 |
| ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ພົບປະກັບທ່ານນາຍົກລັດຖະມົນຕີ ອົດສະຕາລີ Anthony Albanese(ພາບ: VOV) |
ໃນຂອບເຂດການຢ້ຽມຢາມ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວະ ໄດ້ມີການພົບປະສອງຝ່າຍກັບການນຳສູງສຸດຂອງອົງການນິຕິບັນຍັດຂອງສອງປະເທດ; ພົບປະກັບທ່ານນາຍົກລັດຖະມົນຕີ… ນອກຈາກນັ້ນແລ້ວ, ກໍຍັງພົບປະກັບການນຳບາງກຸ່ມບໍລິສັດ, ວິສາຫະກິດຂອງສອງປະເທດ; ເຂົ້າຮ່ວມເວທີປາໄສຮ່ວມມືທາງດ້ານການສຶກສາ, ເວທີປາໄສເສດຖະກິດຢູ່ ອົດສະຕາລີ ແລະ ນິວຊີແລນ; ຢ້ຽມຢາມພະນັກງານຢູ່ສະຖານທູດ ຫວຽດນາມ ແລະ ພົບປະປະຊາຄົມຊາວ ຫວຽດນາມ ທີ່ອາໄສຢູ່ສອງປະເທດດັ່ງກ່າວ.
ການຢ້ຽມຢາມສອງປະເທດຢ່າງເປັນທາງການໃນຄັ້ງນີ້ ບັນລຸໄດ້ຫຼາຍຜົນງານແທດຈິງ, ຮອບດ້ານໃນທຸກຊ່ອງທາງ; ບໍ່ພຽງແຕ່ຢູ່ຂົງເຂດຮ່ວມມືສອງຝ່າຍ ເທົ່ານັ້ນ, ຫາກຍັງໃນຂອບເຂດພາກພື້ນ ອາຊີຕາເວັນອອກສ່ຽງໃຕ້ ແລະ ຂະຫຍາຍອອກສູ່ພາກພື້ນມະຫາສະໝຸດອິນເດຍ, ທະວີບອາຊີ - ປາຊີຟິກ.
ໃນເວລາຕອບສຳພາດຕໍ່ນັກຂ່າວ, ທ່ານກຳມະການສູນກາງຄະນະບໍລິຫານງານສູນກາງພັກ, ເລຂາທິການໃຫຍ່ສະພາແຫ່ງຊາດ, ຫົວໜ້າຫ້ອງການສະພາແຫ່ງຊາດ ບຸ່ຍວັນເກື່ອງ ຖືວ່າ: ໝາກຜົນອັນໃຫຍ່ຫຼວງ ແລະ ຄວາມປະທັບໃຈທີ່ສຸດຂອງການຢ້ຽມຢາມແມ່ນການເພີ່ມທະວີຄວາມໄວ້ເນື້ອເຊື່ອໃຈໃນຍຸດທະສາດ. ລະດັບສູງສຸດ. ນີ້ແມ່ນກຳລັງໜູນສຳຄັນເພື່ອຍົກສູງການພົວພັນລະຫວ່າງ ຫວຽດນາມ ກັບ ອົດສະຕາລີ ແລະ ນິວຊີແລນ ໃນໄລຍະຈະມາເຖິງ.
ຕາມທ່ານ ບຸ່ຍວັນເກື່ອງແລ້ວ, ບັນດາການນຳຂອງພວກເຮົາລ້ວນແຕ່ປາດຖະໜາ ແລະ ຢືນຢັນການສະໜັບສະໜູນຍົກລະດັບການພົວພັນກັບ ຫວຽດນາມ ໃນໄລຍະຈະມາເຖິງ, ເພາະວ່າ ຫວຽດນາມ ແລະ ອົດສະຕາລີ ແລະ ນິວຊີແລນ ບໍ່ພຽງແຕ່ແບ່ງປັນຜົນປະໂຫຍດຍຸດທະສາດຫຼາຍຢ່າງເທົ່ານັ້ນ, ຫາກຍັງມີວິໄສທັດລວມກ່ຽວກັບສັນຕິພາບ, ສະຖຽນລະພາບ, ການຮ່ວມມືເພື່ອການພັດທະນາເຊິ່ງກັນແລະກັນ, ລັດທິຫຼາຍຝ່າຍ, ເສລີການຄ້າທົ່ວໂລກ, ການພັດທະນາແບບຍືນຍົງ, ແລະຄວາມຮັບຜິດຊອບຕໍ່ປະຊາຄົມສາກົນ...
ດ້ວຍຄວາມໄວ້ເນື້ອເຊື່ອໃຈດ້ານຍຸດທະສາດດັ່ງກ່າວ, ທ່ານເຊື່ອໝັ້ນວ່າ ບໍ່ມີຫຍັງສາມາດກີດຂວາງການຮ່ວມມືລະຫວ່າງ ຫວຽດນາມ - ອົດສະຕາລີ - ຫວຽດນາມ - ນິວຊີແລນ ພັດທະນາຢ່າງແຂງແຮງກວ່າອີກໃນໄລຍະ 50 ປີຕໍ່ໜ້າ.
ວີໂອວີ
