 2026 ໄດ້ຮັບການລົງນາມລະຫວ່າງຜູ້ຕາງໜ້າຂອງລັດຖະບານ, ສະຫະພັນໃຫຍ່ແຮງງານ ຫວຽດນາມ, ສະຫະພັນການຄ້າ ຫວຽດນາໝ, ສະຫະພັນສະຫະກອນ ຫວຽດນາມ ແລະ ອົງການແຮງງານສາກົນ (ILO).
 |
| ພິທີລົງນາມລະຫວ່າງສອງຝ່າຍ (ພາບ: thanhnien.vn) |
ໂດຍໄດ້ຊົມໃຊ້ບັນດາການບໍລິການສັງຄົມ ແລະ ລະບົບໜູນຊ່ວຍສັງຄົມທີ່ມີລັກສະນະຮອບດ້ານ, ມີຄວາມຮັບຜິດຊອບ ຕໍ່ຄົນພິການ, ມີຄວາມຍຸຕິທຳ, ຄ່າໃຊ້ຈ່າຍທີ່ເໝາະສົມ ແລະ ມີຄຸນນະພາບ, ດ້ວຍເປົ້າໝາຍຫຼຸດຜ່ອນຄວາມທຸກຍາກໃນຫຼາຍແງ່ມູນ, ຮອບດ້ານ, ຍືນຍົງ ແລະ ເພີ່ມສິດໃຫ້ແກ່ປະຊາຊົນເພື່ອຊ່ວຍເຂົາເຈົ້າເສີມຂະຫຍາຍຄວາມສາມາດບົ່ມຊ້ອນຂອງຕົນຢ່າງສຸດຂີດ.
ໂດຍໄດ້ຊົມໃຊ້ ແລະ ປະກອບສ່ວນເຂົ້າສັງຄົມທີ່ມີຄວາມຍຸຕິທຳ, ປອດໄພ ແລະ ຮອບດ້ານກ່ວາໂດຍອີງຕາມພຶ້ນຖານຄຸ້ມຄອງລັດ ທີ່ໄດ້ຮັບການປັບປຸງ, ບັນດາລະບອບລະບຽບການຕອບກັບທີ່ໄວກ່ວາ, ເພີ່ມທະວີກົດໝາຍ, ການປົກປ້ອງ ແລະ ເຄົາລົບສິດທິມະນຸດ, ຄວາມສະເໝີພາບລະຫວ່າງຍິງຊາຍ ແລະ ຍົກເວັ້ນທຸກຮູບແບບການໃຊ້ຮຸນແຮງ ແລະ ຈຳແນກການປະພຶດ, ເໝາະສົມກັບບັນດາຄຳໝັ້ນສັນຍາສາກົນຂອງ ຫວຽດນາມ.
ທ່ານລັດຖະມົນຕີກະຊວງແຮງງານ ທະຫານເສຍອົງຄະ ແລະ ສັງຄົມ ດ່າວງອກຢຸງ ໃຫ້ຮູ້ວ່າ ໃນການຮ່ວມມືຄັ້ງທີ 4 ນີ້, ລັດຖະບານ ຫວຽດນາມ ຈະສືບຕໍ່ຖືບັນຫາວຽກເຮັດງານທຳເປັນຈຸດສຸມ, ພັດທະນາແຫຼ່ງຊັບພະຍາກອນມະນຸດ ແລະ ການໜູນຊ່ວຍສັງຄົມ ຕິດພັນກັບວິວັດການເຊື່ອມໂຍງເສດຖະກິດສາກົນ ໃນສະພາບການໃໝ່, ເໝາະສົມກັບຍຸດທະສາດພັດທະນແບບຍືນຍົງ, ມີຄວາມດຸ່ນດ່ຽງລະຫວ່າງເປົ້າໝາຍເສດຖະກິດ ແລະ ເປົ້າໝາຍສັງຄົມ, ຮັບປະກັນສິດຜົນປະໂຫຍດຂອງຜູ້ອອກແຮງງານ, ວິສາຫະກິດ ແລະ ສັງຄົມ.
ທ່ານໄດ້ສະເໜີ ໃນໄລຍະຈະມາເຖິງ, ILO ຕ້ອງໃຫ້ບຸລິມະສິດສືບຕໍ່ໜູນຊ່ວຍການສ້າງ ແລະ ປະຕິບັດລະບົບກົດໝາຍວ່າດ້ວຍແຮງງານ, ນະໂຍບາຍສັງຄົມ ສຳລັບໄລຍະ 2023 – 2030 ໃຫ້ສົມບູນແບບ, ໜູນຊ່ວຍການພົວພັນແຮງງານທີ່ກົມກຽວ, ມີສະຖຽນລະພາບ ແລະ ຄວາມກ້າວໜ້າຢູ່ບັນດາວິສາຫະກິດ.
ໄປຄຽງຄູ່ກັນນັ້ນ, ກໍ່ເພີ່ມທະວີການຮ່ວມມືໜູນຊ່ວຍການຄົ້ນຄ້ວາໃຫ້ສັດຕະຍາບັນບາງສັນຍາຂອງ ILO, ໃນນັ້ນມີສັນຍາ 87 ກ່ຽວກັບສິດເສລີສະມາຄົມ ແລະ ປົກປ້ອງສິດ ໃຫ້ໄດ້ຮັບການຈັດຕັ້ງ. ໃນສະພາບການຫັນເປັນດີຈີຕອນມີການຜັນແປໂດຍໄວ, ປະຊາຊົນນັບມື້ນັບມີອາຍຸສູງ ແລະ ການປ່ຽນແປງຂອງດິນຟ້າອາກາດ, ທ່ານລັດຖະມົນຕີ ດ່າວງອກຢຸງ ໄດ້ເນັ້ນເຖິງຄວາມສຳຄັນໃນການໜູນຊ່ວຍຍົກສູງຄວາມສາມາດເພື່ອຮັບປະກັນວິວັດການຫັນປ່ຽນຄວາມຍຸຕິທຳມຸ່ງໄປເຖິງພືື້ນຖານເສດຖະກິດສີຂຽວ ແລະ ຍືນຍົງ.
ບຸນຄົງ
