 |
ຄະນະຜູ້ແທນຖະຫວາຍດອກໄມ້ຢູ່ອະນຸສອນສະຖານປະທານ ໂຮ່ຈີມິນ ຢູ່ປະເທດໄທ.(ພາບ: baocaobang.vn)
ເຂົ້າຮ່ວມການເດີ່ນທາງມີ 80 ຄົນທີ່ເປັນຄອບຄົວນະໂຍບາຍ, ຜູ້ທີ່ມີຄຸນງາມຄວາມດີ, ທະຫານເສຍອົງຄະ ແລະ ທະຫານອາສາສະໝັກ ທີ່ເຄີຍດຳລົງຊີວິດ ແລະ ຕໍ່ສູ້ ຢູ່ລາວ. ຄະນະຜູ້ແທນໄປນະຄອນປາກຊັນ, ແຂວງ ບໍລິຄໍາໄຊ ຕາມເສັ້ນທາງຫລວງເລກທີ 13 ຫານະຄອນຫລວງວຽງຈັນ. ຄະນະຜູ້ແທນໄດ້ໄປຢ້ຽມຢາມ ແລະ ຖະຫວາຍທູບທຽນຢູ່ອະນຸສອນສະຖານອະດີດເລຂາທິການໃຫຍ່, ປະທານປະເທດແຫ່ງສາທາລະນະລັດປະຊາທິປະໄຕປະຊາຊົນລາວ.
ໃນມື້ທີ 3 ຢູ່ລາວ, ຄະນະຜູ້ແທນໄດ້ໄປຢ້ຽມຢາມສະຖານທູດສາທາລະນະລັດສັງຄົມນິຍົມຫວຽດນາມ ປະຈຳ ລາວ, ຢ້ຽມຢາມ ທາດຫຼວງ, ປະຕູໄຊ, ສັນຍາລັກວັດທະນະທຳຂອງລາວ. ນະຄອນຫຼວງວຽງຈັນຕັ້ງຢູ່ຕິດກັບແມ່ນໍ້າຂອງ, ແມ່ນໍ້າແມ່ນເຂດແດນຂອງລາວແລະໄທ.
ເດີນທາງອອກຈາກນະຄອນຫຼວງວຽງຈັນ, ຄະນະຜູ້ແທນໄດ້ຂ້າມແມ່ນໍ້າຂອງຜ່ານດ່ານຊາຍແດນ ນ້ອງຄາຍ - ຂົວມິດຕະພາບເພື່ອເຂົ້າປະເທດໄທ. ຢູ່ອຸດອນທະນີ, ຄະນະຜູ້ແທນ ແລະ ຊາວຫວຽດນາມອາໄສຢູ່ຕ່າງປະເທດຢູ່ໄທໄດ້ມາວາງພວງມາລາທີ່ອະນຸສອນສະຖານປະທານ ໂຮ່ຈີມິນ - ບ່ອນທີ່ລຸງໂຮໄດ້ມີການເຄື່ອນໄຫວປະຕິວັດຢູ່ທີ່ນັ້ນແຕ່ເດືອນ 7/1928 – 11/1929.
ຈາກ ອຸດອນທະນີ, ຄະນະຜູ້ແທນໄດ້ເດີນທາງ ຫຼາຍກ່ວາ 600 ກິໂລແມັດ ເພື່ອໄປຫາ ກຸງເທບ. ມາຮອດກຸງເທບ, ຄະນະຜູ້ແທນໄດ້ຢຸດພັກເປັນເວລາສອງວັນເພື່ອຢ້ຽມຢາມ ນະຄອນຫຼວງ - ສູນກາງທ່ອງທ່ຽວອາຊີຕາເວັນອອກສ່ຽງໃຕ້ດ້ວຍຈຸດທີ່ຕັ້ງເຊັ່ນ: ພະລາດຊະວັງຂອງກະສັດແຫ່ງຣາຊະອານາຈັກໄທ, ຢ້ຽມຢາມວັດຄໍາ ແລະ ພະພຸດທະຮູບ.
 |
ຄະນະຜູ້ແທນມາຢ້ຽມຢາມອະນຸສອນສະຖານປະທານ ໂຮ່ຈີມິນ ຢູ່ປະເທດໄທ.(ພາບ: baocaobang.vn)
ຈາກກຸງເທບ, ຄະນະຜູ້ແທນໄປທີ່ສະຖານທີ່ທ່ອງທ່ຽວທີ່ມີຊື່ສຽງ Pattaya ໃນທິດຕາເວັນອອກ - ຊາຍຝັ່ງທະເລ. ນະຄອນທ່ອງທ່ຽວ Pattaya ໃນເວລາກາງຄືນທີ່ມີຄວາມຫລົງໄຫລ ແລະ ມີຊີວິດຊີວາຄືກັບງານບຸນ, ແຕກຕ່າງຈາກຄວາມງຽບຂອງຕອນກາງເວັນ.
ເດີນທາງຈາກ Pattaya, ຄະນະຜູ້ແທນໄດ້ມຸ່ງໜ້າໄປທາງທິດຕາເວັນອອກສ່ຽງເໜືອ ເຂົ້າສູ່ດ່ານຊາຍແດນ Mukdahan ເພື່ອເຂົ້າ ແຂວງສະຫວັນນະເຂດ ປະເທດລາວ. ໃນທາງກັບມາ, ຄະນະຜູ້ແທນໄປຢ້ຽມຢາມສະຖານກົງສຸນໃຫຍ່ຫວຽດນາມທີ່ນະຄອນ ໄກສອນ ພົມວິຫານ, ແຂວງສະຫວັນນະເຂດ. ມື້ຕໍ່ມາ, ຕາມເສັ້ນທາງຫຼວງເລກ 9 ຜ່ານດ່ານຊາຍແດນລາວບາວ, ຄະນະຜູ້ແທນໄດ້ກັບຄືນມາແຂວງກວາງຈິ.
ການເດີນທາງໄປ ລາວ ແລະ ໄທ ໃນ 8 ວັນ 8 ຄືນ ໄດ້ສິ້ນສຸດລົງຢ່າງປອດໄພ ແລະ ມີປະສົບການຫຼາຍຢ່າງ, ມັນແມ່ນໂອກາດທີ່ສະມາຊິກແຕ່ລະຄົນໄດ້ຮຽນຮູ້ກ່ຽວກັບປະເທດດອກໄມ້ຈໍາປາທີ່ສວຍງາມ, ຮຽນຮູ້ເພີ່ມເຕີມກ່ຽວກັບນໍ້າໃຈມິດຕະພາບແບບພິເສດ ລະຫວ່າງ ສອງປະເທດອ້າຍນ້ອງ ຫວຽດນາມ - ລາວ.
（ໄຊພອນ）
