 |
| ພາບປະກອບ: TTXVN |
ທ່ານເອກອັກຄະລັດຖະທູດ ຟີລິບປິນ ປະຈຳ ຫວຽດນາມ ໃຫ້ຮູ້ວ່າ ຍ້ອນຍຸດທະສາດສັກວັກຊິນຂອງລັດຖະບານ, ປະຊາຊົນ ຫວຽດນາມ ຈິ່ງມີຄວາມປອດໄພ ແລະ ກັບຄືນສູ່ການດຳລົງຊີວິດທີ່ເປັນປົກກະຕິ.
“ການຟື້ນຟູຂອງ ຫວຽດນາມ ຫຼັງໂຄວິດ - 19 ມີຄວາມເປັນໜ້າເຄົາລົບທີ່ສຸດ” - ທ່ານ Meynardo Los Banos Montealegre ເອກອັກຄະລັດຖະທູດ ຟີລິບປິນ ປະຈຳ ຫວຽດນາມ ເປີດສາກການຕອບສຳພາດຕໍ່ນັກຂ່າວສຳນັກຂ່າວສານ ຫວຽດນາມ ເນື່ອງໃນໂອກາດປີໃໝ່ 2023, ພາຍຫຼັງໄດ້ມີຄຳຖາມວ່າ ທ່ານຕີລາຄາແນວໃດກ່ຽວກັບບັນດາຄວາມມານະພະຍາຍາມຟື້ນຟູເສດຖະກິດຂອງ ຫວຽດນາມ ໃນປີຜ່ານມາ.
ຕາມທ່ານເອກອັກຄະລັດຖະທູດ ຟີລິບປິນ Meynardo Los Banos Montealegre ແລ້ວ, ຍ້ອນຍຸດທະສາດສັກວັກຊິນຂອງລັດຖະບານ, ປະຊາຊົນ ຫວຽດນາມ ຈິ່ງມີຄວາມປອດໄພ ແລະ ກັບຄືນສູ່ການດຳລົງຊີວິດທີ່ເປັນປົກກະຕິ.
ຂ້າພະເຈົ້າກໍ່ຮູ້ສຶກປະທັບໃຈຕໍ່ບັນດາການເຄື່ອນໄຫວທີ່ຟົດຟຶ້ນຂອງບັນດາອົງການລັດຖະບານຢູ່ຫວຽດນາມ. ບັນດາລາຍການ, ໂຄງການທີ່ຖືກຢຸດສະຫງັກໃນ 2 ປີຜ່ານມາ ໄດ້ເລີ່ມເຄື່ອນໄຫວຄືນໃໝ່ ດ້ວຍການເຂົ້າຮ່ວມຢ່າງແຮງ ແລະ ສຸດຈິດສຸດໃຈຂອງພະນັກງານ, ລັດຖະກອນ ແລະ ຍິ່ງໄປກ່ວານັ້ນແມ່ນປະຊາຊົນອີກດ້ວຍ”, ທ່ານ Meynardo Los Banos Montealegre ແບ່ງປັນ.
ທ່ານ Meynardo Los Banos Montealegre ຖືວ່າ ໂລກຕ້ອງປະເຊີນໜ້າກັບສິ່ງທ້າທາຍຫຼາຍຢ່າງ ລວມມີ ການຂາດວັກຂາດຕອນລະບົບສະໜອງ, ຄວາມຕ້ອງການຕ່ຳ, ຄ່າໃຊ້ຈ່າຍກ່ຽວກັບພະລັງງານ ແລະ ເຊື້ອເພິງສູງ. ນອນຈາກນັ້ນ, ຄວາມສ່ຽງເກີດພະຍາດໂຄວິດ - 19 ລະບາດຢ່າງແຮງຍັງຄົງມີຢູ່. ບັນດາປັດໄຈນີ້ ບໍ່ພຽງແຕ່ມີຜົນສະທ້ອນຕໍ່ ຫວຽດນາມ ເທົ່ານັ້ນ ຫາກຍັງສຳລັບບັນດາປະເທດຕ່າງໆອີກດ້ວຍ. ໃນຂະນະນັ້ນ, ເບິ່ງຄືວ່າຍັງມີຄວາມເຊື່ອໝັ້ນວ່າ ການເຄື່ອນໄຫວຢ່າງມີປະສິດທິຜົນຂອງຫວຽດນາມ ຍັງຄົງມີສະຖຽນລະພາບ ແລະ ຍິງໄປກ່ວານັ້ນ GDP ອາດບັນລຸ 8%. ເຖິງຢ່າງໃດກໍ່ຕາມ, ໃນປີ 2023 ເຖິງວ່າແງ່ຫວັງເຕີບໂຕເສດຖະກິດແມ່ນໃຫຍ່ທີ່ສຸດ, ບັນດາເງື່ອນໄຂປັດຈຸບັນກໍ່ໄດ້ວາງອອກບັນດາສິ່ງທ້າທາຍຕໍ່ການຮັກສາການພັດທະນາເສດຖະກິດ.
ຕາມທ່ານເອກອັກຄະລັດຖະທູດ Meynardo Los Banos Montealegre ແລ້ວ, ການພົວພັນດ້ານເສດຖະກິດ ຫວຽດນາມ - ຟິລິບປິນ ໄດ້ພັດທະນາຢ່າງແຮງນັບທັງໃນໄລຍະພະຍາດລະບາດຢ່າງແຮງທີ່ສຸດ, ສິ່ງພິສູດແມ່ນຍອດວົງເງິນການຄ້າສອງຝ່າຍມີການເຕີບໂຕເປັນປົກກະຕິ, ບັນລຸ 5,8 ຕື້ USD ໃນປີ 2021 ແລະ ໄລ່ຮອດເດືອນ 6 ປີ 2022ແມ່ນ 3,12 ຕື້ USD. ຟີລິບປິນ ຫວັງວ່າ ຈະຮ່ວມມືກັບ ຫວຽດນາມ ເພື່ອບັນລຸໄດ້ຄວາມດຸ່ນດ່ຽງທາງການຄ້າສອງສົ້ນລະຫວ່າງສອງປະເທດ.
ກ່ຽວກັບຄາດໝາຍຍົກວົງເງິນການຄ້າສອງສົ້ນຂຶ້ນເປັນ 10 ຕື້ USD ໃນປີ 2026, ທ່ານ Montealegre ຖືວ່າ ສອງຝ່າຍຕ້ອງສຳຫຼວດກວດກາຄືນຢູ່ໃນລະດັບກຸ່ມປະຕິບັດວຽກງານ, ບັນດາລະບຽບການທີ່ພວມໄດ້ຮັບການປະຕິບັດ ເພື່ອຮັບປະກັນການພົວພັນທາງການຄ້າຢ່າງສະດວກ ແລະ ດີງາມກ່ວາອີກ. ໃນຂະນະທີ່ ຫວຽດນາມ ສືບຕໍ່ແມ່ນແຫຼ່ງສະໜອງເຂົ້າສານນຳເຂົ້າແຖວໜ້າ ແລະ ມີຄວາມເຊື່ອໝັ້ນຂອງ ຟີລິບປິນ, ການຄ້າສອງສົ້ນລະຫວ່າງສອງປະເທດກໍ່ອາດຈະໄດ້ຮັບການປັບປຸງກ່ຽວກັບສິນຄ້າເອເລັກໂຕນິກ, ເຄື່ອງຊັກນຳ, ວັດຖຸອຸປະກອນ ແລະ ເຄື່ອງອາໄຫຼ່ໃຫ້ດີກ່ວາອີກ. ນອກຈາກນັ້ນ, ສອງປະເທດກໍຍັງມີຄວາມສາມາດບົ່ມຊ້ອນຫຼາຍຢ່າງທີ່ຍັງບໍ່ທັນໄດ້ຮັບການຂຸດຄົ້ນກ່ຽວກັບການຄ້າຂາຍສິນຄ້າບໍລິໂພກ ແລະ ອາຫານ.
ບຸນຄົງ
