ກອງບັນຊາການທະຫານຊາຍແດນແຂວງດ້ຽນບຽນ ແລະກອງບັນຊາການ ປກສ ແຂວງຫຼວງພະບາງ ຈັດການພົບປະຮ່ວມມືຄັ້ງທີ 10

	ກອງບັນຊາການທະຫານຊາຍແດນແຂວງກອນຕຸມ ແລະກອງບັນຊາການ ປກສ ແຂວງອັດຕະປື ສົມທົບກັນປົກປັກຮັກສາຊາຍແດນ ແລະຕ້ານ, ສະກັດກັ້ນອາດຊະຍາກໍາປະເພດຕ່າງໆ
	ຊ່ວຍເຫຼືອອາຫານ ແລະວັດຖຸອຸປະກອນການແພດ ໃຫ້ ແຂວງຫຼວງພະບາງ ແລະ ແຂວງເຊກອງ

ສະຫາຍພັນເອກພິເສດ ບຸ່ຍເຖຕວຽນ ແລະສະຫາຍພັນເອກ ຕູຊົ່ງ ປັດໄຈ ແລກປ່ຽນບົດບັນທຶກຊ່ວຍຈໍາວ່າດ້ວຍການພົບປະ. ພາບ: qdnd.vn

ສະຫາຍພັນເອກ ຕູຊົ່ງ ປັດໄຈ ຫົວໜ້າກອງບັນຊາການ ປກສ ແຂວງຫຼວງພະບາງ ແລະສະຫາຍ ພັນເອກພິເສດ ບຸ່ຍເຖຕວຽນ ຫົວໜ້າກອງບັນຊາການທະຫານຊາຍແດນແຂວງດ້ຽນບຽນ ເປັນປະທານຮ່ວມການພົບປະ.

ທີ່ການພົບປະ, ສອງຝ່າຍໄດ້ພ້ອມກັນຕີລາຄາໝາກຜົນວຽກງານສົມທົບກັນໃນການຮັບປະກັນຄວາມໝັ້ນຄົງຢູ່ເຂດຊາຍແດຍ, ການປ້ອງກັນ, ສະກັດກັ້ນອາດຊະຍາກໍາ, ຮັກສາຄວາມສະຫງົບປອດໄພ, ຄວາມເປັນລະບຽບຮຽບຮ້ອຍ, ປົກປັກຮັກສາອະທິປະໄຕເຂດຊາຍແດນຢ່າງເຂັ້ມແຂງ. ຕາມນັ້ນແລ້ວ, ໃນປີຜ່ານມາ, ສອງຝ່າຍໄດ້ເປັນເຈົ້າການສົມທົບກັນຜັນຂະຫຍາຍຫຼາຍມາດຕະການ, ປະກອບສ່ວນເຂົ້າໃນການຕໍ່ສູ້, ສະກັດກັ້ນການເຄື່ອນໄຫວຂອງອາດຊະຍາກໍາປະເພດຕ່າງໆທີ່ສົ່ງຜົນກະທົບໂດຍກົງ ແລະກໍ່ຄວາມເສຍຫາຍເຖິງຄວາມສະຫງົບປອດໄພ, ຄວາມເປັນລະບຽບຮຽບຮ້ອຍຢູ່ເຂດຊາຍແດນ, ດ່ານຊາຍແດນ ຫວຽດນາມ ແລະລາວ ຢ່າງມີປະສິດທິຜົນ.

ສອງຝ່າຍໄດ້ເປັນເຈົ້າການ ແລະແລກປ່ຽນວິຊາສະເພາະ, ຂໍ້ມູນຂ່າວສານ, ກໍາແໜ້ນສະພາບການຢ່າງເປັນປະຈໍາ, ເປັນຕົ້ນແມ່ນບັນຫາທີ່ກ່ຽວຂ້ອງເຖິງວຽກງານຮັບປະກັນຄວາມໝັ້ນຄົງ, ການເມືອງ ແລະຄວາມສະຫງົບປອດໄພ, ຄວາມເປັນລະບຽບຮຽບຮ້ອຍທາງສັງຄົມ, ຮັບປະກັນຄວາມສະຫງົບດ້ານການເມືອງ ແລະຄວາມເປັນລະບຽບຮຽບຮ້ອຍທາງສັງຄົມໃນບໍລິເວນຄຸ້ມຄອງຢ່າງໝັ້ນແກ່ນ.

ໃນໄລຍະຈະມາເຖິງ, ສອງຝ່າຍເຫັນດີເປັນເອກະພາບພ້ອມກັນປະຕິບັດບັນດາເນື້ອໃນຂອງເອກະສານນິຕິກໍາ 2 ສະບັບ ກ່ຽວກັບຊາຍແດນ ແລະບັນດາເອກະສານ, ຂໍ້ຕົກລົງທີ່ສອງລັດ ຫວຽດນາມ-ລາວ ໄດ້ລົງນາມຢ່າງເຂັ້ມງວດ. ແຈ້ງໃຫ້ກັນຊາບກ່ຽວກັບສະພາບການທີ່ກ່ຽວຂ້ອງເຖິງຄວາມສະຫງົບດ້ານການເມືອງ ແລະຄວາມສະຫງົບປອດໄພ, ຄວາມເປັນລະບຽບຮຽບຮ້ອຍທາງສັງຄົມຢູ່ເຂດຊາຍແດນ, ດ່ານຊາຍແດນ ແລະບັນດາບັນຫາທີ່ຕ່າງຝ່າຍຕ່າງມີຄວາມສົນໃຈຢ່າງເປັນປົກກະຕິ.