 |
| ສ່ວນບຸກຄົນ ແລະໝູ່ຄະນະ KSSA ໄດ້ຮັບລາງວັນ |
KSSA ໄດ້ເຄື່ອນໄຫວຢູ່ແຂວງວິງລອງ ແຕ່ປີ 1994 ໃນບັນດາຂົງເຂດຄື: ໜູນຊ່ວຍການພັດທະນາເສດຖະກິດ, ເບິ່ງແຍງດູແລສຸຂະພາບ, ການສຶກສາ, ແລກປ່ຽນວັດທະນະທຳ; ການກໍ່ສ້າງເຮືອນແຫ່ງຄວາມເມດຕາ, ກິດຈະກໍາທາງສັງຄົມແລະ ການຮຽກຮ້ອງການລົງທຶນ.
ພິເສດ, ອົງການ KSSA ແມ່ນອົງການບໍ່ຂຶ້ນກັບລັດຖະບານ ສ.ເກົາຫຼີ ທຳອິດທີ່ເຂົ້າມາ ຫວຽດນາມ ພາຍຫຼັງ ຫວຽດນາມ - ສ.ເກົາຫຼີ ຫັນການພົວພັນເປັນປົກກະຕິໃນປີ 1992. ນີ້ກໍ່ແມ່ນໜຶ່ງໃນບັນດາອົງການບໍ່ຂຶ້ນກັບລັດຖະບານຕ່າງປະເທດ ທີ່ມີການເຄື່ອນໄຫວດົນທີ່ສຸດ, ຕັ້ງໜ້າທີ່ຢູ່ແຂວງວິງລອງ. ໃນ 25 ປີຜ່ານມາ, ອົງການ KSSA ໄດ້ອຸປະຖຳກໍ່ສ້າງເຮືອນແຫ່ງຄວາມເມດຕາກ່ວາ 2000 ຫຼັງ, ຂົວ 20 ແຫ່ງ, ເຮັດຖະໜົນຫົນທາງເຂດຊົນນະບົດ, ມອບຂອງຂວັນ ແລະ ທຶນການສຶກສາໃຫ້ແກ່ນັກຮຽນທຸກຍາກນັບຮ້ອຍໆຄົນ, ຮຽກຮ້ອງໃຫ້ບັນດາທ່ານໝໍມາຈາກ ສ.ເກົາຫຼີ ມາປິ່ນປົວພະຍາດ ແລະ ສະໜອງຢຸກຢາໂດຍບໍ່ເສຍຄ່າ ໃຫ້ແກ່ປະຊາຊົນເຂດຫ່າງໄກສອກຫຼີກ ຂອງແຂວງ ດ້ວຍຍອດງົບປະມານອຸປະຖຳກ່ວາ 50 ຕື້ດົ່ງ.
ພ້ອມກັນນັ້ນ, ອົງການ KSSA ຍັງສົມທົບກັບສະຫະພັນບັນດາອົງການຈັດຕັ້ງມິດຕະພາບແຂວງ ວິງລອງ, ບັນດາທ້ອງຖິ່ນຂອງແຂວງ ຈັດຕັ້ງນັກສຶກສາອາສາສະໝັກຫຼາຍຄະນະ ມາພົບປະແລກປ່ຽນ, ໜູນຊ່ວຍບັນດາການເຄື່ອນໄຫວທຳການກຸສົນຢູ່ທ້ອງຖິ່ນ, ຈັດຕັ້ງຄະນະພະນັກງານ, ຄູສອນ, ນັກຮຽນຫຼາຍຄະນະຈາກສ.ເກົາຫຼີ ມາຢ້ຽມຢາມ, ຮ່ຳຮຽນ, ແລກປ່ຽນບົດຮຽນປະສົບການ… ຜ່ານການຈັດຕັ້ງບັນດາການເຄື່ອນໄຫວໄດ້ປະກອບສ່ວນຮັດແໜ້ນນ້ຳໃຈສາມັກຄີ, ມິດຕະພາບ, ເພີ່ມທະວີຄວາມເຂົ້າໃຈເຊິ່ງກັນແລະກັນ ລະຫວ່າງປະຊາຊົນສອງປະເທດ.
ກ່າວຄຳເຫັນທີ່ພິທີ, ທ່ານນາງ ຫງວຽນທິກວຽນແທັງ - ຮອງປະທານຄະນະກຳມະການປະຊາຊົນແຂວງ ວິງລອງໃຫ້ຮູ້ວ່າ ພິທີສະເຫຼີມສະຫຼອງ 25 ປີແຫ່ງວັນອົງການ KSSA ເຄື່ອນໄຫວຢູ່ແຂວງ ວິງລອງ ໄດ້ຮັບການຈັດຕັ້ງໃນບັນຍາກາດຂ່ຳນັບຮັບຕ້ອນການສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ຫວຽດນາມ - ສ.ເກົາຫຼີ (22/12/1992 - 22/12/2022). 30 ປີຜ່ານມາ, ດ້ວຍຄວາມຕັດສິນໃຈເພີ່ມພູນຄູນສ້າງຂອງການນຳບັນດາລຸ້ນ, ປະຊາຊົນສອງປະເທດ ຫວຽດນາມ - ສ.ເກົາຫຼີ ບົນພື້ນຖານທີ່ຄ້າຍຄືກັນກ່ຽວກັບວັດທະນະທຳ, ມີຄວາມໃກ້ຊິດສະໜິດແໜ້ນທາງພູມີປະເທດ, ມີລັກສະນະໜູນຊ່ວຍເຊິ່ງກັນແລະກັນທາງດ້ານເສດຖະກິດ, ພ້ອມກັບແບ່ງປັນບັນດາຜົນປະໂຫຍດຍຸດທະສາດລວມເພື່ອສັນຕິພາບ, ການພັດທະນາຂອງແຕ່ລະປະເທດ, ສອງປະເທດ ຫວຽດນາມ - ສ.ເກົາຫຼີ ໄດ້ກາຍເປັນຄູ່ຮ່ວມມືສຳຄັນແຖວໜ້າຂອງກັນ.
ບຸນຄົງ
