 |
ງານພົບປະແລກປ່ຽນວິສາຫະກິດຊາວຫວຽດນາມຢູ່ຕ່າງປະເທດເພື່ອສະເຫຼີມສະຫຼອງວັນນັກທຸລະກິດຫວຽດນາມ
ຫວ່າງແລ້ວນີ້, ຢູ່ຮ່າໂນ້ຍ, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດ, ສະມາຄົມປະສານງານກັບຊາວຫວຽດນາມ ອາໄສຢູ່ຕ່າງປະເທດ, ສະມາຄົມນັກທຸລະກິດຊາວຫວຽດນາມ ອາໄສຢູ່ຕ່າງປະເທດ ໄດ້ສົມທົບກັບສະຫະພັນວິສາຫະກິດຫວຽດນາມ ຢູ່ ເອີລົບ ໄດ້ຈັດຕັ້ງກອງການພົບປະແລກປ່ຽນເຊື່ອມຕໍ່ເຄືອຂ່າຍສະມາຄົມນັກທຸລະກິດຊາວຫວຽດນາມຢູ່ຕ່າງປະເທດໃນທົ່ວໂລກ, ສະເຫຼີມສະຫຼອງວັນນັກທຸລະກິດຫວຽດນາມ ວັນທີ 13 ຕຸລາ.
 |
| ງານພົບປະແລກປ່ຽນວິສາຫະກິດຊາວຫວຽດນາມຢູ່ຕ່າງປະເທດເພື່ອສະເຫຼີມສະຫຼອງວັນນັກທຸລະກິດຫວຽດນາມ. |
ທີ່ການພົບປະແລກປ່ຽນ, ບັນດາຜູ້ແທນໄດ້ປຶກສາຫາລືຫຼາຍບັນຫາກ່ຽວກັບການສົ່ງເສີມການຄ້າ ແລະ ການຮ່ວມມືດໍາເນີນທຸລະກິດລະຫວ່າງວິສາຫະກິດ ຫວຽດນາມ ຢູ່ຕ່າງປະເທດ ກໍ່ຄືການເຊື່ອມຕໍ່ບັນດາວິສາຫະກິດ ຊາວຫວຽດນາມ ຢູ່ຕ່າງປະເທດ ກັບບັນດາວິສາຫາກິດພາຍໃນປະເທດ; ສົມທົບກັນແກ້ໄຂບັນດາບັນຫາທີ່ຍັງຄົງຄ້າງ ເພື່ອປະຕິບັດສຳເລັດຕາມມາດຕະຖານ ແລະ ຄວາມຮຽກຮ້ອງຕ້ອງການຂອງຕະຫຼາດ ເພື່ອໃຫ້ສາມາດສົ່ງອອກ ແລະ ແລກປ່ຽນສິນຄ້າຢູ່່ສະຖານທີ່ ທີ່ມີຊາວຫວຽດນາມ ອາໄສຢູ່ຕ່າງປະເທດເປັນຈຳນວນຫຼວງຫຼາຍ; ສ້າງລະບົບຕ່ອງໂສ້ການສະໜອງສິນຄ້າລະຫວ່າງວິສາຫະກິດພາຍໃນປະເທດ ແລະ ວິສາຫະກິດຊາວຫວຽດນາມ ຢູ່ຕ່າງປະເທດ ແລະ ວິສາຫະກິດຊາວຫວຽດນາມ ຢູ່ຕ່າງປະເທດຢູ່ປະເທດອື່ນ...
 | |
|
ບັນດາຜູ້ແທນໄດ້ປຶກສາຫາລືຫຼາຍບັນຫາກ່ຽວກັບການສົ່ງເສີມການຄ້າ
ສິ້ນສຸດການພົບປະແລກປ່ຽນ, ບັນດາສະມາຄົມນັກທຸລະກິດໄດ້ເຫັນດີກ່ຽວກັບ ແຜນການພົບປະ, ຈັດຕັ້ງການເຄື່ອນໄຫວເປັນປົກກະຕິ, ສ້າງຕັ້ງກຸ່ມເຊື່ອມຕໍ່ລະຫວ່າງບັນດາຜູ້ນໍາບັນດາສະມາຄົມວິສາຫະກິດຊາວຫວຽດນາມຢູ່ຕ່າງປະເທດໃນທົ່ວໂລກ.
ບູນມີ
