| ສະມັດຊາໃຫຍ່ ເວທີປາໄສການທ່ອງທ່ຽວລະຫວ່າງພາກພື້ນ ອາຊີຕາເວັນອອກ ຈະດຳເນີນຢູ່ແຂວງ ກວາງນິງ | |
| CRS/USA ໜູນຊ່ວຍເດັກ ແລະ ໄວໜຸ່ມພິການຢູ່ກວາງຈີ້ |
 |
| ພິທີມອບຮັບລະຫວ່າງສອງຝ່າຍ (ພາບ: sotttt.quangtri.gov.vn) |
ຫວ່າງມໍ່ໆມານີ້, ຢູ່ດ່ານຊາຍແດນສາກົນ ລາວບາວ (ເມືອງ ເຮືອງຮວາ) ໄດ້ດຳເນີນພິທີມອບຮັບວັດຖຸອຸປະກອນຮັບໃຊ້ກອງປະຊຸມທາງໄກຂອງແຂວງກ໋ວາງຈິງ ທີ່ມອບໃຫ້ແຂວງ ສະຫວັນນະເຂດ (ລາວ). ດ້ວຍຄວາມຫວັງຢາກໃຫ້ສອງປະເທດ ຫວຽດນາມ - ລາວ ເວົ້າລວມ ແລະ ແຂວງກວາງຈິ - ສະຫວັນນະເຂດ ເວົ້າສະເພາະ ສືບຕໍ່ເພີ່ມທະວີການຮ່ວມມື, ຮັດແໜ້ນຄວາມສາມັກຄີ, ໜູນຊ່ວຍເຊິ່ງກັນແລະກັນ.
ວັດຖຸອຸປະກອນທີ່ມອບໃນຄັ້ງນີ້ ລວມມີ ບັນດາວັດຖຸອຸປະກອນຮັບໃຊ້ກອງປະຊຸມທາງໄກຄື ໂທລະພາບ, ຄອມພິວເຕີ, ຕູ້ເຄື່ອງສຽງ, ຕູ້ອິນເຕີເນັດ… ໂດຍແຂວງກວາງຈິ ໜູນຊ່ວຍແຂວງ ສະຫວັນນະເຂດເພື່ອຕິດຕັ້ງລະບົບກອງປະຊຸມທາງໄກໃຫ້ແກ່ແຂວງສະຫວັນນາະເຂດ ຕາມເນື້ອໃນທີ່ໄດ້ແລກປ່ຽນ, ເຫັນດີຢູ່ທີ່ການໂອ້ລົມສົນທະນາຕີລາຄາກາງສະໄໝລະຫວ່າງຜູ້ແທນຂັ້ນສູງຂອງແຂວງ ສະຫວັນນາເຂດ ແລະ ກວາງຈິ ທີ່ໄດ້ຈັດຂຶ້ນໃນວັນທີ 26 ພະຈິກ 2021.
ທີ່ພິທີມອບຮັບ, ທ່ານຮອງຫົວໜ້າພະແນກຖະແຫຼງຂ່າວ ແລະ ການສື່ສານແຂວງ ກວາງຈິ ເຈິ່ນແທັງຮ່າ ຫວັງວ່າ ແຂວງສະຫວັນນະເຂດຈະເສີມຂະຫຍາຍລະບົບອຸປະກອນນີ້ຢ່າງມີປະສິດທິຜົນໃນການຈັດຕັ້ງບັນດາກອງປະຊຸມ, ເຮັດວຽກ, ໂອ້ລົມສົນທະນາລະຫວ່າງແຂວງສະຫວັນນະເຂດ (ລາວ) ກັບແຂວງ ກວາງຈິ. ພ້ອມທັງຫວັງວ່າສອງປະເທດຫວຽດນາມ - ລາວ ເວົ້າລວມ ແລະ ແຂວງກວາງຈິ - ສະຫວັນນະເຂດ ເວົ້າສະເພາະ ຈະສືບຕໍ່ເພີ່ມທະວີການຮ່ວມມື, ຮັດແໜ້ນນ້ຳໃຈສາມັກຄີ, ໜູນຊ່ວຍເຊິ່ງກັນແລະກັນ.
ສ່ວນທ່ານຮອງຫົວໜ້າພະແນກການຕ່າງປະເທດ ສີສະເກດ ໄຊຍະບຸດດີ ໄດ້ຕາງໜ້າໃຫ້ການນຳແຂວງສະຫວັນນະເຂດ ສະແດງຄວາມຂອບອົກຂອບໃຈຕໍ່ການນຳແຂວງ ກວາງຈິ. ພ້ອມທັງ ໃຫ້ຄຳໝັ້ນສັນຍາຈະນຳໃຊ້ບັນດາວັດຖຸອຸປະກອນທີ່ໄດ້ຮັບການໜູນຊ່ວຍໃນຄັ້ງນີ້ຢ່າງມີປະສິດຜົນ ແລະ ຖືກຕ້ອງຕາມເປົ້າໝາຍ. ທ່ານ ສີສະເກດ ໄຊຍະບຸດດີ ຫວັງວ່າ ແຂວງກວ໋າງຈິຈະສືບຕໍ່ເອົາໃຈໃສ່, ເພີ່ມທະວີການຮ່ວມມື, ພົບປະແລກປ່ຽນ ແລະ ໜູນຊ່ວຍແຂວງສະຫວັນນະເຂດ ໃນບັນດາຂົງເຂດ. ໂດຍໄດ້ຮູ້ວ່າ ກ່ອນວັນທີ 8 ກໍລະກົດ, ຢູ່ດ່ານຊາຍແດນລາໄລ (ເມືອງດັກກຣົງ), ພະແນກຖະແຫຼງຂ່າວ ແລະ ສື່ສານແຂວງ ກ໋ວາງຈິ ກໍ່ໄດ້ຈັດຕັ້ງພິທີມອບວັດຖຸອຸປະກອນຮັບໃຊ້ລະບົບກອງປະຊຸມທາງໄກຂອງແຂວາງກວາງຈິ ໜູນຊ່ວຍໃຫ້ແກ່ແຂວງສາລະວັນ (ລາວ). ນີ້ແມ່ນໜຶ່ງໃນບັນດາການເຄື່ອນໄຫວລະຫວ່າງສອງແຂວງກວາງຈິ (ຫວຽດນາມ) ແລະ ສະຫວັນນະເຂດ (ລາວ) ເຊິ່ງໄດ້ຈັດຕັ້ງໃນຂອບເຂດປີສາມັກຄີມິດຕະພາບ ຫວຽດນາມ - ລາວ, ລາວ ຫວຽດນາມ ປີ 2022, ສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ລາວ ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງ ຫວຽດນາມ - ລາວ.
ບຸນຄົງ
