| ການນຳລາວ ຕີລາຄາສູງໝາກຜົນຮ່ວມມືລະຫວ່າງບັນດາອົງການຂອງສະພາແຫ່ງຊາດ ຫວຽດນາມ ແລະ ລາວ. | |
| ທ່ານ ຫວໍວັນເຖືອງ ຮັບດຳລົງຕຳແໜ່ງເປັນປະທານປະເທດ ແຫ່ງ ສສ. ຫວຽດນາມ, ອາຍຸການ 2021 – 2026 |
ວັນທີ 12 ມີນາ, ເນື່ອງໃນໂອກາດເຂົ້າຮ່ວມກອງປະຊຸມໃຫຍ່ສະຫະພັນລັດຖະສະພາສາກົນ (IPU) ຄັ້ງທີ 146 ທີ່ໄດ້ຈັດຂຶ້ນຢູ່ນະຄອນຫຼວງມານາມາ ປະເທດບາເຣນ, ທ່ານຮອງປະທານສະພາແຫ່ງຊາດ ຫວຽດນາມ ເຈີ່ນແທັງເໝິນ ໄດ້ມີການພົບປະກັບທ່ານປະທານ IPU Duarte Pacheco ແລະ ທ່ານຮອງປະທານສະພາແຫ່ງຊາດ ລາວ ສຸນທອນ ໄຊຍະຈັກ.
ຕາມສຳນັກຂ່າວສານຫວຽດນາມປະຈຳມານາມາແລ້ວ, ທີ່ການພົບປະກັບທ່ານປະທານ IPU Pacheco, ທ່ານຮອງປະທານສະພາແຫ່ງຊາດ ເຈີ່ນແທັງເໝິນ ຢືນຢັນວ່າ ນັບແຕ່ເຂົ້າເປັນສະມາຊິກ IPU ເມື່ອ ປີ 1979, ສະພາແຫ່ງຊາດ ຫວຽດນາມ ຍາມໃດກໍ່ຕັ້ງໜ້າເຂົ້າຮ່ວມ ແລະ ມີຄວາມຮັບຜິດຊອບໃນບັນດາການເຄື່ອນໄຫວຂອງສະຫະພັນ, ໃນນັ້ນໄດ້ຈັດຕັ້ງສຳເລັດບາງເຫດການໃຫຍ່ຄື ກອງປະຊຸມໃຫຍ່ IPU-132, ກອງປະຊຸມຫົວເລື່ອງສະເພາະ ເຂດອາຊີ - ປາຊີຟິກ ກ່ຽວກັບການປ່ຽນແປງຂອງດິນຟ້າອາກາດ, ກອງປະຊຸມຂອງສະພາແຫ່ງຊາດຫວຽດນາມ ແລະ ບັນດາເປົ້າໝາຍພັດທະນາແບບຍືນຍົງ.
 |
| ທ່ານຮອງປະທານສະພາແຫ່ງຊາດ ເຈີ່ນແທັງເໝິນ ພົບປະກັບການນຳ IPU (ພາບ: TTXVN) |
ທ່ານຮອງປະທານສະພາແຫ່ງຊາດ ຫວຽດນາມ ເນັ້ນໜັກວ່າ: ເລື່ອງຫວຽດນາມ ເປັນເຈົ້າພາບຈັດຕັ້ງກອງປະຊຸມສະມາຊິກລັດຖະສະພາໜຸ່ມທົ່ວໂລກໃນຄັ້ງຕໍ່ໄປ ອີກຄັ້ງໜຶ່ງ ຂໍຢືນຢັນຄຳໝັ້ນສັນຍານີ້, ພ້ອມທັງ ຢືນຢັນຄວາມສົນໃຈຂອງຫວຽດນາມ ຕໍ່ກັບບົດບາດຂອງຊາວໜຸ່ມກ່ຽວກັບບັນດາບັນຫາລວມທົ່ວໂລກຂອງໄວໜຸ່ມປະຈຸບັນ.
ທ່ານ ເຈີ່ນແທັງເໝິນ ໄດ້ຕີລາຄາສູງບົດບາດຂອງຄະນະການນຳ IPU ໃນຊຸມປີມໍ່ໆມານີ້, ດ້ວຍຫຼາຍການເຄື່ອນໄຫວປະຕິບັດທີ່ແທດຈິງເພື່ອໜູນຊ່ວຍການປະຕິບັດບັນດາໂຄງການ ແລະ ຍຸດທະສາດຂອງສະຫະພັນ, ກໍ່ຄືເພີ່ມທະວີການພົວພັນຮ່ວມມືກັບບັນດາລັດຖະສະພາບັນດາປະເທດສະມາຊິກ, ມຸ່ງໄປເຖິງບັນດາຈຸດໝາຍລວມກ່ຽວກັບ ສັນຕິພາບ, ປະຊາທິປະໄຕ ແລະ ຄວາມຈະເລີນຮຸ່ງເຮືອງ.
ທ່ານຮອງປະທານສະພາແຫ່ງຊາດ ເຈີ່ນແທັງເໝິນ ໃຫ້ຮູ້ວ່າ ສະພາແຫ່ງຊາດ ຫວຽດນາມ ຍາມໃດກໍ່ຖືວ່າ ການເຂົ້າຮ່ວມບັນດາການເຄື່ອນໄຫວ IPU ແມ່ນວຽກງານການທູດຫຼາຍຝ່າຍທີ່ສຳຄັນຂອງສະພາແຫ່ງຊາດ ເພື່ອປະກອບສ່ວນເຂົ້າໃນການປຶກສາຫາລື ແລະ ຊອກຫາມາດຕະການແກ້ໄຂບັນດາບັນຫາຮີບດ່ວນໃນປະຈຸບັນຂອງໃນທົ່ວໂລກ.
ເວທີປາໄສ IPU ກໍ່ແມ່ນສະຖານທີ່ທີ່ອົງການນິຕິບັນຍັດ ຫວຽດນາມ ສາມາດເຂົ້າເຖິງບັນດາເນື້ອໃນ, ປະສົບການໃນການເຄື່ອນໄຫວ ແລະ ການປະຕິບັດຕົວຈິງທີ່ດີຂອງບັນດາລັດຖະສະພາທົ່ວໂລກ ເພື່ອປັບປຸງ ແລະ ຍົກສູງຄຸນນະພາບການເຄື່ອນໄຫວຂອງຕົນ. ສ່ວນທ່ານປະທານາທິບໍດີ Duarte Pacheco ຖືວ່າ IPU ແລະ ສະພາແຫ່ງຊາດ ຫວຽດນາມ ຈະພ້ອມກັນແບ່ງປັນບັນດາຄຸນຄ່າລວມກ່ຽວກັບໂລກທີ່ສວຍງາມກວ່າ.
ການນຳ IPU ໄດ້ຊົມເຊີຍສະພາແຫ່ງຊາດ ຫວຽດນາມ ທີ່ເປັນເຈົ້າພາບຈັດຕັ້ງກອງປະຊຸມສະມາຊິກລັດຖະສະພາໜຸ່ມທົ່ວໂລກຄັ້ງທີ 9 ຢູ່ຮ່າໂນ້ຍ ໃນເດືອນກັນຍາ ແລະ ຢືນຢັນຈະສົມທົບກັບບັນດາຫົວໜ່ວຍທີ່ກ່ຽວຂ້ອງຂອງສະຫະພັນ ເພື່ອໃຫ້ເຫດການປະສົບຜົນສຳເລັດຢ່າງຈົບງາມ.
ທີ່ການພົບປະກັບທ່ານປະທານສະພາແຫ່ງຊາດລາວ ນາງ ສຸນທອນ ໄຊຍະຈັກ ໃນຕອນເຊົ້າວັນດຽວກັນ, ທ່ານປະທານສະພາແຫ່ງຊາດ ເຈີ່ນແທັງເໝິນ ຢືນຢັນວ່າ ຫວຽດນາມ ຍາມໃດກໍ່ໃຫ້ບຸລິມະສິດຢູ່ລະດັບສູງທີ່ສຸດໃຫ້ແກ່ການປັບປຸງ, ເພີ່ມທະວີການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານກັບລາວ; ຍາມໃດກໍ່ຮ່ຽງບ່າຮ່ຽງໄຫຼ່ ແລະ ສະໜັບສະໜູນພາລະກິດແຫ່ງການປົກປັກຮັກສາ, ສ້າງສາ, ປ່ຽນແປ່ງໃໝ່ ແລະ ພັດທະນາປະເທດລາວ.
ກ່ຽວກັບການພົວພັນລະຫວ່າງສອງອົງການນິຕິບັນຍັດ, ທ່ານຮອງປະທານສະພາແຫ່ງຊາດໄດ້ສະແດງຄວາມຊົມເຊີຍຕໍ່ເລື່ອງ 2 ຝ່າຍໄດ້ຜັນຂະຫຍາຍບັນດາເນື້ອໃນໃນຂໍ້ຕົກລົງການຮ່ວມມືທີ່ໄດ້ຮັບການລົງນາມໃນເດືອນ ພຶດສະພາ ປີ2022 ຢ່າງເປັນທາງການ.
2 ຝ່າຍໄດ້ຈັດຕັ້ງບັນດາການເຄື່ອນໄຫວແລກປ່ຽນປະສົບການໃນວຽກງານນິຕິບັນຍັດ ແລະ ຕິດຕາມກວດກາ, ປະກອບສ່ວນໜູນຊ່ວຍການຟື້ນຟູເສດຖະກິດ - ສັງຄົມພາຍຫຼັງໂລກລະບາດໂຄວິດ-19.
ບຸນຄົງ
