ການປະຕິວັດເດືອນສິງຫາປີ 1945 ປະສົບຜົນສຳເລັດ, ປະເທດສາທາລະນະລັດປະຊາທິປະໄຕຫວຽດນາມ ໄດ້ກຳເນີດເກີດຂຶ້ນ, ພື້ນຖານການທູດທັນສະໄໝຂອງຫວຽດນາມ ຄ່ອຍໆໄດ້ຮັບການສ້າງຕັ້ງຂຶ້ນຢ່າງສົມບູນ, ໃນນັ້ນມີ 3 ພາກສ່ວນແມ່ນ: ວຽກງານພົວພັນຕ່າງປະເທດຂອງພັກ, ການທູດແຫ່ງລັດ ແລະ ວຽກງານການທູດປະຊາຊົນ.
ລຸງໂຮ່ ອ່ານຖະແຫຼງການປະກາດເອກະລາດຢູ່ສະໜາມຫຼວງ ບາດິ່ງ ວັນທີ 2 ກັນຍາ 1945. ພາບເອກະສານ
ໃນໄລຍະປີ 1945-1954, ການທູດຫວຽດນາມ ໄດ້ຮັບໃຊ້ 2 ໜ້າທີ່ຕໍ່ຕ້ານ ແລະ ສ້າງສາປະເທດຊາດ. ການປະຕິວັດຫວຽດນາມມີຄຸນລັກສະນະຂອງປະຊາຊົນ. ສົງຄາມປະຕິວັດຫວຽດນາມ ແມ່ນສົງຄາມປະຊາຊົນ, ໂດຍອີງໃສ່ກຳລັງແຮງຄວາມສາມັກຄີຂອງທົ່ວປວງຊົນ ແລະ ເປີດກວ້າງການພົວພັນກັບປະຊາຊົນໃນໂລກ.
ເພື່ອປະຕິບັດໜ້າທີ່ດັ່ງກ່າວ, ປະທານໂຮ່ຈີມິນ ແລະ ລັດຖະບານໄດ້ຍູ້ແຮງບັນດາການເຄື່ອນໄຫວທາງການທູດ, ໃນນັ້ນ ມີການທູດປະຊາຊົນ, ດ້ວຍບັນດາຍຸດທະວິທີຕໍ່ແຕ່ລະຈຸເປົ້າຕາມທິດນຳ “ນຳສິ່ງທີ່ບໍ່ມີການປ່ຽນແປງ ຮັບມືກັບສິ່ງທີ່ມີການປ່ຽນແປງເລື້ອຍໆ.
ການທູດປະຊາຊົນແມ່ນກຳລັງທີ່ສຳຄັນ ແລະ ເຫຼົ່າຮົບສໍາຄັນຂອງແນວໂຮມການທູດ. ຜ່ານແຕ່ລະໄລຍະແຫ່ງການຕໍ່ສູ້, ການທູດປະຊາຊົນໄດ້ນຳມາເຊິ່ງບັນດາເນື້ອໃນ ແລະ ຮູບການທີ່ມີລັກສະນະເພາະ. ໄລຍະແຫ່ງການປົກປັກຮັກສາ ແລະ ປັບປຸງອໍານາດການປົກຄອງການປະຕິວັດແຕ່ປີ 1945 – 1946, ໄດ້ສະແດງອອກຕົ້ນຕໍຜ່ານເລື່ອງມະຫາຊົນ ປະຊາຊົນ “ສັນລະເສີນກໍາລັງແຮງ” ທີ່ສະໜັບສະໜູນອໍານາດການປົກຄອງການປະຕິວັດ.
ປະຊາຊົນຝະລັ່ງ ໄດ້ປະທ້ວງສະໜັບສະໜູນການຕໍ່ຕ້ານຂອງປະຊາຊົນຫວຽດນາມ. ພາບເອກະສານ
ພິເສດ, ໃນໄລຍະນີ້, ການທູດປະຊາຊົນ ໄດ້ເສີມຂະຫຍາຍບົດບາດໃນການຍາດແຍ່ງເອົາຄວາມເປັນອັນໜື່ງອັນດຽວກັນໃນການສະໜັບສະໜູນຂອງປະຊາຊົນໃນໂລກຕໍ່ກັບການຕໍ່ສູ້ຕ້ານຈັກກະພັດລ່າເມືອງຂຶ້ນຝະລັ່ງ. ການເຄື່ອນໄຫວທາງການທູດຂອງບັນດາອົງການຈັດຕັ້ງມະຫາຊົນໄດ້ຮັບການຊຸກຍູ້, ຄະນະຜູ້ແທນປະຊາຊົນຄັ້ງທຳອິດທີ່ໄປຍາດແຍ່ງສາກົນແມ່ນຄະນະໄປເຂົ້າຮ່ວມກອງປະຊຸມລະຫວ່າງພາກພື້ນອາຊີ (ນິວເດລີ, ອິນເດຍ, ເດືອນ ເມສາ1947). ຫຼັງຈາກນັ້ນ, ຄະນະຜູ້ແທນຫວຽດນາມ ໄດ້ເຂົ້າຮ່ວມການເຄື່ອນໄຫວທາງການທູດສາກົນຫຼາຍຢ່າງ, ເຂົ້າຮ່ວມກອງປະຊຸມສາກົນຄື: ກອງປະຊຸມສະຫະພັນກຳມະບານໂລກ ຢູ່ Milan (ອີຕາລີ), ກອງປະຊຸມໃຫຍ່ຊາວໜຸ່ມ ແລະ ນັກສຶກສາ ໂລກ ຢູ່ Budapest. (ຮຸງກາຣີ, ປີ 1949),... ໃນທ້າຍປີ 1950, ເມື່ອສະພາສັນຕິພາບໂລກໄດ້ຮັບການສ້າງຕັ້ງຂຶ້ນຢ່າງເປັນທາງການ, ຫວຽດນາມ ແມ່ນຫນຶ່ງໃນສະມາຊິກກໍ່ຕັ້ງຂອງສະພາ.
ປີ 1950, ຈີນ, ສະຫະພາບໂຊວຽດ, ບັນດາປະເທດ ປະຊາທິປະໄຕປະຊາຊົນເອີລົບຕາເວັນອອກ, ມົງໂກລີ ແລະ ສປປ ເກົາຫຼີ ໄດ້ຮັບຮູ້ ແລະ ສ້າງຕັ້ງການພົວພັນທາງການທູດກັບສາທາລະນະລັດ ປະຊາທິປະໄຕ ຫວຽດນາມ ຕາມລຳດັບ. ບັນດາສະມາຄົມມິດຕະພາບຫວຽດນາມ ກັບປະຊາຊົນບັນດາປະເທດ ສັງຄົມນິຍົມກໍ່ໄດ້ຮັບການສ້າງຕັ້ງຂຶ້ນ.
ຫວຽດນາມ ວາງແຜນຄວາມສາມັກຄີຢ່າງແໜ້ນແຟ້ນກັບລາວ ແລະ ກຳປູເຈຍ ໃນການຕໍ່ສູ້ຕ້ານສັດຕູໂຕດຽວກັນ, ຍາດເອົາເອກະລາດໃຫ້ແຕ່ລະປະເທດ. ໜຶ່ງໃນບັນດາການກຳນົດທິດທີ່ສຳຄັນຂອງວຽກງານການຕ່າງປະເທດ ແລະ ຂົນຂວາຍສາກົນຂອງຫວຽດນາມ ໃນໄລຍະນີ້ແມ່ນສາມັກຄີກັບຂະບວນການປະຊາຊົນຝະລັ່ງ ຕໍ່ສູ້ໃຫ້ ຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນ, ປະຊາທິປະໄຕ, ສັນຕິພາບ, ຕ້ານສົງຄາມອິນດູຈີນ. ເພື່ອປະຕິບັດນະໂຍບາຍດັ່ງກ່າວ, ເດືອນກໍລະກົດ 1950, ພັກ ແລະ ລັດ ໄດ້ເຊີນສະຫາຍ Léo Figuères,, ກຳມະການສູນກາງພັກກອມມູນິດຝະລັ່ງ, ສະມາຊິກສະພາແຫ່ງຊາດ, ເລຂາທິການສະຫະພັນນັກສຶກສາຝະລັ່ງ, ຮອງປະທານສະຫະພັນຊາວໜຸ່ມປະຊາທິປະໄຕໂລກ ໄປຢ້ຽມຢາມເຂດເສລີຫວຽດບັກ, ຈາກນັ້ນ, Léo Figuères ໄດ້ຂຽນບົດຄວາມທີ່ຂ້ຽວຂາດ ແລະ ລົງພິມໃນໜັງສືພິມຢູ່ ຝະລັ່ງ.
ທ່ານ ເລດິງທ໋າມ, ຫົວໜ້າຄະນະຜູ້ແທນຫວຽດນາມ ເຂົ້າຮ່ວມກອງປະຊຸມສັນຕິພາບໂລ ກທີ່ຈັດຂຶ້ນຢູ່ Stockkhom, ປີ 1950. ພາບເອກະສານ
ປະທານໂຮ່ຈີມິນ ກໍ່ໄດ້ຂຽນຈົດໝາຍລະດົມກຳລັງໃຈທະຫານຝະລັ່ງ ແລະ ຄອບຄົວຂອງທະຫານຝະລັ່ງ. ຄຳຂວັນ “ສັນຕິພາບ ແລະ ກັບຄືນປະເທດ” ໄດ້ກາຍເປັນກໍາລັງແຮງຊຸກຍູ້ການຕໍ່ສູ້ຂອງປະຊາຊົນຝະລັ່ງ ເພື່ອຢຸດຕິສົງຄາມ ແລະ ເພື່ອຖອນກໍາລັງກັບເມືອປະເທດ. ຈາກຝະລັ່ງ, ຂະບວນການຄັດຄ້ານ ສົງຄາມໄດ້ແຜ່ຂະຫຍາຍໄປສູ່ບັນດາປະເທດເອີຣົບອື່ນໆ, ໃນນັ້ນມີບັນດາ ປະເທດເອີລົບເໜືອ.
ວັນທີ 19 ພະຈິກ 1950, ຄະນະກຳມະການປົກປັກຮັກສາສັນຕິພາບໂລກຂອງຫວຽດນາມ ໄດ້ຮັບການສ້າງຕັ້ງຂຶ້ນຢູ່ເຂດທີ່ໝັ້ນຫວຽດບັກ. ປະທານ ໂຮ່ຈີມິນ ໄດ້ຮັບກຽດເປັນປະທານກິດຕິມະສັກ; ທ່ານໝໍ ເລດິງທ໋າມ ໄດ້ຮັບເລືອກຕັ້ງເປັນປະທານ.
ການກຳເນີດຂອງຄະນະກຳມະການປົກປັກຮັກສາສັນຕິພາບໂລກຂອງຫວຽດນາມ (ເດືອນພຶດສະພາ 1988 ໄດ້ປ່ຽນຊື່ເປັນຄະນະກຳມະການສັນຕິພາບຫວຽດນາມ), ແມ່ນອົງການການທູດປະຊາຊົນຫຼາຍຝ່າຍທຳອິດທີ່ພັກເຮົາສ້າງຕັ້ງຂຶ້ນ ເພື່ອດຳເນີນງານສະເພາະກິດໃນຂົງເຂດປົກປັກຮັກສາສັນຕິພາບ, ຕິດພັນກັບການຕໍ່ສູ້ປົກປັກຮັກສາສັນຕິພາບ ຍາດເອົາເອກະລາດແຫ່ງຊາດຂອງປະຊາຊົນເຮົາ ດ້ວຍພາລະກິດປົກປັກຮັກສາສັນຕິພາບຂອງປະຊາຊົນທົ່ວໂລກ.
ວັນທີ 17 ພະຈິກ 1950, ປະທານ ໂຮ່ຈີມິນ ໄດ້ສົ່ງຈົດໝາຍເຖິງກອງປະຊຸມໃຫຍ່ສ້າງຕັ້ງຄະນະກຳມະການປົກປັກຮັກສາສັນຕິພາບໂລກ ຂອງຫວຽດນາມ, ໄດ້ຖືເປັນວັນມູນເຊື້ອຂອງສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ຢ່າງເປັນທາງການ.
ສະຫລຸບລວມແລ້ວ, ໃນໄລຍະຕໍ່ສູ້ຕ້ານຝະລັ່ງ, ບັນດາການເຄື່ອນໄຫວການທູດ ປະຊາຊົນຫວຽດນາມ ເຊິ່ງຈຸດສຸມແມ່ນບັນດາການເຄື່ອນໄຫວສັນຕິພາບ ໄດ້ຕັ້ງໜ້າເສີມຂະຫຍາຍລັກສະນະອັນຊອບທຳ ແລະ ປະກອບສ່ວນສຳຄັນເຂົ້າໃນບັນດາບາດກ້າວແຫ່ງໄຊຊະນະຂອງຫວຽດນາມ,
ດ້ວຍການສົມທົບ ແລະ ຊ່ວຍເຫຼືອຂອງບັນດາອົງການຈັດຕັ້ງສັນຕິພາບສາກົນ ແລະ ແຫ່ງຊາດ, ກ່ອນອື່ນໝົດແມ່ນຢູ່ ຝະລັ່ງ ແລະ ບັນດາປະເທດສັງຄົມນິຍົມ, ການທູດປະຊາຊົນຂອງພວກເຮົາໄດ້ປະກອບສ່ວນຂົນຂວາຍປະຊາຊົນຫຼາຍປະເທດສະໜັບສະໜູນການຕໍ່ສູ້ຂອງຫວຽດນາມ, ຮຽກຮ້ອງໃຫ້ຝະຣັ່ງ ຢຸດຕິ “ສົງຄາມເປື້ອນເປິະ” ຢູ່ອິນດູຈີນ, ສົ່ງຜົນກະທົຍຢ່າງຕັ້ງໜ້າເຂົ້າໃນການລົງນາມໃນສັນຍາ Genève ປີ 1954, ສິ້ນສຸດສົງຄາມ, ຟື້ນຟູສັນຕິພາບຢູ່ຫວຽດນາມ, ລາວ, ກຳປູເຈຍ ຄືນໃໝ່.
ໃນໄລຍະນີ້, ບັນດາອົງການຈັດຕັ້ງມິດຕະພາບສອງຝ່າຍ ແລະ ຫຼາຍຝ່າຍ ທຳອິດໄດ້ຮັບການສ້າງຕັ້ງ (ຕໍ່ມາກາຍເປັນບັນດາອົງການສະມາຊິກຂອງສະຫະພັນບັນດາອົງການຈັດຕັ້ງມິດຕະພາບຫວຽດນາມ). ສະມາຄົມມິດຕະພາບ ຫວຽດນາມ - ອາເມລິກາ ໄດ້ຮັບການສ້າງຕັ້ງເມື່ອປີ 1945, ຄະນະກຳມະການປົກປ້ອງສັນຕິພາບໂລກ ຂອງຫວຽດນາມ (1950), ສະມາຄົມມິດມິດຕະພາ ຫວຽດນາມ - ຈີນ (ປີ 1950), ສະມາຄົມມິດຕະພາບ ຫວຽດນາມ - ໂຊວຽດ (1950) ແລະ ສະມາຄົມມິດຕະພາບສອງຝ່າຍກັບບັນດາປະເທດສັງຄົມນິຍົມ...
ບູນມີ
