| HFHI ໜູນຊ່ວຍກວ່າ 900 ລ້ານດົ່ງເພື່ອປັບປຸງເງື່ອນໄຂຊີວິດການເປັນຢູ່ ແລະ ສຸຂະພາບໃຫ້ຊາວເຫ້ວ | |
| ໜູນຊ່ວຍການລ້ຽງສັດໃຫ້ແກ່ຄອບຄົວຢູ່ເມືອງ ເທື່ອງຊວນ, ແຂວງ ແທງຮວ໋າ |
 |
| ບັນຍາກາດທີ່ການເຮັດວຽກ |
ກົມການຕ່າງປະເທດກວາງຈີ້ ໄດ້ສົມທົບກັບຄະນະກຳມະການປະຊາຊົນເມືອງວິ້ງລິງ ແລະ ອົງການ Catholic Relief Services (CRS/USA) ຊຸກຍູ້ແຜນການຮ່ວມມືກໍ່ສ້າງໂຄງການ “ເພີ່ມທະວີການເຊື່ອມຕົວເຂົ້າກັບສັງຄົມ, ການດູແລສຸຂະພາບ ແລະ ການສຶກສາໃຫ້ແກ່ເດັກ ແລະ ໄວໜຸ່ມພິການ ຜ່ານການສົມທົບການເຄື່ອນໄຫວລວມຂອງຂອງທ້ອງຖິ່ນ” (ຂຽນຫຍໍ້ວ່າ: “ນ້ອງປະກາຍແຈ້ງ) ໃນ 5 ປີ 2022-2027.
ກ່າວຄຳເຫັນທີ່ກອງປະຊຸມ, ທ່ານຫົວໜ້າພະແນກການຕ່າງປະເທດ ຫງວຽນຈ່ຽວເທືອງ ໄດ້ຕີລາຄາສູງບັນດາຄວາມມານະພະຍາຍາມ ແລະ ໝາກຜົນການຮ່ວມມືຂອງ CRS ໃນການຜັນຂະຫຍາຍບັນດາໂຄງການໃນຂົງເຂດຕ່າງໆ, ໃນນັ້ນມີຂະແໜງການໜູນຊ່ວຍຄົນພິການແຂວງ ກວາງຈິ ໃນໄລຍະຜ່ານມາ ແລະ ສະໜັບສະໜູນແຜນການຮ່ວມມືປະຕິບັດໂຄງການໜູນຊ່ວຍຄົນພິການໄລຍະໃໝ່ຢູ່ເມືອງວິງລິງ. ການສ້າງແຜນການຂະຫຍາຍໂຄງການຢູ່ບໍລິເວນໃໝ່, ມີໄລຍະການຈັດຕັ້ງປະຕິບັດ 5 ປີ ຮັບປະກັນລັກສະນະຍາວນານຂອງໂຄງການໃນໄລຍະຍາວ ແລະ ຍືນຍົງ. ພ້ອມກັນນັ້ນ, ກໍສະເໜີໃຫ້ອົງການ CRS ສົມທົບກັນຢ່າງແໜ້ນແຟ້ນກັບຄະນະກຳມະການປະຊາຊົນເມືອງວິງລິງ ໃນວິວັດຂະບວນການຕີລາຄາຄວາມຕ້ອງການ, ເກັບກຳຂໍ້ມູນຂ່າວສານ, ສ້າງໂຄງປະກອບໂຄງການ, ອອກແບບການເຄື່ອນໄຫວໂຄງການ. ເອົາໃຈໃສ່ນຳໃຊ້ບັນດາຕົວແບບ, ຂໍ້ລິເລີ່ມ, ບົດຮຽນທີ່ປະສົບຜົນສຳເລັດຂອງເມືອງ ຫາຍລັງ, ເສີມຂະຫຍາຍໃຫ້ມີປະສິດທິຜົນສູງທີ່ສຸດ ແລະ ຫຼຸດຜ່ອນຄວາມສ່ຽງໃນການຮ່ວມມືປະຕິບັດໂຄງການໃນຕໍ່ໜ້າ, ເປັນເອກະພາບການປະສານສົມທົບຂັ້ນພື້ນຖານ, ຕິດຕາມກວດກາ, ກວດກາ, ປະເມີນຜົນ, ແບ່ງປັນຂໍ້ມູນຂ່າວສານ ແລະ ການລາຍງານເປັນແຕ່ລະໄລຍະ.
CRS ແມ່ນອົງການ ບໍຂຶ້ນກັບລັດຖະບານຂອງອາເມລິກາ ທີ່ເຮັດວຽກກ່ຽວກັບການບັນເທົາທຸກ ແລະ ການພັດທະນາ ຕັ້ງແຕ່ປີ 1943 ໃນຫຼາຍກວ່າ 100 ປະເທດ. ນັບແຕ່ປີ 1992, CRS ໄດ້ສົມທົບກັບບັນດາອົງການຄູ່ຮ່ວມມືຫວຽດນາມ ປະຕິບັດບັນດາລາຍການ, ໂຄງການຮ່ວມມືໃນຂົງເຂດປ້ອງກັນ ແລະ ຫຼຸດຜ່ອນຄວາມສ່ຽງຈາກໄພພິບັດ, ຟື້ນຟູ ແລະ ໜູນຊ່ວຍຄົນພິການ. ປະຈຸບັນ, CRS ພວມສົມທົບກັນຜັນຂະຫຍາຍບັນດາໂຄງການໜູນຊ່ວຍຄົນພິການຢູ່ 04 ແຂວງຄື: ກວາງຈີ້, ກວາງນາມ, ບິ່ງດິ່ງ ແລະ ກອນຕູມ.
ນັບແຕ່ປີ 2000, CRS ໄດ້ຮ່ວມມືຜັນຂະຫຍາຍບັນດາການເຄື່ອນໄຫວຢູ່ແຂວງ ກວາງຈີ້ ໃນບັນດາຂົງເຂດຫຼຸດຜ່ອນຄວາມສ່ຽງຈາກໄພພິບັດ, ເກັບກູ້ລະເບີດ, ໜູນຊ່ວຍຄົນພິການ. ຄູ່ຮ່ວມງານທ້ອງຖິ່ນຂອງ CRS ແມ່ນພະແນກສຶກສາ ແລະ ບຳລຸງສ້າງ, ພະແນກແຮງງານ, ທະຫານເສຍອົງຄະ ແລະ ສັງຄົມ, ຄະນະຊາວໜຸ່ມແຂວງ ແລະ ຄະນະກຳມະການປະຊາຊົນບັນດາເມືອງທີ່ກ່ຽວຂ້ອງ.
ບຸນຄົງ
