| ບັນດາວິສາຫະກິດມີຄວາມເຊື່ອໝັ້ນຕໍ່ຕະຫຼາດລົງທຶນຫວຽດນາມ | |
| WB: ເສດຖະກິດ ຫວຽດນາມ ຈະຟື້ນຟູພາຍຫຼັງຍົກເລີກຄຳສັ່ງ ລ໋ອກດາວ |
 |
| ພາບປະກອບ: TTXVN |
ໃນບົດລາຍງານທີ່ໄດ້ອັບເດດກ່ຽວກັບສະພາບການເສດຖະກິດອາຊີຕາເວັນອອກແລະປາຊີຟິກໃນລະດູໃບໄມ້ຫຼົ່ນປີ 2021 ປະກາດໃນວັນທີ 28 ກັນຍາ, WB ໄດ້ໃຫ້ຂໍ້ສັງເກດວ່າຍອດຜະລິດຕະພັນພາຍໃນປະເທດຂອງຫວຽດນາມອາດຈະບັນລຸໄດ້ປະມານ 4,8% ໃນປີ 2021 ແລະຟື້ນຟູກ່ຽວກັບອັດຕາເຕີບໂຕແຕ່ 6,5 – 7% ໃນປີ 2022.
ການຄິດໄລ່ຂອງ WB ໄດ້ຍົກອອກມາໂດຍອີງໃສ່ການສົມມຸດຖານບັນດາມາດຕະການແຍກຫ່າງໃນສັງຄົມຈະຊ່ວຍການຄວບຄຸມການແຜ່ລະບາດຂອງໂລກລະບາດໂຄວິດ - 19 ປະສົບຜົນສຳເລັດໃນທ້າຍໄຕມາດ III, ເພື່ອພື້ນຖານເສດຖະກິດຟື້ນຟູໃນໄຕມາດທີ IV ໃນປີ 2021. ຕາມ WB, ການຟື້ນຟູເສດຖະກິດທົ່ວໂລກໄດ້ຮັບການຮັກສາຈະຮັບປະກັນຄວາມຕ້ອງການຢ່າງແຮງຕໍ່ສິນຄ້າການສົ່ງອອກຂອງຫວຽດນາມຢູ່ບັນດາຕະຫຼາດຫຼັກແຫຼ່ງຄື: ອາເມລິກາ, ສະຫະພາບເອີລົບ (EU) ແລະຈີນ.
ວິວັດການຟື້ນຟູກໍ່ຈະໄດ້ຮັບການໜູນຊ່ວຍດ້ວຍຍຸດທະສາດສັກວັກຊິນໃນວົງກ້ວາງຊ່ວຍ 70%ປະຊາກອນທີ່ມີອາຍຸແຕ່ 18 ປີຂຶ້ນໄປໄດ້ຮັບການສັກວັກຊິນໃນກາງປີ 2022, ຊ່ວຍສະກັດກັ້ນໂລກລະບາດຮອບໃໝ່ທີ່ຮ້າຍແຮງກ່ວາ.
ກ່ອນໜ້ານັ້ນ, ໃນບົດລາຍການອັບເດດເສດຖະກິດມະຫາພາກເດືອນກັນຍາ, WB ໃຫ້ຂໍ້ສັງເກດວ່າເງິນລົງທຶນໂດຍກົງຈາກຕ່າງປະເທດ (FDI) ຢູ່ຫວຽດນາມສະແດງໃຫ້ເຫັນຄວາມໄວ້ເນື້ອເຊື່ອໃຈຕໍ່ພື້ນຖານເສດຖະກິດຍັງຄົງໄດ້ຮັບການຮັກສາ. ນັກລົງທຶນ FDI ຍັງເຊື່ອໝັ້ນຕໍ່ແງ່ຫວັງຂອງພື້ນຖານເສດຖະກິດຫວຽດນາມ.
ຕາມນັກຊ່ຽວຊານຂອງ WB ແລ້ວ, ເຫດຜົນພື້ນຖານເສດຖະກິດຫວຽດນາມຍັງນອນໃນບັນດາປະເທດທີ່ມີການເຕີບໂຕເປັນຢ່າງດີ (ປີ 2020 ແມ່ນ 2,9%) ເມື່ອສ່ວນຫຼາຍບັນດາປະເທດຕ່າງໆ ເສດຖະກິດຫຼຸດລົງຢ່າງແຮງ. ນັ້ນແມ່ນສັນຍານຂອງກາລະໂອກາດໃນການຟື້ນຟູ, ເຊິ່ງສະແດງໃຫ້ເຫັນຮາກຖານໝັ້ນແກ່ນຂອງພື້ນຖານເສດຖະກິດຫວຽດນາມ.
ບຸນຄົງ
