| ຜູ້ເຊຍ ຫວຽດນາມ ສ້າງບັນຍາກາດຢູ່ ວຽງຈັນ | |
| ຮ່າໂນ້ຍ - ວຽງຈັນ: ສາຍຈິດມິດໃຈທີ່ເລິກເຊິ່ງ, ຮ່ວມເດີນທາງພັດທະນາ |
 |
| ລາຍການສະແດງສິລະປະ (ພາບ: TTXVN) |
ຕາມນັກຂ່າວສຳນັກຂ່າວສານຫວຽດນາມ ປະຈຳ ລາວແລ້ວ, ນີ້ແມ່ນໜຶ່ງໃນບັນດາການເຄື່ອນໄຫວເພື່ອແນໃສ່ຂ່ຳນັບຮັບຕ້ອນຜົນສຳເລັດປີສາມັກຄີມິດຕະພາບ ຫວຽດນາມ - ລາວ 2022. ເຂົ້າຮ່ວມລາຍການມີທ່ານນາງ ຫວູຕູແອວັງ, ທູດທີ່ປຶກສາປະຈຳຄະນະປະຕິບັດວຽກງານປະຊາຄົມສະຖານທູດ ຫວຽດນາມ ປະຈຳ ລາວ, ຜູ້ຕາງໜ້າສະມາຄົມຊາວຫວຽດນາມຢູ່ນະຄອນຫຼວງວຽງຈັນ, ຜູ້ຕາງໜ້າສູນວັດທະນະທຳ ຫວຽດນາມ ປະຈຳ ລາວ, ຜູ້ຕາງໜ້າສະມາຄົມໄທ - ຫວຽດ ແຂວງໜອງຄາຍ (ໄທ), ພ້ອມກັບຄູສອນນັກຮຽນໂຮງຮຽນສອງພາສາ ຫວຽດ - ລາວ ຫງວຽນຢູ.
ກ່າວຄຳເຫັນທີ່ພິທີ, ທ່ານ ເລແອັງດຶກ, ຮອງປະທານຜູ້ປະຈຳການສະມາຄົມຫວຽດນາມ ນະຄອນຫຼວງວຽງຈັນ ໃຫ້ຮູ້ວ່າ ນີ້ແມ່ນການເຄື່ອນໄຫວທີ່ມີຄວາມໝາຍທີ່ສຸດ, ສະແດງໃຫ້ເຫັນຄວາມຕັດສິນໃຈ ແລະ ຄວາມສຸດຈິດສຸດໃຈ, ນຳນ້ຳໃຈບ້ານເກີດເມືອງນອນ, ຄວາມງາມປະເທດຊາດ ໄປຍັງປະຊາຄົມຊາວຫວຽດນາມ ອາໄສຢູ່ລາວເວົ້າລວມ ແລະ ນະຄອນຫຼວງວຽງຈັນ ເວົ້າສະເພາະ ຜ່ານບັນດາລາຍການສະແດງສິລະປະທີ່ພົ້ນເດັ່ນ, ປະທັບໃຈ.
ກໍ່ທີ່ພິທີ, ທ່ານ ເຈິ່ນຮູຍຕວານ, ຫົວໜ້າຄະນະປະຕິບັດງານຂອງກະຊວງວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ ໃຫ້ຮູ້ວ່າ ນີ້ແມ່ນຂອງຂວັນທາງດ້ານຈິດໃຈທີ່ມີປະໂຫຍດເພືື່ອໃຫ້ປະຊາຊົນມີຄວາມເຊື່ອໝັ້ນໃນການດຳລົງຊີວິດ, ມານະພະຍາຍາມກ່ວາອີກໃນການພັດທະນາເສດຖະກິດຄອບຄົວປະກອບສ່ວນສ້າງເສດຖະກິດປະເທດຊາດໃຫ້ນັບມື້ນັບພັດທະນາ.
ໃນບັນຍາກາດອັນອົບອຸ່ນທ່າມກາງອາກາດຂ້ອນຂ້າງໜາວຂອງນະຄອນຫຼວງວຽງຈັນ, ບັນດາຜູ້ແທນພ້ອມກັບພໍ່ແມ່ປະຊາຊົນຊາວຫວຽດນາມ ແລະ ແຂກຖືກເຊີນໄດ້ຮັບຊົມບັນດາລາຍການສະແດງສິລະປະຂອງນັກສິລະປະການ ສັງກັດໂຮງລະຄອນສະແດງສິລະປະຍຸກສະໄໝຫວຽດນາມ ທີ່ຍ້ອງຍໍຊົມເຊີຍຄວາມງາມປະເທດຊາດ, ຊາວ ຫວຽດນາມ, ຍ້ອງຍໍຊົມເຊີຍນ້ຳໃຈມິດຕະພາບອັນຍິ່ງໃຫຍ່ລະຫວາງສອງປະເທດ ຫວຽດນາມ - ລາວ ອ້າຍນ້ອງ.
ບຸນຄົງ
