| ຫວຽດນາມ ແລະ ອິນເດຍ ຊຸກຍູ້ການຮ່ວມມືດ້ານຜະລິດຕະພັນກະເສດ ແລະ ປຸງແຕ່ງສະບຽງອາຫານ | |
| ອິນເດຍ ມີຫຼາຍນະໂຍບາຍສົ່ງເສີມ ແລະ ດຶງດູດການລົງທຶນຕ່າງປະເທດ, ໃນນັ້ນມີປະຊາຄົມວິສາຫະກິດ ຫວຽດນາມ |
 |
| ທ່ານຫງວຽນວັນກວາງ, ເລຂາຄະນະພັກນະຄອນດາໜັງ ໄດ້ມີການພົບປະກັບທ່ານ Sandeep Arya, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງອິນເດຍ ປະຈຳຫວຽດນາມ. |
ຕອນຄ່ຳວັນທີ 15 ມີນານີ້, ທ່ານຫງວຽນວັນກວາງ, ເລຂາຄະນະພັກນະຄອນດານັງ ໄດ້ມີການພົບປະກັບທ່ານ Sandeep Arya, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງອິນເດຍປະຈຳຫວຽດນາມ.
ທີ່ການພົບປະ, ທ່ານເອກອັກຄະລັດຖະທູດ ອິນເດຍ ປະຈຳ ຫວຽດນາມ ໃຫ້ຫູ້ວ່າ: ຈະພະຍາຍາມໃຫ້ບັນດາສາຍການບິນຫວຽດນາມ ເປີດຖ້ຽວບິນໂດຍກົງຈາກ ດານັງ ໄປຍັງບາງທ້ອງຖິ່ນຂອງ ອິນເດຍ ເພື່ອຊຸກຍູ້ການຮ່ວມມືລົງທຶນ, ການຄ້າ ແລະ ການທ່ອງທ່ຽວ.
 |
ໃນປະຈຸບັນ, ນະຄອນດານັງມີ 3 ເສັ້ນທາງການບິນໂດຍກົງ ຈາກນະຄອນດານັງ ໄປຍັງທ້ອງຖິ່ນຂອງອິນເດຍ ຈຳນວນໜຶ່ງ, ໃນນັ້ນມີ New Delhi, Mumbai ແລະ Ahmedabad. ຈຳນວນນັກທ່ອງທ່ຽວອິນເດຍ ໄປນະຄອນດານັງ ແລະ ກົງກັນຂ້າມ ແມ່ນນັບມື້ນັບເພີ່ມຂຶ້ນ.
ນະຄອນ ດານັງ ພວມຢູ່ໃນໄລຍະຟື້ນຟູການທ່ອງທ່ຽວ ພາຍຫຼັງການເປີດປະຕູ ດ້ວຍການເຕີບໂຕຢ່າງຕັ້ງໜ້າ ຈາກຕະຫຼາດອິນເດຍ. ອິນເດຍແມ່ນໜຶ່ງໃນ 10 ຕະຫຼາດທ່ອງທ່ຽວສາກົນຂອງນະຄອນ ດ່າໜັງ. ປະຈຸບັນ, ນະຄອນພວມສຸມໃສ່ແຫຼ່ງກຳລັງເພື່ອພັດທະນາ ແລະ ຊຸກຍູ້ເຄື່ອງໝາຍການຄ້າແຫຼ່ງທ່ອງທ່ຽວກ໊ອຟ ແລະ ແຫຼ່ງທ່ອງທ່ຽວງານແຕ່ງດອງ.
ທີ່ການພົບປະ, ທ່ານ Sandeep Arya, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ອິນເດຍ ປະຈຳ ຫວຽດນາມ ໃຫ້ຮູ້ວ່າ ຝ່າຍອິນເດຍ ພວມຊັກຊວນ Vietjet Air ແລະ Vietnam Airlines ເປີດເສັ້ນທາງໂດຍກົງອີກຫຼາຍສາຍການບິນເຊື່ອມຕໍ່ ຫວຽດນາມ ແລະ ອິນເດຍ, ພິເສດແມ່ນນະຄອນ ດານັງ ກັບຫຼາຍນະຄອນຕ່າງໆຂອງອິນເດຍ.
ທ່ານເອກອັກຄະລັດຖະທູດ Sandeep Arya ເຊື່ອໝັ້ນວ່າ ການເປີດສາຍການບິນໂດຍກົງໄປຈາກນະຄອນ ດານັງ ກັບຫຼາຍທ້ອງຖິ່ນຂອງອິນເດຍ ຈະເປັນການຍູ້ແຮງເພື່ອພັດທະນາການທ່ອງທ່ຽວ 2 ຝ່າຍ.
 |
“ມີຫຼາຍການເຄື່ອນໄຫວທີ່ພວກເຮົາສາມາດຮ່ວມມືກັນໃນຂົງເຂດທ່ອງທ່ຽວ. ບັນດາການເຄື່ອນໄຫວເຫຼົ່ານີ້ ໄດ້ຮັບຜົນປະໂຫຍດຈາກຖ້ຽວບິນໂດຍກົງຈາກນະຄອນດານັງໄປຍັງອິນເດຍ. ບັນດາກຸ່ມໂຮງແຮມທີ່ມີຊື່ສຽງຂອງອິນເດຍ ທີ່ມີຢູ່ໃນບັນດາປະເທດໃນໂລກ ຈະມີໂອກາດເປີດສາຂາຢູ່ນະຄອນ ດານັງ ເພື່ອຮັບໃຊ້ການພັດທະນາການທ່ອງທ່ຽວ. ສະຖານທູດອິນເດຍ ຍິນດີທີ່ໄດ້ເຊື່ອມໂຍງ ແລະ ເປີດບັນດາໂຮງແຮມອິນເດຍ ຢູ່ນະຄອນດານັງ ເພື່ອພັດທະນາການທ່ອງທ່ຽວ.” - ທ່ານ Sandeep Arya ໃຫ້ຮູ້.
ທ່ານເລຂາຄະນະພັກນະຄອນດານັງ ຫງວຽນວັນກວາງ ປາດຖະໜາວ່າ ທ່ານເອກອັກຄະລັດຖະທູດ Sandeep Arya ຈະເອົາໃຈໃສ່ ແລະ ເປັນຂົວຕໍ່ຊຸກຍູ້ການຮ່ວມມືດ້ານການລົງທຶນໃນຂົງເຂດພື້ນຖານໂຄງລ່າງຕົວເມືອງ, ພັດທະນາອຸດສາຫະກຳເຕັກໂນໂລຊີສູງ, ເຕັກໂນໂລຊີຂໍ້ມູນຂ່າວສານ, ການຢາ, ການທ່ອງທ່ຽວ...ທີ່ນະຄອນດານັງ.
ຄຳຮຸ່ງ
