| ຫວຽດນາມ - ລາວ ຮັດແໜ້ນການຮ່ວມມືໃນການປ້ອງກັນ, ຕ້ານການຄ້າມະນຸດ | |
| ທ່ານ ເອກອັກຄະລັດຖະທູດ ສ.ຕວກກີສະແດງຄວາມຂອບອົກຂອບໃຈຕໍ່ກະຊວງປ້ອງກັນປະເທດ ແລະ ກະຊວງຕຳຫຼວດ ຫວຽດນາມ |
ວັນທີ 24 ກຸມພາ, ຢູ່ນະຄອນເຫ້ວ, ກົມກວດກາປ່າໄມ້ ຫວຽດນາມ ສົມທົບກັບກົມກວດກາປ່າໄມ້ ລາວ ຈັດຕັ້ງກອງປະຊຸມສະຫຼຸບການຕີລາຄາໝາກຜົນການປະຕິບັດບົດບັນທຶກຊ່ວຍຈຳລະຫວ່າງສອງຝ່າຍໃນໄລຍະ 2017 – 2022 ແລະ ປຶກສາຫາລືບັນດາການເຄື່ອນໄຫວສົມທົບກັນໄລຍະ 2023 – 2028
 |
| ການນຳກົມກວດກາປ່າ ຫວຽດນາມ ສົມທົບກັບການນຳກົມກວດກາປ່າໄມ້ ລາວ ເປັນປະທານຮ່ວມກອງປະຊຸມ (ພາບ: TTXVN) |
ມີຜູ້ຕາງໜ້າບັນດາໜ່ວຍງານທີ່ມີໜ້າທີ່ຄຸ້ມຄອງປົກປ້ອງປ່າ ຢູ່ 10 ແຂວງຂອງ ຫວຽດນາມ ແລະ ລາວ ເຂົ້າຮ່ວມ.
ຕາມນັ້ນແລ້ວ, ໃນໄລຍະ 2023 – 2028, 2 ຝ່າຍຈະເພີ່ມທະວີການແລກປ່ຽນຂໍ້ມູນຂ່າວສານ, ຄວາມຮູ້ ແລະ ປະສົບການ ເພື່ອຄວບຄຸມ ແລະ ສະກັດກັ້ນການລ່າສັດ, ການຂຸດຄົ້ນ, ຄ້າຂາຍ, ຂົນສົ່ງໄມ້ແບບຜິດກົດໝາຍ, ຜະລິດຕະພັນເຄື່ອງປ່າຂອງດົງ, ສັດປ່າຢູ່ເຂດຊາຍແດນລະຫວ່າງສອງປະເທດ. ແຕ່ລະຝ່າຍເພີ່ມທະວີການກວດກາ ແລະ ຕິດຕາມກວດກາກໍລະນີສົ່ງອອກ ແລະ ນຳເຂົ້າໄມ້, ເຄື່ອງປ່າຂອງດົງ ແລະ ສັດປ່າຢູ່ຕາມຊາຍແດນຂອງສອງປະເທດຢ່າງເຂັ້ມງວດ, ພ້ອມທັງແລກປ່ຽນຂໍ້ມູນຂ່າວສານຢ່າງເປັນປະຈຳ ແລະ ສົມທົບກັນແກ້ໄຂບັນດາກໍລະນີລະເມີດກົດໝາຍບົນພື້ນຖານການປະຕິບັດລະບຽບກົດໝາຍຂອງແຕ່ລະປະເທດ.
ກົມກວດກາປ່າ ຫວຽດນາມ ແລະ ກົມກວດກາປ່າໄມ້ ລາວ ເຫັນດີເປັນເອກະພາບຈະແລກປ່ຽນຂໍ້ມູນກ່ຽວກັບບັນດາຂໍ້ກຳນົດ, ນະໂຍບາຍໃໝ່ໃນການຄຸ້ມຄອງ, ປົກປັກຮັກສາປ່າ, ຄ້າຂາຍໄມ້ ແລະ ສັດປ່າ. ສອງຝ່າຍຈະສືບຕໍ່ສະໜັບສະໜູນເຊິ່ງກັນແລະກັນຢູ່ບັນດາເວທີປາໄສສາກົນ, ແບ່ງປັນບົດຮຽນປະສົບການໃນການສ້າງກົນໄກ, ນະໂຍບາຍ, ກົດໝາຍ. ສອງກົມຈະເພີ່ມທະວີການຮ່ວມມືກ່ຽວກັບການປ້ອງກັນ, ຕ້ານໄຟໄໝ້ປ່າໃນຂອບເຂດທົ່ວປະເທດຢູ່ລຽບຕາມເສັ້ນຊາຍແດນສອງປະເທດ, ສົມທົບກັນກໍ່ສ້າງລະບົບກວດພົບ ແລະ ຕິດຕາມການປ່ຽນແປງຂອງປ່າໂດຍໄວ.
ໄປຄຽງຄູ່ກັນນັ້ນ, ສອງຝ່າຍຈະສົມທົບກັນປະຕິບັດຫຼາຍການເຄື່ອນໄຫວເພື່ອແນໃສ່ຮັບມືກັບການປ່ຽນແປງຂອງຕະຫຼາດສາກົນ ແລະ ຜະລິດຕະພັນຈາກໄມ້, ພິເສດແມ່ນການປ່ຽນແປງຂອງບັນດາຕະຫຼາດໃຫຍ່, ເພີ່ມທະວີຄວາມາມາດໃນການຄຸ້ມຄອງປ່າແບບຍືນຍົງ, ຢັ້ງຢືນປ່າ ແລະ ວາງແຜນກຳນົດປ່າໄມ້ທົ່ວປະເທດ, ສ້າງເງື່ອນໄຂໃຫ້ແກ່ບັນດາວິສາຫະກິດເປີດກວ້າງການລົງທຶນເຂົ້າໃນການຜະລິດ, ປຸງແຕ່ງຜະລິດຕະພັນເຄື່ອງປ່າຂອງດົງໃຫ້ເໝາະສົມກັບກົດໝາຍປັດຈຸບັນຂອງສອງປະເທດ.
ບຸນຄົງ
