| ທ່ານ ຫວໍວັນເຖືອງ ຮັບດຳລົງຕຳແໜ່ງເປັນປະທານປະເທດ ແຫ່ງ ສສ. ຫວຽດນາມ, ອາຍຸການ 2021 – 2026 | |
| ຫວຽດນາມ - ລາວ ເພີ່ມທະວີການແລກປ່ຽນປະສົບການ ໃນການເຄື່ອນໄຫວຂອງສະພາແຫ່ງຊາດ ແລະ ສະພາປະຊາຊົນ |
ຕອນຄ່ຳວັນທີ 11 ມີນາ ຕາມເວລາທ້ອງຖິ່ນ, ກອງປະຊູມສະມັດສະໃຫຍ່ ຄັ້ງທີ 146 ຂອງສະຫະພັນລັດຖະສະພາໂລກ (IPU) ໄດ້ໄຂຂຶ້ນຢ່າງເປັນທາງການຢູ່ນະຄອນຫຼວງ Manama ປະເທດບາເຣນ, ດ້ວຍການເຂົ້າຮ່ວມຂອງຜູ້ແທນເກືອບ 2.000 ທ່ານທີ່ມາຈາກເກືອບ 140 ປະເທດສະມາຊິກ, ໃນນັ້ນມີປະທານສະພາແຫ່ງຊາດ 44 ທ່ານ ແລະ ຮອງປະທານສະພາແຫ່ງຊາດ ເກືອບ 30 ທ່ານ.
ກ່ອນໜ້ານີ້, ຄະນະຜູ້ແທນຫວຽດນາມ ໄດ້ເຂົ້າຮ່ວມກອງປະຊຸມ ອາຊຽນ +3 ແລະ ກອງປະຊຸມກຸ່ມພູມີສາດການເມືອງ ອາຊີ - ປາຊີຟິກ; ເຂົ້າຮ່ວມ ເວທີປາໄສສະມາຊິກຜູ້ແທນລັດຖະສະພາຍີິງ.
 |
ຄະນະຜູ້ແທນສະພາແຫ່ງຊາດຫວຽດນາມ ນຳໜ້າ ໂດຍທ່ານຮອງປະທານສະພາແຫ່ງຊາດ ເຈິ່ນແທັງເໝິນ . (ພາບ: TTXVN) |
ໃນບັນດາມື້ຕໍ່ໄປ, ຄະນະຜູ້ແທນຈະເຂົ້າຮ່ວມກອງປະຊຸມຄົບຄະນະຂອງກອງປະຊຸມໃຫຍ່, ສະພາບໍລິຫານງານ, ຍັນດາຄະນະປະຈຳ, ເວທີປາໄສສະມາຊິກສະພາໜຸ່ມ ແລະ ບັນດາການເຄື່ອນໄຫວຢູ່ນອກກອງປະຊຸມ.
ກອງປະຊຸມສະມັດຊາໃຫຍ່ IPU- 146 ແລະ ບັນດາກອງປະຊຸມທີ່ກ່ຽວຂ້ອງ ໄດ້ດຳເນີນແຕ່ວັນທີ 11 – 15 ມີນາ, ໂດຍສຸມໃສ່ປຶກສາຫາລືຫົວຂໍ້ລວມ “ຊຸກຍູ້ການຮ່ວມດຳລົງຊີວິດໃນສັນຕິພາບ ແລະ ບັນດາສັງຄົມກວມລວມ: ຕ້ານປະກົດການບໍ່ມີຄວາມໂອບເອື້ອອາລີ”.
 |
ກອງປະຊຸມໃຫຍ່ຍັງຈະປຶກສາຫາລື, ກຳນົດ ແລະ ຮັບຮອງເອົາຮ່າງມະຕິກ່ຽວກັບ "ການໂຈມຕີທາງອິນເຕີເນັດ ແລະ ອາດຊະຍາກໍາທາງອິນເຕີເນັດ: ໄພຂົ່ມຂູ່ໃຫມ່ສຳຫຼັບຄວາມປອດໄພຂອງໂລກ".
ກອງປະຊຸມໃຫຍ່ IPU-146 ດຳເນີນໄປໃນສະພາບ ທີ່ໂລກພວມປະເຊີນໜ້າກັບບັນດາການຜັນແປທີ່ສັບສົນ ແລະ ຍາກທີ່ຈະຄາດເດົາໄດ້. ບັນດາຈຸດຮ້ອນທີ່ຍັງບໍ່ທັນໄດ້ຮັບການແກ້ໄຂ ແລະ ຄວາມຂັດແຍ່ງຍັງສືບຕໍ່ເກີດຂຶ້ນຢູ່ໃນຫຼາຍພາກສ່ວນຂອງໂລກ. ປະຈຸບັນນີ້, ຕົວເລກສະແດງຄວາມສັນຕິພາບຂອງໂລກ ແມ່ນຢູ່ໃນລະດັບຕ່ຳສຸດໃນຮອບ 15 ປີ.
ໃນສະພາບການນັ້ນ, ເປົ້າໝາຍຊຸກຍູ້ “ຮ່ວມກັນດຳລົງຊີວິດໃນສັນຕິພາບ ແລະ ບັນດາສັງຄົມພກວມລວມ: ຕ້ານປະກົດການບໍ່ມີຄວາມໂອບເອື້ອອາລີ” ແມ່ນມີຄວາມໝາຍຮີບດ່ວນກວ່າເວລາໃດໝົດ, ຮຽກຮ້ອງບັນດາຄວາມມານະພະຍາຍາມ ແລະ ການຮ່ວມແຮງຮ່ວມໃຈຂອງປະຊາຄົມໂລກ ແລະ ບັນດາອົງການສ້າງກົດໝາຍພ້ອມກັນສາມັກຄີ ແລະ ກະທຳ ແນໃສ່ຫັນໂຄງການດຳເນີນງານ 2023 ໃຫ້ປະກົດຜົນເປັນຈິງ ເພື່ອການພັດທະນາແບບຍືນຍົງຂອງສະຫະປະຊາຊາດ ແລະ ຍຸດທະສາດການປະຕິບັດຂອງ IPU ເພື່ອສັນຕິພາບ, ການຮ່ວມມື ແລະ ການພັດທະນາແບບຍືນຍົງ.
ຄຳຮຸ່ງ
