 |
ມຽນມາ ປະກາດໃຫ້ເງິນຢວນ-ເງິນເຢນ ຊຳລະສະສາງທາງການ
ທະນາຄານກາງ ມຽນມາ ໄດ້ອອກແຈ້ງການເມື່ອບໍ່ດົນມານີ້ວ່າຈະໃຫ້ສະກຸນເງິນຢວນ ແລະ ເງິນເຢັນ ເປັນເງິນຕາຊຳລະສະສາງຢ່າງເປັນທາງການພາຍໃນປະເທດເພື່ອຊຸກຍູ້ການພັດທະນາດ້ານການຊຳລະສະສາງໃນສາກົນ ແລະ ການພັດທະນາການຄ້າຊາຍແດນຈຶ່ງອະນຸຍາດໃຫ້ຖືເອົາເງິນຢວນ ແລະ ເງິນເຢນເປັນເງິນຕາຊຳລະສະສາງໃນສາກົນ.
ນອກນີ້ຍັງຫ້າມບໍ່ໃຫ້ອົງການຈັດຕັ້ງອື່ນໆ ແລະ ສ່ວນບຸກຄົນ ເປີດບັນຊີເງິນຢວນ ແລະ ເງິນເຢນ ເປັນການຊົ່ວຄາວສົ່ງຜົນໃຫ້ການຊຳລະສະສາງການຄ້າຊາຍແດນ ມຽນມາ-ຈີນ ຈະສະດວກ ສະບາຍ ຫລາຍຂຶ້ນກວ່າເກົ່າ. ກ່ອນໜ້ານີ້, ມຽນມາ ໄດ້ອະນຸຍາດ ໃຫ້ຖືເອົາເງິນ ເອີໂຣ, ໂດລາ ສະຫະລັດ ແລະ ໂດລາ ສິງກະໂປ ເປັນເງິນຕາຊຳລະສະສາງຢ່າງເປັນທາງການແລ້ວ.
（ແຫຼ່ງຂໍ້ມູນ： ຂປລ）
