| ການສົ່ງອອກຜັກ ແລະ ໝາກໄມ້ຂອງຫວຽດນາມ ອາດຈະບັນລຸ 4 ຕື້ USD ໃນປີ 2023 | |
| ການສົ່ງອອກ ຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳຂອງ ຫວຽດນາມ ເພີ່ມຂຶ້ນກ່ວາ 13% |
 | |
|
ວົງເງິນສົ່ງອອກສິນໃນນໍ້າຂອງຫວຽດນາມ ໃນປີ 2022 ຈະບັນລຸປະມານ 11 ຕື້ USD, ເພີ່ມຂຶ້ນ 23,8% ເມື່ອທຽບໃສ່ໄລຍະດຽວກັນຂອງປີ 2021 ແລະ ເພີ່ມຂຶ້ນ 22,2% ເມື່ອທຽບໃສ່ແຜນການທີ່ວາງອອກ (9 ຕື້ USD). ນີ້ແມ່ນຂໍ້ມູນທີ່ໄດ້ຍົກອອກໃນກອງປະຊຸມສະຫຼຸບປີ 2022 ແລະ ຜັນຂະຫຍາຍແຜນການປີ 2023 ຂອງກົມໃຫຍ່ການປະມົງ, ກະຊວງກະສິກຳ ແລະ ພັດທະນາຊົນນະບົດ ທີ່ໄດ້ຈັດຂຶ້ນໃນຕອນເຊົ້າວັນທີ 27 ທັນວາ, ຢູ່ຮ່າໂນ້ຍ.
ຕາມກົມໃຫຍ່ສິນໃນນໍ້າແລ້ວ, ຍອດປະລິມານການສົ່ງອອກບັນລຸກວ່າ 9 ລ້ານໂຕນ, ເພີ່ມຂຶ້ນ 3,1% ເມື່ອທຽບໃສ່ປີ 2021. ໝາກຜົນນີ້ລື່ນກາຍລະດັບເພີ່ມຂຶ້ນສະເລ່ຍແຕ່ລະປີໃນໄລຍະ 2021-2030 ທີ່ໄດ້ວາງອອກໃນຍຸດທະສາດພັດທະນາສິນໃນນໍ້າຫວຽດນາມ ຮອດປີ 2030, ວິໄສທັດຮອດປີ 2045.
ໃນປີ 2023, ຂະແໜງການສິນໃນນໍ້າໂດຍພື້ນຖານແມ່ນຮັກສາເນື້ອທີ່ລ້ຽງປູກ 1,3 ລ້ານເຮັກຕາ. ຂະແໜງການສືບຕໍ່ປ່ຽນແປງການຫຼຸດຜ່ອນປະລິມານການຂຸດຄົ້ນ, ເພີ່ມປະລິມານການລ້ຽງປູກ ແລະ ຜັນຂະຫຍາຍບັນດາວິທີການເພື່ອເພີ່ມມູນຄ່າປະລິມານການລ້ຽງປູກ ແລະ ການຂຸດຄົ້ນຢ່າງແຮງ.
ໃນປີ 2023, ກົມໃຫຍ່ສິນໃນນໍ້າໄດ້ວາງເປົ້າໝາຍ, ຍອດປະລິມານສິນໃນນໍ້າຈະບັນລຸປະມານ 8,74 ລ້ານໂຕນ; ວົງເງິນສົ່ງອອກສິນໃນນໍ້າບັນລຸປະມານ 10 ຕື້ USD.
ຫອມມາລາ
