| ການເຄື່ອນໄຫວຕ້ອນຮັບບຸນປີໃຫມ່ປະຈຳຊາດ ກຳປູເຈຍ, ລາວ, ມຽນມາ, ໄທ ຢູ່ ນະຄອນໂຮ່ຈີມິນ | |
| ສະມາຄົມມິດຕະພາບຫວຽດນາມ - ກຳປູເຈຍ ນະຄອນໂຮ່ຈີມິນ ແລະ ສະມາຄົມຂະແມ - ຫວຽດນາມ ໄດ້ມອບຂອງຂວັນບຸນເຕັດ ໃຫ້ປະຊາຊົນເຊື້ອຊາດຫວຽດນາມ |
ໃນໄລຍະທີ່ຜ່ານມາ, ສະມາຄົມມິດຕະພາບ ຫວຽດນາມ-ກຳປູເຈຍ ນະຄອນໂຮ່ຈີມິນ ໄດ້ສົມທົບກັນຈັດຕັ້ງຫຼາຍການເຄື່ອນໄຫວສະເຫຼີມສະຫຼອງວັນບຸນໃຫຍ່ໃນການພົວພັນລະຫວ່າງຫວຽດນາມ ແລະກຳປູເຈຍ ປະສົບຜົນສໍາເລັດ; ຜັນຂະຫຍາຍບັນດາໂຄງການພົບປະແລກປ່ຽນ, ມອບທຶນການສຶກສາໃຫ້ບັນດານັກສຶກສາກຳປູເຈຍ ທີ່ພວມຮ່ຳຮຽນຢູ່ນະຄອນ ຢ່າງມີປະສິດທິຜົນ; ກວດພະຍາດ ແລະແຈກຢາຍຢາໂດຍບໍ່ເສຍຄ່າໃຫ້ຄົນເຈັບທຸກຍາກເກືອບ 1.000 ຄົນຢູ່ກຳປູເຈຍ...
 |
| ບັນດາຜູ້ແທນຖ່າຍຮູບເປັນທີ່ລະນຶກ ກັບນັກສຶກສາກຳປູເຈຍ ທີ່ພວມຮ່ຳຮຽນຢູ່ນະຄອນໂຮ່ຈີມິນ. ພາບ: ຊວນຢຸຍ |
ທີ່ການພົບປະສັງສັນ, ທ່ານ Sok Dareth, ຫົວໜ້າສະຖານກົງສູນໃຫຍ່ກຳປູເຈຍ ປະຈຳນະຄອນໂຮ່ຈີມິນ ຢືນຢັນວ່າ: ປະຫວັດສາດແຫ່ງການຕໍ່ສູ້ເພື່ອຍາດເອົາເອກະລາດ, ອະທິປະໄຕ ແລະຜືນແຜ່ນດິນອັນຄົບຖ້ວນຂອງກຳປູເຈຍ ຍາມໃດກໍ່ຕິດພັນກັບຄວາມສາມັກຄີອັນແໜ້ນແຟ້ນລະຫວ່າງ ກຳປູເຈຍ ແລະຫວຽດນາມ, ຄວາມສາມັກຄີ ແລະການຊ່ວຍເຫຼືອເຊິ່ງກັນ ແລະກັນໃນເວລາທີ່ຫຍຸ້ງຍາກ, ການເສຍສະຫຼະ, ຄວາມສະໜິດຕິດພັນຄຽງບ່າຄຽງໄຫຼ່ລະຫວ່າງປະຊາຊົນສອງປະເທດ; ພ້ອມທັງໃຫ້ຄຳໝັ້ນສັນຍາ ຈະສືບຕໍ່ມານະພະຍາຍາມ, ຊຸກຍູ້, ເພີ່ມພູນຄູນສ້າງນໍ້າໃຈມິດຕະພາບ, ຄວາມສາມັກຄີ, ຍູ້ແຮງ ແລະຍົກສູງການພົວພັນຮ່ວມມືອັນດີງາມ ແລະຮອບດ້ານລະຫວ່າງກຳປູເຈຍ ແລະຫວຽດນາມ.
ກອງທັບ
