| ປັບປຸງ ແລະ ພັດທະນາສາຍພົວພັນມິດຕະພາບ, ຄວາມສາມັກຄີແບບພິເສດລະຫວ່າງສອງແຂວງກວາງບິ່ງ (ຫວຽດນາມ) ແລະ ສະຫວັນນະເຂດ (ລາວ) | |
| ກອງປະຊຸມຮ່ວມມືພັດທະນາຂະແໜງອຸດສາຫະກໍາ ແລະ ການຄ້າ-ພະລັງງານ ແລະ ບໍ່ແຮ່ ຫວຽດນາມ-ລາວ 2022 |
 |
| ພະມະຫາອາຈານ ທິກຈີກວາງ ໃຫ້ການຕ້ອນຮັບປະທານສູນກາງພຸດທະສາສະໜາສຳພັນລາວ |
ໃນບັນຍາກາດທີ່ອົບອຸ່ນ, ພະມະຫາອາຈານ ບຸນມາ ສິມມາພົມ, ປະທານສູນກາງພຸດທະສາສະໜາສຳພັນ ລາວໄດ້ຢື້ຢາມຖາມຂ່າວ, ອວຍພອນສຸຂະພາບສາດສະດາພຸດທະສາສະໜາ ຫວຽດນາມ, ສະແດງຄວາມເຄົາລົບຕໍ່ການຕ້ອນຮັບຢ່າງມີກຽດເຊິ່ງພຸດທະສາສະໜາ ຫວຽດນາມ ແລະ ສາດສະດາສະຫງວນໃຫ້ແກ່ຄະນະ.
ພະມະຫາອາຈານ ບຸນມາ ສິມມາພົມ ຊີ້ແຈ້ງວ່າ ການຢ້ຽມຢາມຂອງອົງການພຸດທະສາສະໜາສຳພັນລາວ ແມ່ນການເຄື່ອນໄຫວພິເສດໃນປີສາມັກຄີມິດຕະພາບ ຫວຽດນາມ - ລາວ ກໍ່ຄືຂອງພຸດທະສາສະໜາສອງປະເທດ. ທ່ານຫວັງວ່າ ສາດສະດາ ທິກຈີກວາງ ໃນຖານະເປັນການນຳສູງສຸດກ່ຽວກັບພຸດທະສາສະໜາ ຫວຽດນາມ ຈະເອົາໃຈໃສ່ເປັນພິເສດເຖິງບັນດາການເຄື່ອນໄຫວເພື່ອແນໃສ່ພັດທະນາການພົວພັນອັນດີງາມ, ຍືນຍົງລະຫວ່າງອົງການພຸດທະສະສະໜາສອງປະເທດ, ໃນນັ້ນມີການສົ່ງພະສົງສຳມະເນນລາວ ມາຮຽນຢູ່ ຫວຽດນາມ, ປະກອບສ່ວນສ້າງນ້ຳໃຈສາມັກຄີ ຫວຽດນາມ - ລາວ ຍືນຍົງຄົງຕົວຊົ່ວກາລະນານ.
ສ່ວນທ່ານພະມະຫາອາຈານ ທິກຈີກວາງ, ສາດສະດາພຸດທະສາສະໜາ ຫວຽດນາມ ໄດ້ໃຫ້ການຕ້ອນຮັບ ທ່ານພະມະຫາອາຈານ ບຸນມາ ສິມມາພົມພ້ອມກັບຄະນະຜູ້ແທນສູນກາງພຸດທະສາສະໜາສຳພັນລາວ ໃນການຢ້ຽມຢາມ ແລະ ເຮັດວຽກຢູ່ ຫວຽດນາມ.
ພະມະຫາອາຈານໄດ້ຫວນຄືນປະຫວັດສາດແຫ່ງການພັດທະນາ, ຄວາມສະໜິດຕິດພັນແບບມິດຕະພາບລະຫວ່າງສອງປະເທດ, ພຸດທະສາສະໜາສອງປະເທດ.
ພະມະຫາອາຈານ ທິກຈີກວາງຢັ້ງຢືນວ່າ ພຸດທະສາສະໜາ ຫວຽດນາມ ຍາມໃດກໍ່ກຽມພ້ອມໃຫ້ການໜູນຊ່ວຍຢ່າງແທດຈິງແກ່ການພັດທະນາຂອງພຸດທະສາສະໜາລາວ, ກໍ່ຄືປະກອບສ່ວນເຂົ້າໃນການເພີ່ມພູນຄູນສ້າງການເຊື່ອມຕໍ່ທາງດ້ານພຸດທະສາສະໜາລະຫວ່າງສອງປະເທດ.
ບຸນຄົງ
