ສ້າງກຳລັງແຜ່ກະຈາຍຂອງໂຄງການ "ຕໍາຫຼວດທະເລ ຮ່ວມເດີນທາງກັບຊາວປະມົງ"

07:00 | 21/03/2023

ຍສໝ - ໃນຕອນເຊົ້າວັນທີ 18 ມີນາ, ຢູ່ເບັນແຈ, ຄະນະປະຈຳຄະນະພັກຕໍາຫຼວດທະເລຫວຽດນາມ ແລະ ຄະນະປະຈຳຄະນະພັກແຂວງເບັນແຈ ໄດ້ຈັດຕັ້ງກອງປະຊຸມລົງນາມໃນໂຄງການຮ່ວມມື ເພື່ອຜັນຂະຫຍາຍການເຄື່ອນໄຫວຂົນຂວາຍປະຊາຊົນ "ຕໍາຫຼວດທະເລ ຮ່ວມເດີນທາງກັບຊາວປະມົງ".

	ຊາວຫວຽດນາມຢູ່ໄທ ມຸ່ງໄປສູ່ທະເລໝູ່ເກາະບ້ານເກີດເມືອງນອນ
	ຫວຽດນາມ - ກຳປູເຈຍ: ເສີມຂະຫຍາຍການຄວບຄຸມຮັກສາຄວາມປອດໄພ, ຄວາມເປັນລະບຽບຮຽບຮ້ອຍທາງບົກ ແລະ ທາງທະເລ

ໂຄງການຮ່ວມມືເພື່ອແນໃສ່ຊຸກຍູ້ກຳລັງແຮງຂອງຄວາມມະຫາສາມັກຄີທົ່ວປວງຊົນ, ລະບົບການເມືອງ ແລະ ກຳລັງຕໍາຫຼວດທະເລ ໃນການກໍ່ສ້າງ ແລະ ປົກປັກຮັກສາອະທິປະໄຕ, ຄວາມໝັ້ນຄົງ, ຄວາມເປັນລະບຽບຮຽບຮ້ອຍ ແລະ ຄວາມປອດໄພທາງທະເລ ແລະ ໝູ່ເກາະ, ປະກອບສ່ວນຊຸກຍູ້ເສດຖະກິດທະເລໃຫ້ຍືນຍົງ; ໜູນຊ່ວຍ ແລະ ຮ່ວມເດີນທາງກັບຊາວປະມົງໃນການເຄື່ອນໄຫວຫາປາ...

ທ່ານພົນຕີ ບຸ່ຍກວກອວາຍ ໄດ້ກ່າວຄຳເຫັນທີ່ກອງປະຊຸມ

ຄະນະປະຈຳຄະນະພັກຕໍາຫຼວດທະເລຫວຽດນາມ ໄດ້ສົມທົບກັບ ຄະນະປະຈຳພັກແຂວງເບັນແຈ ໃນການປະຕິບັດ 5 ເນື້ອໃນຕົ້ນຕໍ, ຄື: ໂຄສະນາເຜີຍແຜ່ນະໂຍບາຍ, ກົດໝາຍຂອງລັດ; ກໍ່ສ້າງເຂດທີ່ປອດໄພ, ລະບົບການເມືອງທີ່ເຂັ້ມແຂງ; ໜູນຊ່ວຍທ້ອງຖິ່ນ ພັດທະນາເສດຖະກິດ, ວັດທະນະທຳ ແລະ ສັງຄົມ; ໜູນຊ່ວຍຊາວປະມົງ ອອກທະເລ, ຢູ່ກັບທະເລ, ປະກອບສ່ວນຮັກສາຄວາມປອດໄພ, ອະທິປະໄຕທະເລ, ໝູ່ເກາະຂອງປະເທດຊາດ; ລະດົມ ແລະ ມອບຮັບແຫຼ່ງຊັບພະຍາກອນມະນຸດ, ກົນໄກ ແລະ ກຳປັ່ນພົນລະເຮືອນເຂົ້າຮ່ວມການປົກປັກຮັກສາອະທິປະໄຕທະເລ ແລະ ໝູ່ເກາະ.

ທ່ານພົນຕີ ບຸ່ຍກວກອວາຍ ໄດ້ສະແດງຄວາມປາດຖະໜາ ແລະ ເຊື່ອໝັ້ນວ່າ ພາຍໃຕ້ການນໍາພາຂອງຄະນະປະຈໍາພັກແຂວງເບັນແຈ ແລະ ຄະນະປະຈໍາຄະນະພັກຕໍາຫຼວດທະເລ ຫວຽດນາມ, ບັນດາອົງການເຈົ້າໜ້າທີ່ຂອງ 2 ຫນ່ວຍງານ ຈະເລັ່ງລັດຜັນຂະຫຍາຍບັນດາເນື້ອໃນທີ່ໄດ້ລົງນາມໂດຍສອງຝ່າຍ ແລະ ໄດ້ຮັບການປະຕິບັດຕົວຈິງໃນໄວໆນີ້.

ເນື່ອງໃນໂອກາດນີ້, ໂດຍຕາງໜ້າໃຫ້ຄະນະປະຈໍາຄະນະພັກຕໍາຫຼວດທະເລຫວຽດນາມ, ທ່ານພົນຈັດຕະວາ ເລກວາງດາວ, ຮອງເລຂາຄະນະພັກ, ຜູ້ບັນຊາການຕໍາຫຼວດທະເລ ໄດ້ມອບຂອງຂວັນ 200 ພູດໃຫ້ບັນດາຄອບຄົວນະໂຍບາຍ, ຊາວຊົນເຜົ່າ, ຊາວປະມົງ ທີ່ມີສະພາບການຫຍຸ້ງຍາກຢູ່ແຂວງເບັນແຈ ດ້ວຍຍອດຈຳນວນເງິນ 200 ລ້ານດົ່ງ.