| ຫວຽດນາມ ແລະ Trinidad & Tobago ສ້າງຕັ້ງການພົວພັນທາງການທູດ | |
| 93 ປີແຫ່ງການສ້າງຕັ້ງພັກ: ກອງປະຊຸມສຳມະນາກ່ຽວກັບການພົວພັນຮ່ວມມື ລະຫວ່າງ ການາດາ ແລະ ຫວຽດນາມ. |
 |
| ການເຮັດວຽກລະຫວ່າງສອງຝ່າຍ (ພາບ: TTXVN) |
ຕອນບ່າຍວັນທີ 14ກຸມພາ, ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫ້ວ ໄດ້ມີການພົບປະກັບສະພາທຸລະກິດສະຫະພາບເອີລົບ (ອີຢູ) - ອາຊຽນ. ທີ່ການພົບປະ, ທ່ານປະທານສະພາແຫ່ງຊາດເວືອງດິ່ງເຫ້ວ ຢືນຢັນວ່າ ສະພາແຫ່ງຊາດຫວຽດນາມ ຍາມໃດກໍ່ຖືປະຊາຊົນ ແລະ ວິສາຫະກິດເປັນໃຈກາງໃນທຸກລັດຖະນະໂຍບາຍ. ສະພາແຫ່ງຊາດຫວຽດນາມ ສະໜັບສະໜູນ ແລະ ພ້ອມແລ້ວທີ່ຈະສ້າງທຸກກອບກົດໝາຍທີ່ອຳນວຍສະດວກໃຫ້ແກ່ການລົງທຶນ, ການຜະລິດ ແລະ ດຳເນີນທຸລະກິດຂອງປະຊາຊົນ ແລະ ວິສາຫະກິດທັງພາຍໃນ ແລະ ຕ່າງປະເທດ.
ທ່ານປະທານສະພາແຫ່ງຊາດ ຫວັງວ່າ ບັນດາປະເທດຈະຮ່ວມກັນແບ່ງປັນເພື່ອສ້າງຄວາມໄວ້ເນື້ອເຊື່ອໃຈໃນກິດຈະການຫັນເປັນດີຈີຕອນ ແລະ ໃຫ້ຮູ້ວ່າ ເວທີປາໄສສະມາຊິກລັດຖະສະພາໜຸ່ມທົ່ວໂລກ ຊຶ່ງຫວຽດນາມ ເປັນເຈົ້າພາບຈັດຕັ້ງຈະປຶກສາຫາລືກ່ຽວກັບເນື້ອໃນນີ້. ກ່ຽວກັບການຫັນປ່ຽນດ້ານພະລັງງານໂດຍຍຸຕິທຳ, ທ່ານປະທານສະພາແຫ່ງຊາດ ປາດຖະໜາຢາກຊຸກຍູ້ການຮ່ວມມືກັບບັນດາຄູ່ຮ່ວມມືກ່ຽວກັບການລະດົມແຫຼ່ງກຳລັງການເງິນສີຂຽວ, ກໍຄືການດຸ່ນດ່ຽງລະຫວ່າງບັນດາຜົນປະໂຫຍດ ແລະ ຄ່າໃຊ້ຈາຍໃນໄລຍະຫັນປ່ຽນ. ສະເໜີໃຫ້ສະພາຕັ້ງໜ້າຂົນຂວາຍເພື່ອໃຫ້ສະຫະພາບເອີລົບໃຫ້ສັດຕະຍາບັນສັນຍາປົກປ້ອງການລົງທຶນສະຫະພາບເອີລົບ -ຫວຽດນາມ ໂດຍໄວ, ຍົກເລີກບັດເຫຼືອງກ່ຽວກັບສິນໃນນ້ຳຫວຽດນາມໂດຍໄວ.
ສ່ວນບັນດາສະມາຊິກສະພາ ໄດ້ເນັ້ນໜັກວ່າ ຫວຽດນາມ ມີແງ່ຫວັງພັດທະນາໃຫຍ່ຫຼວງທີ່ສຸດ, ຜູ້ຕາງໜ້າຄະນະຖືວ່າ ປີ 2022 ຫວຽດນາມບັນລຸການເຕີບໂຕຢູ່ລະດັບສູງກ່ວາ 8% ດັ່ງນັ້ນ ຫວຽດນາມ ແມ່ນສະຖານທີ່ລົງທຶນ, ການຄ້າໃຫ້ແກ່ບັນດາປະເທດໃນໂລກ. ຫວຽດນາມ ຢາກປະຕິບັດການປ່ອຍອາຍພິດລົງ 0 ໃນປີ 2050 ແລະ ສະພາດຳເນີນທຸລະກິດ EU - ອາຊຽນ ຫວັງວ່າໜູນຊ່ວຍ ຫວຽດນາມ ໃນການປະຕິບັດເປົ້າໝາຍນີ້ ແລະ ຖືວ່າ ຫວຽດນາມ ແມ່ນສະຖານທີ່ດີທີ່ສຸດ, ຫວັງວ່າພ້ອມກັບບສັນຍາການຄ້າເສລີ ຫວຽດນາມ - EU, ສັນຍາອາລັກຂາການລົງທຶນ ຫວຽດນາມ - EU ຈະຍູ້ແຮງກ່ວາອີກໃນໄລຍະຈະມາເຖິງ ເພື່ອໃຫ້ ຫວຍດນາມ ອາດຈະເພີ່ມທະວີການຮ່ວມມືກັບສະພາດຳເນີນທຸລະກິດ ລະຫວ່າງ EU - ອາຊຽນ.
ບຸນຄົງ
