 |
ພິທີປິດງານບຸນເຟດສະຕີວານເຫ້ວ 2018. (ພາບ: ເຢີນຈິ)
ຫຼັງ 6 ວັນ ທີ່ໄດ້ຈັດງານບຸນເຟດສະຕີວານ ຄັ້ງທີ 10 ປີ 2018 (27/4-02/5), ປະຊາຊົນ, ນັກທ່ອງທ່ຽວຕ່າງແຂວງ ແລະ ຕ່າງປະເທດ ຕ່າງມີຄວາມຕື່ນເຕັ້ນໃນບັນຍາກາດຂອງງານບຸນ. ໂດຍຫົວຂໍ້ "ມໍລະດົກວັດທະນະທຳເຊື່ອມໂຍງ ແລະ ພັດທະນາ, ເຫ້ວ - ແມ່ນໜື່ງສະຖານທີ່ໄປສູ່ 5 ມໍລະດົກອື່ນ", ໃນງານໄດ້ໂຮມບັນດາລາຍການສິນລະປະລາກສີສັນ, ເຕັມໄປດ້ວຍເຄື່ອງໝາມຂອງວັດຖະນະທຳອັນເດັ່ນຂອງ ຫວຽດນາມ ແລະ ຂອງໂລກ.
ມີນັກສິນລະປະ,ນັກສະແດງມືອາຊີບ ເກືອບ 1.400ຄົນເຂົ້າຮ່ວມ, (ໃນນັ້ນ ມີນັກສິນລະປະ 388ຄົນ ຈາກ 24 ຄະນະສິນລະປະຕ່າງເທດ, ມີ ນັກສະແດງ, ນັກສິນລະປະ, ນັກຮ້ອງພາຍໃນເກືອບ 1.000ຄົນ) ແລະ ນັກສິນລະປະຫຼາຍພັນຄົນ, ນັກສະແດງມະຊົນເຂົ້າຮ່ວມ ໃນ 38 ລາຍການສິນລະປະອັນເດັ່ນ(ຈາກ 80 ລາຍການສະແດງ) ແລະ ມີເກືອບ 50 ການສະແດງສິນລະປະຂອງມວນຊົນ ເຮັດໃຫ້ງານບຸນທີ່ເຕັມໄປດ້ວຍສີສັນ . ທຸກໆຢ່າງໃນງານບຸນໄດ້ເຮັດໃຫ້ງານມີຄວາມອຸດົມສົມບູນ, ຫຼາກຫຼາຍ, ມີຄວາມດູດດື່ມສູງຈາກລາຍການສິນລະປະ, ສ້າງມຸມມອງຂອງງານບຸນລະດັບຊາດຂື້ນສູ່ສາກົນ ເຮັດໃຫ້ການແລກປ່ຽນສິນລະປະເພີ່ມຂື້ນ.
ງານບຸນເຟດສະຕີວານເຫ້ວ 2018 ດຶງດູດຄົນເຂົ້າຮ່ວມເກືອບ 1,2 ລ້ານຄົນ ແລະ ອີງຕາມສະຖິຕິຂອງພະແນກທ່ອງທ່ຽວຂອງແຂວງເທື່ອທຽນເຫ້ວ ນັກທ່ອງທ່ຽວຕົວຈິງແມ່ນປະມານ 400.000ຄົນ.
ງານບຸນເຟດສະຕີວານເຫ້ວ 2018 ໄດ້ປິດລົງດ້ວຍບັນຍາກາດການແລກປ່ຽນສິນລະປະ ແລະ ຄວາມສາມັກຄີຂອງມວນມະຫາຊົນ, ພ້ອມກັນກ້າວເດີນໄປສູ່ເປົ້າໝາຍສັນຕິພາບ, ສະຖຽນລະພາບ ແລະ ພັດທະນາແບບຍືນຍົງ, ຍາວນານ.
（ຫັດທະບູນ）
