| ຫວຽດນາມ - Uzbekistan ຍັງມີຄວາມສາມາດບົ່ມຊ້ອນຫຼາຍຢ່າງໃນການຮ່ວມມືສອງຝ່າຍ | |
| ການປະຕິຮູບການບໍລິຫານ: ໄມ້ງັດເພື່ອພັດທະນາເສດຖະກິດ, ສັງຄົມ |
 |
| ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ກອງປະຊຸມ (ພາບ: VOV) |
ວັນທີ 12 ກຸມພາ, ຢູ່ນະຄອນ ຮ້າລອງ, ແຂວງ ກ໋ວາງນິງ ໄດ້ຈັດກອງປະຊຸມຜັນຂະຫຍາຍໂຄງການເຄື່ອນໄຫວປະຕິບັດມະຕິເລກທີ 30 ລົງວັນທີ 23 ພະຈິກ 2022 ຂອງກົມການເມືອງກ່ຽວກັບການພັດທະນາເສດຖະກິດ - ສັງຄົມ ແລະ ການຮັບປະກັນການປ້ອງກັນຊາດ, ປ້ອງກັນຄວາມສະຫງົບເຂດທົ່ງພຽງແມ່ນ້ຳແດງ ແລະ ສົ່ງເສີມການລົງທຶນເຂດດ້ວຍຫົວຂໍ້ “ການຮ່ວມສຳພັນພັດທະນາ - ປ່ຽນແປງໃໝ່ປະດິດຄິດສ້າງ - ສີຂຽວ ແລະ ຍືນຍົງ”.
ກ່າວຄຳເຫັນທີ່ກອງປະຊຸມໂດຍກະຊວງແຜນການ ແລະ ການລົງທຶນຈັດຕັ້ງ, ທ່ານນາຍົກລັດຖະມົນຕີ ຟ້າມມິງຈິງ ໄດ້ຊີ້ແຈ້ງວ່າ ຕ້ອງຂຸດຄົ້ນຄວາມສາມາດບົ່ມຊ້ອນ, ທ່າໄດ້ປຽບຢ່າງສຸດຂີດເພື່ອພັດທະນາເຂດທົ່ງພຽງແມ່ນຳແດງໂດຍໄວ, ຍືນຍົງ, ເພື່ອເຂດກາຍເປັນເຂດກຳລັງໜູນພັດທະນາແຖວໜ້າ, ມີບົດບາດກຳນົດທິດ, ນຳໜ້າວິວັດການສ້າງໂຄງປະກອບພື້ນຖານເສດຖະກິດຄືນໃໝ່ ແລະ ຫັນປ່ຽນຮູບແບບການເຕີບໂຕຂອງປະເທດຊາດ. ທ່ານກ່າວວ່າ:
“ສຸມໃສ່ປະຕິບັດສຳເລັດລະບອບລະບຽບການວາງແຜນຜັງ ແລະ ນະໂຍບາຍຮ່ວມສຳພັນເຂດໃນປະຈຸບັນ. ທັງເຮັດທັງຖອດຖອນບົດຮຽນ, ພິເສດແມ່ນບັນດາບົດຮຽນເຊິ່ງເຮົາພວມສະສົມມາໄດ້ໃນວິວັດການສ້າງແຜນຜັງ. ວຽກງານວາງແຜນຜັງແມ່ນສຳຄັນ ແລະ ການວາງແຜນຜັງຕ້ອງສ້າງກຳລັງໜູນໃໝ່, ສ້າງກຳລັງກະຕຸ້ນໃໝ່, ສ້າງບັນຍາກາດພັດທະນາໃໝ່, ສ້າງແຫຼ່ງບັນດາໃຈໃໝ່, ສ້າງມູນຄ່າເພີ່ມໃໝ່. ການວາງແຜນຜັງດີ ໂຄງການຈຶ່ງດີ, ມີໂຄງການດີຈຶ່ງມີນັກລົງທຶນດີ, ມີນັກລົງທຶນດີຈຶ່ງມີປະສິດທິຜົນ ແລະ ມີປະສິດທິຜົນຈຶ່ງສາມາດຍົກສູງມູນຄ່າເພີ່ມຂອງທ້ອງຖິ່ນໄດ້”.
ທ່ານນາຍົກລັດຖະມົນຕີສະເໜີຍູ້ແຮງການພັດທະນາເສດຖະກິດເຂດ, ຊຸກຍູ້ການຫັນປ່ຽນໂຄງປະກອບເສດຖະກິດ, ພັດທະນາເສດຖະກິດທະເລ, ພັດທະນາລະບົບຕົວເມືອງ ແລະ ສ້າງໂຄງປະກອບພື້ນຖານໂຄງລ່າງເສດຖະກິດ - ສັງຄົມ, ພັດທະນາເຂດກາຍເປັນສູນວິທະຍາສາດເຕັກໂນໂລຢີ ຕິດພັນກັບການປ່ຽນແປງໃໝ່ປະດິດຄິດສ້າງ, ດີຈີຕອນແຖວໜ້າຂອງທົ່ວປະເທດ.
ສຳລັບບັນດານັກລົງທຶນ, ວິສາຫະກິດ, ຄູ່ຮ່ວມມືພັດທະນາ, ທ່ານນາຍົກລັດຖະມົນຕີ ສະເໜີ້ຮ່ວມເດີນທາງກັບລັດຖະບານ, ມີຍຸດທະສາດດຳເນີນທຸລະກິດຍາວນານ,ຍືນຍົງ. ທຸກຂັ້ນ, ທຸກຂະແໜງການ, ທ້ອງຖິ່ນກໍ່ສ້າງສະພາບແວດລ້ອມແຫ່ງຄວາມສະດວກ, ປອດໄພ, ປອດໄສໃຫ້ແກ່ບັນດານັກລົງທຶນ.
ບຸນຄົງ
