| WB ຄາດວ່ານັບແຕ່ປີ 2022, ເສດຖະກິດຫວຽດນາມຈະຟື້ນຟູກັບຄືນລະດັບ 6,5 – 7% | |
| ເສດຖະກິດຫວຽດນາມຈະຟື້ນຕົວຄືນໃໝ່ໂດຍໄວພາຍຫຼັງສິ້ນສຸດໂລກລະບາດໂຄວິດ - 19 |
 |
| ພາບປະກອບ |
ເປົ້າໝາຍຂອງກອງປະຊຸມຄັ້ງນີ້ແມ່ນເພື່ອກະກຽມໃຫ້ແກ່ວຽກງານຈັດຕັ້ງກອງປະຊຸມຄັ້ງທີ 45 ຂອງຄະນະກຳມະການລະຫວ່າງລັດຖະບານ ລາວ - ຫວຽດນາມ. ໃນຂອບເຂດຂອງກອງປະຊຸມ, ຜູ້ແທນບັນດາວິສາຫະກິດ ຫວຽດນາມ ປະຈຳ ລາວ ກໍ່ຈະລາຍງານບັນດາຄວາມຫຍຸ້ງຍາກ, ຂໍ້ຕິດຂັດທີ່ຍັງຄົງຄ້າງ ໃນການເຄື່ອນໄຫວດຳເນີນທຸລະກິດການລົງທຶນຂອງວິສາຫະກິດຫວຽດນາມ ຢູ່ລາວ. ຜ່ານນັ້ນ ຈະຊອກຫາບັນດາວິທີການແກ້ໄຂ, ພ້ອມທັງສ້າງກຳລັງໜູນເພື່ອດຶງດູດການລົງທຶນຂອງວິສາຫະກິດຫວຽດນາມ ຢູ່ລາວ ຫຼາຍກ່ວາອີກ.
ກອງປະຊຸມຄັ້ງນີ້ ຈະຊ່ວຍເພີ່ມທະວີການຕິດພັນ ລະຫວ່າງບັນດາວິສາຫະກິດຫວຽດນາມ ໃນປະເທດລາວ, ສ້າງເຄືອຂ່າຍຂໍ້ມູນເພື່ອແນໃສ່ແບ່ງປັນບົດຮຽນປະສົບການ, ຊ່ວຍເຫຼືອເຊິ່ງກັນແລະກັນ ຜ່ານຜ່າທຸກຄວາມຫຍຸ້ງຍາກໃນບັນດາຂົງເຂດດຳເນີນທຸລະກິດ, ໜູນຊ່ວຍເຊິ່ງກັນແລະກັນເພື່ອພັດທະນາ ເພື່ອໃຫ້ມີການປະກອບສ່ວນເຂົ້າໃນການພັດທະນາເສດຖະກິດຂອງສອງປະເທດຫຼາຍກ່ວາອີກ.
ກອ່ນໜ້ານັ້ນ, ໃນຂອບເຂດການຢ້ຽມຢາມລາວຢ່າງເປັນທາງການ, ຕ່ອນບ່າຍວັນທີ 15 ພຶດສະພາ, ທ່ານປະທານສະພາແຫ່ງຊາດ ເວືອງດິ່ງເຫ້ວ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໄດ້ພົບປະກັບວິສາຫະກິດຫວຽດນາມ ປະຈຳລາວ. ທ່ານປະທານສະພາແຫ່ງຊາດ ເວືອງດິ່ງເຫ້ວ ເນັ້ນໜັ້ກວ່າ ໃນໄລຍະຈະມາເຖິງຕ້ອງຊຸກຍູ້ການພົວພັນດ້ານເສດຖະກິດ ການຄ້າ, ການລົງທຶນໃຫ້ສົມກັບການພົວພັນດ້ານການເມືອງ, ການທູດສອງປະເທດ, ການພົວພັນແບບຢ່າງ, ສັດຊື່ບໍລິສຸດທີ່ຫາຍາກ, ຄືອ້າຍນ້ອງໃນຄອບຄົວດຽວກັນ.
ປັດຈຸບັນ ຫວຽດນາມ ຢືນຢູ່ອັນດັບທີ 3 ໃນຈຳນວນບັນດາປະເທດ ແລະ ເຂດແຄ້ວນມາລົງທຶນຢູ່ລາວ ດ້ວຍຍອດເງິນລົງທຶນໃຫ້ຄຳໝັ້ນສັນຍາແມ່ນ ຫຼາຍກ່ວາ 5 ຕື້ USD. ໃນຊຸມປີຜ່ານມາ, ປະຊາຄົມວິສາຫະກິດຫວຽດນາມ ປະຈຳ ລາວ ໄດ້ມີການປະກອບສ່ວນຫຼາຍຢ່າງເຂົ້າໃນບັນດາການເຄື່ອນໄຫວໜູນຊ່ວຍສັງຄົມຂອງລາວ, ສ້າງຫຼາຍພື້ນຖານໂຄງລ່າງ, ວຽກເຮັດງານທຳໃຫ້ແກ່ຜູ້ອອກແຮງງານລາວນັບພັນຄົນ, ໄດ້ຮັບການຕີລາຄາສູງຈາກລັດຖະບານ ແລະ ປະຊາຊົນລາວ.
ບຸນຄົງ
