| ຄາບເຂົ້າທຳອິດຂອງນັກສຶກສາລາວ ຢູ່ເຮືອນພໍ່ແມ່ຫວຽດ | |
| ກະຊວງປ້ອງກັນປະເທດຫວຽດນາມ ມອບຂອງຂວັນໃຫ້ປະຊາຊົນເຂດຊາຍແດນສປປ.ລາວ |
 |
| ພິທີມອບຮັບ (ພາບ: VOV) |
ຫວຽດນາມ ຊ່ວຍລາວພັດທະນາກະສິກຳແບບຍືນຍົງ
ວັນທີ 24 ມີນາ ຢູ່ແຂວງອຸດົມໄຊ, ພາກເໜືອຂອງລາວ, ບໍລິສັດຮ່ວມມືສາກົນ 705 ຂຶ້ນກັບທະຫານເຂດ 2, ກະຊວງປ້ອງກັນປະເທດຫວຽດນາມ ໄດ້ຈັດພິທີມອບແນວພັນເຂົ້າໃຫ້ແຂວງອຸດົມໄຊ. ນີ້ແມ່ນການເຄື່ອນໄຫວທີ່ມີຄວາມໝາຍແທດຈິງເພື່ອຊ່ວຍປະຊາຊົນລາວພັດທະນາເສດຖະກິດ ແລະ ຍົກລະດັບຊີວິດຂອງເຂົາເຈົ້າ.
ເຂົ້າຮ່ວມພິທີມີຜູ້ຕາງໜ້າບໍລິສັດຮ່ວມມືສາກົນ 705 ຂຶ້ນກັບກອງບັນຊາການທະຫານເຂດ 2, ກະຊວງປ້ອງກັນປະເທດຫວຽດນາມ; ຜູ້ຕາງໜ້າສະມາຄົມຊາວຫວຽດນາມ ຢູ່ແຂວງອຸດົມໄຊ; ຕາງໜ້າການນຳອຳນາດການປົກຄອງ ພ້ອມກັບບັນດາພະແນກການທີ່ກ່ຽວຂ້ອງ ແຂວງອຸດົມໄຊ.
ໃນພິທີ, ຜູ້ຕາງໜ້າບໍລິສັດຮ່ວມມືສາກົນ 705 ໄດ້ຕາງໜ້າໃຫ້ທະຫານເຂດ 2 ໄດ້ມອບແນວພັນເຂົ້າ 10 ໂຕນ ເຊິ່ງມີມູນຄ່າປະມານ 430 ລ້ານດົ່ງໃຫ້ພະແນກກະສິກຳ ແລະ ປ່າໄມ້ ແຂວງ ອຸດົມໄຊ ເພື່ອໜູນຊ່ວຍບັນດາຄອບຄົວໃນແຂວງເພື່ອເຮັດແນວພັນປູກ, ບົວລະບັດ ແລະ ທະວີຄຸນແຫຼ່ງແນວພັນໃຫ້ບັນດາທ້ອງຖິ່ນໃນແຂວງ. ນີ້ລ້ວນແຕ່ແມ່ນບັນດາແນວພັນເຂົ້າທີ່ປະສົບຜົນສຳເລັດທີ່ສຸດໃນການປູກເຂົ້າຢູ່ຫວຽດນາມ ດ້ວຍສະມັດຕະພາບ 7 ໂຕນ/ເຮັກຕາ.
ກ່າວຄຳເຫັນທີ່ພິທີ, ທ່ານ ຄຳພອນ ລຳໄມ, ຫົວໜ້າພະແນກກະສິກຳ ແລະ ປ່າໄມ້ ແຂວງ ອຸດົມໄຊ ໃຫ້ຮູ້ວ່າ: ຫວຽດນາມ ໄດ້ໜູນຊ່ວຍຂະແໜງກະສິກຳ - ປ່າໄມ້ ໃນການຮ່ວມມືດ້ານວິຊາຊີບ ແລະ ງົບປະມານ. ໃນຈຳນວນແນວພັນເຂົ້າ 10 ໂຕນ, ລວມມີ ເຂົ້າໜຽວ 8 ໂຕນ ແລະ ເຂົ້າຈ້າວ 2 ໂຕນ ທີ່ໄດ້ຮັບການໜູນຊ່ວຍຈາກທະຫານເຂດ 2 ຂອງ ສສ ຫວຽດນາມ ໃນຄັ້ງນີ້, ແຂວງຈະມອບໃຫ້ຊາວກະສິກອນພາຍໃນແຂວງ ເພື່ອນຳໃຊ້ເຂົ້າໃນລະດູການປູກພືດປີ 2023 ເພື່ອປັບປຸງຍົກສູງຄຸນນະພາບຜະລິດຕະພັນເຂົ້າຂອງທ້ອງຖິ່ນໃຫ້ແກ່ປະຊາຊົນ, ປະກອບສ່ວນປັບປຸງຊີວິດຂອງປະຊາຊົນໃນແຂວງ, ທ່ານ ຄຳພອນ ແບ່ງປັນ.
ບຸນຄົງ
