ປີທ່ອງທ່ຽວແຫ່ງຊາດ 2023 - ບິ່ງທ້ວນ - ເຕົ້າໂຮມສີຂຽວ ຈະໄດ້ເອີ້ນເປັນພາສາອັງກິດວ່າ "Visit Vietnam Year 2023 - Binh Thuan: Green Tourism". ພິທີປະກາດປີທ່ອງທ່ຽວແຫ່ງຊາດ 2023 - ບິ່ງທ້ວນ - ເຕົ້າໂຮມສີຂຽວ ຄາດວ່າຈະຈັດຂຶ້ນໃນເດືອນທັນວາ 2022 ຕິດພັນກັບບຸນປີໃໝ່ປະຈຳຊາດ 2023 ຢູ່ນະຄອນ ຟານທຽດ.
 |
| ປີທ່ອງທ່ຽວແຫ່ງຊາດ 2023 - ມຸ່ງສູ່ການທ່ອງທ່ຽວສີຂຽວ. |
ພິທີເປີດຈະຈັດຂຶ້ນ ໃນເດືອນມີນາ 2023 ແລະ ພິທີປິດຈະຈັດຂຶ້ນໃນເດືອນທັນວາ 2023. ປີທ່ອງທ່ຽວແຫ່ງຊາດ ແມ່ນໂອກາດເພື່ອແນະນຳ ແລະ ໂຄສະນາບັນດາຄຸນຄ່າວັດທະນະທຳທີ່ເປັນວັດຖຸ ແລະ ບໍ່ເປັນວັດຖຸ, ຊັບພະຍາກອນ ແລະ ຜະລິດຕະພັນທ່ອງທ່ຽວທີ່ເປັນເອກະລັກສະເພາະຂອງປະຊາຊົນ, ປະເທດຊາດຫວຽດນາມ ເວົ້ົ້າລວມ ແລະ ດິນແດນ ບິ່ງທ້ວນ ເວົ້າສະເພາະ ເພື່ອດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດມາຫວຽດນາມ ແລະ ທ້ອງຖິ່ນນີ້, ປະກອບສ່ວນຢ່າງຕັ້ງໜ້າເຂົ້າໃນການຟື້ນຟູການເຄື່ອນໄຫວທ່ອງທ່ຽວ ແລະ ພັດທະນາເສດຖະກິດ - ສັງຄົມໃນຊຸມປີຕໍ່ໜ້າ.
ດ້ວຍຫົວຂໍ້ “ບິ່ງທ້ວນ - ເຕົ້າໂຮມສີຂຽວ”, ບັນດາການເຄື່ອນໄຫວໃນປີທ່ອງທ່ຽວແຫ່ງຊາດ ມຸ່ງໄປເຖິງບັນດາຜະລິດຕະພັນສີຂຽວ, ພະລັງງານສະອາດ, ສ້າງສະພາບແວດລ້ອມທີ່ເປັນມິດ ແລະ ປອດໄພຕໍ່ສຸຂະພາບ, ອະນຸລັກຮັກສາ ແລະ ເສີມຂະຫຍາຍບັນດາມໍລະດົກວັດທະນະທຳ ແລະ ບັນດາຄຸນຄ່າມູນເຊື້ອອັນດີງາມຂອງປະເທດຊາດ, ກ້າວໄປສູ່ການເຕີບໂຕສີຂຽວ, ການພັດທະນາການທ່ອງທ່ຽວແບບຍືນຍົງ.
ຄຳຮຸ່ງ
