ວັນທີ 18 ທັນວາ 2022, ຢູ່ຮ່າໂນ້ຍ ໄດ້ດຳເນີນການແຂ່ງຂັນບານເຕະມິດຕະພາບໂດຍສະຖານທູດສະຫະລັດ ອາຣັບເອມີເຣດ (UAE) ປະຈຳຫວຽດນາມ ຈັດຕັ້ງ.
ທ່ານ Abdulla Alhameli - ອຸປະທູດ ສະຖານທູດ UAE ໃຫ້ຮູ້ວ່າ: ການແຂ່ງຂັນກິລາບານເຕະມິດຕະພາບບໍ່ພຽງແຕ່ມີຄວາມໝາຍເລິກເຊິ່ງມຸ່ງໄປເຖິງການສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ UAE ແລະ ຫວຽດນາມ (1993 – 2023) ແລະ ຕ້ອນຮັບບຸນປີໃໝ່ ປີ 2023, ຫາກຍັງແມ່ນໂອກາດພິເສດເພື່ອໃຫ້ບັນດາຄະນະໄດ້ມີໂອກາດແລກປ່ຽນ ແລະ ເຊື່ອມໂຍງເຂົ້າກັນ, ຍົກສູງການພົວພັນມິດຕະພາບທີ່ເປັນມູນເຊື້ອລະຫວ່າງບັນດາສະຖານທູດກວ່າອີກ.
ສະຖານທູດ UAE ປະຈຳຫວຽດນາມ ຈັດຕັ້ງການແຂ່ງຂັນບານເຕະມິດຕະພາບປີ 2022. ພາບ: thoidai.com.vn
ຕາມສະຖານທູດ UAE ແລ້ວ, ການພົວພັນມິດຕະພາບລະຫວ່າງ UAE ແລະ ຫວຽດນາມ ນັບມື້ນັບໄດ້ແຕກດອກອອກຜົນ, ການຮ່ວມມືສອງຝ່າຍລະຫວ່າງ ສອງປະເທດນັບມື້ນັບຮັບການປັບປຸງ ແລະ ພັດທະນາໃນໄລຍະກວ່າ 30 ປີຜ່ານມາ. ບັນດາການນຳຂອງ UAE ຍາມໃດກໍ່ສະໜັບສະໜູນການຮ່ວມມືຫຼາຍດ້ານກັບຫວຽດນາມ.
ຜ່ານ 3 ທົດສະວັດຜ່ານມາ, ການພົວພັນທີ່ດີງາມລະຫວ່າງຫວຽດນາມ - UAE ນັບມື້ນັບໄດ້ຮັບການພັດທະນາ ແລະ ຫຼາຍຮູບຫຼາຍແບບ. ສອງປະເທດໄດ້ ແລະ ພວມສືບຕໍ່ຮ່ວມມືຢ່າງມີປະສິດທິຜົນໃນຫຼາຍຂົງເຂດ ຄື: ການເມືອງ, ການທູດ, ການຄ້າ, ການລົງທຶນ, ການບິນ, ວັດທະນະທຳ...
ຂ້າງລຸ່ມນີ້ແມ່ນຮູບພາບຈາກການແຂ່ງຂັນບານເຕະມິດຕະພາບ ໂດຍສະຖານທູດສະຫະລັດ ອາຣັບເອມີເຣດ (UAE) ປະຈຳ ຫວຽດນາມ ຈັດຕັ້ງ:
ບູນມີ
