| ການທ່ອງທ່ຽວຫວຽດນາມ ກົບມາສ້າງຄວາມປະທັບໃຈ, ຊອກຫາບັນດາບາດກ້າວກະໂດດຂັ້ນຄືນໃໝ່ | |
| ໜັງສືພິມປະເທດລາວ ໄດ້ລົງບົດຂຽນກ່ຽວກັບຄວາມກ້າວໜ້າ ໃນການເຊື່ອມເຂົ້າກັນຊຸມຊົນອາຊຽນ |
ໜ້າເວັບໄຊ Vientianetimes ມີບົດຂຽນທີ່ມີຫົວຂໍ້ວ່າ “ຫວຽດນາມ ມຸ່ງໄປເຖິງການກາຍເປັນແຫຼ່ງທ່ອງທ່ຽວແຖວໜ້າ ຂອງພາກພື້ນອາຊີຕາເວັນອອກສ່ຽງໃຕ້ ໃນປີ 2030”. ບົດຂຽນໄດ້ພິນິດໄສວ່າ ຍຸດທະສາດສົ່ງເສີມການທ່ອງທ່ຽວທີ່ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໄດ້ຍົກອອກເມື່ອບໍ່ດົນມານີ້ ຈະຊ່ວຍໃຫ້ຫວຽດນາມ ເປັນແຫຼ່ງທ່ອງທ່ຽວທີ່ດຶງດູດນັກທ່ອງທ່ຽວ ແຖວໜ້າຢູ່ອາຊີຕາເວັນອອກສ່ຽງໃຕ້; ຢືນຢັນເຄື່ອງໝາຍການຄ້າ ແລະ ຄວາມສາມາດການແກ່ງແຍ່ງຂອງການທ່ອງທ່ຽວຫວຽດນາມ.
 |
ໜັງສືພິມປະເທດລາວ ໄດ້ຍ້ອງຍໍການທ່ອງທ່ຽວຫວຽດນາມ |
ໜ້າເວັບດັ່ງກ່າວນີ້ ສະແດງໃຫ້ເຫັນຢ່າງຈະແຈ້ງວ່າ ການເຄື່ອນໄຫວໂຄສະນາ ແລະ ເຜີຍແພ່ການທ່ອງທ່ຽວຂອງຫວຽດນາມ ຢູ່ເວັບໄຊ ແລະ ເຄືອຂ່າຍອິນເຕີເນັດໄດ້ນຳມາເຊິ່ງປະສິດທິຜົນສູງ, ຂອບເຂດການເຂົ້າເຖິງມີຄວາມເລິກເຊິ່ງ ແລະ ມີຈຳນວນຜູ້ເບິ່ງເຂົ້າເວັບໄຊ ແລະ ຕິດຕາມ ໄດ້ນັບມື້ນັບເພີ່ມຂຶ້ນ, ປະກອບສ່ວນປັບປຸງການຈັດອັນດັບຂອງຫວຽດນາມ ກ່ຽວກັບບັນດາດັດຊະນີການຕະຫຼາດ ແລະ ກຳລັງຄວາມສາມາດໃນການພັດທະນາການທ່ອງທ່ຽວ.
ນອກຈາກນັ້ນ, ໜ້າເວັບໄຊ Laoophattananews (ລາວພັດທະນາ) ກໍ່ມີຄວາມປະທັບໃຈກັບລາຍຮັບການທ່ອງທ່ຽວຂອງຫວຽດນາມ ໃນ 2 ເດືອນຕົ້ນປີ ທີ່ບັນລຸເຖິງ 3,6 ຕື້ໂດລາສະຫະລັດ, ຕ້ອນຮັບນັກທ່ອງທ່ຽວສາກົນຫຼາຍກວ່າ 1,8 ລ້ານເທື່ອຄົນ. ເຖິງວ່າຈຳນວນນັກທ່ອງທ່ຽວສາກົນມາຫວຽດນາມ ບໍ່ເທົ່າກັບໄລຍະດຽວກັນກັບຂອງປີ 2019 - ເຊິ່ງແມ່ນປີທີ່ບໍ່ມີການລະບາດຂອງພະຍາດໂຄວິດ-19, ແຕ່ໝາກຜົນທີ່ໄດ້ຮັບດັ່ງກ່າວ ໄດ້ສະແດງໃຫ້ເຫັນສະພາບຂອງການຟື້ນຟູການທ່ອງທ່ຽວຂອງຫວຽດນາມ. Laophattananews ຢືນຢັນວ່າ ຫວຽດນາມ ຈະບັນລຸຄາດໝາຍຕ້ອນຮັບແຂກສາກົນ 8 ລ້ານເທື່ອຄົນໃນປີ 2023.
ກ່ອນໜ້ານີ້, ໜັງສືພິມ Vientianetimes ແລະ Laophattananews ກໍ່ມີບົດຂຽນຍ້ອງຍໍ ແລະ ແນະນຳວັດທະນະທຳອາຫານ, ການທ່ອງທ່ຽວຄົ້ນຫາຕາມຖະໜົນ, ວັດວາອາຮາມ ຢູ່ບາງສະຖານທີ່ທ່ອງທ່ຽວທີ່ມີຊື່ສຽງຂອງຫວຽດນາມ ເຊັ່ນ: ຮ່າໂນ້ຍ, ໂຮ້ຍອານ ແລະ ດ່າໜັງ./.
ຄຳຮຸ່ງ
