 |
| ທ່ານ ໂງມິງເຈົາ, ຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ຕ້ອນຮັບທ່ານນາງ Whitney Baird, ຜູ້ຊ່ວຍວຽກລັດຖະມົນຕີ ການຕ່າງປະເທດ ອາເມລິກາ (ພາບ: Thanhuytphcm.vn) |
ທີ່ການຕ້ອນຮັບ, ທ່ານ ໂງມິນເຈົາ ໃຫ້ຮູ້ວ່າ ນະຄອນ ໂຮ່ຈີມິນ ໃຫ້ຄຳໝັ້ນສັນຍາວ່າ ຍາມໃດກໍຈະຮ່ວມເດີນທາງ, ສ້າງເງື່ອນໄຂສະດວກໃຫ້ແກ່ບັນດາວິສາຫະກິດຕ່າງປະເທດ, ໃນນັ້ນ, ມີວິສາຫະກິດ ອາເມລິກາ ມາລົງທຶນ, ດຳເນີນທຸລະກິດຍາວນານຢູ່ນະຄອນ. ພ້ອມທັງຫວັງວ່າ ບັນດາວິສາຫະກິດ ອາເມລິກາ ຈະສືບຕໍ່ມາລົງທຶນຢູ່ນະຄອນ ໂຮ່ຈີມິນ ໃນບັນດາຂົງເຂດ: ກໍ່ສ້າງທ່າກ່ຳປັ່ນນ້ຳເລິກ, ສ້າງພື້ນຖານໂຄງລ່າງຄົມມະນາຄົມທາງບົກ, ຫັນເປັນດີຈີຕອນ, ພະລັງງານສະອາດ… ແລະ ຫວັງວ່າ ໃນໄລຍະຈະມາເຖິງ ຈະມີຫຼາຍໂຄງການລະອຽດ ລະຫວ່າງ ຄູ່ຮ່ວມມື ອາເມລິກາ ແລະ ນະຄອນ ເພື່ອຫັນຂໍ້ຕົກລົງ ແລະ ກຳລັງບົ່ມຊ້ອນການຮ່ວມມືຢ່າງໃຫຍ່ຫຼວງລະຫວ່າງສອງຝ່າຍໃຫ້ປະກົດຜົນເປັນຈິງ.
ສ່ວນທ່ານນາງ Whitney Baird ຜູ້ຊ່ວຍວຽກລັດຖະມົນຕີການຕ່າງປະເທດ ອາເມລິກາ ແບ່ງປັນວ່າ ລັດຖະບານ ອາເມລິກາ ຍາມໃດກໍຢາກສ້າງແຫຼ່ງສະໜອງສິນຄ້າລະຫວ່າງປະເທດ ໃຫ້ມີຫຼາຍຮູບແບບເພື່ອຊຸກຍູ້ວັດວິທະນາການສະໜອງສິນຄ້າສາກົນ, ດັ່ງນັ້ນ ຈຶ່ງເອົາໃຈໃສ່ຕໍ່ຂໍ້ສະເໜີຮ່ວມມືກັບນະຄອນໃນຂົງເຂດນີ້.
ວີໂອວີ
