ຫວຽດນາມ ຮຽກຮ້ອງໃຫ້ລົບລ້າງການຈຳແນກການປະພຶດສຳລັບແມ່ຍິງ, ເດັກຍິງ

11:38 | 07/10/2022

ຍສໝ - ຢູ່ທີ່ນີ້, ຫວຽດນາມ ໄດ້ຍົກສູງຄວາມສຳຄັນໃນການສະກັດກັ້ນ ແລະ ລົບລ້າງທຸກຮູບແບບຈຳແນກການປະພຶດ ແລະ ໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ.

	ຫວຽດນາມ ບັນລຸໄດ້ຄວາມຄືບໜ້າຫຼາຍຢ່າງໃນເປົ້າໝາຍລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ
	ງານບຸນເສື້ອຍາວໄວເດັກຫວຽດນາມ-ມຸ່ງໄປສູ່ເກົາເຄົ້າເຫງົ້າກໍ

ຫວຽດນາມ ຮຽກຮ້ອງໃຫ້ລົບລ້າງການຈຳແນກການປະພຶດສຳລັບແມ່ຍິງ, ເດັກຍິງ

ທ່ານ ນາງ ເລທິມິງທວາ ອັກຄະລັດຖະທູດທີ່ປຶກສາ, ຮອງຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ

ຫວ່າງແລ້ວນີ້, ຄະນະກຳມະການບັນດາບັນຫາສັງຄົມ, ມະນຸດສະທຳ ແລະ ວັດທະນະທຳ, ສະມັດຊາໃຫຍ່ ສປຊ ຄັ້ງທີ 77 ໄດ້ປຶກສາຫາລືກ່ຽວກັບການຊຸກຍູ້ຄວາມກ້າວໜ້າຂອງແມ່ຍິງ.

ຢູ່ທີ່ນີ້, ຫວຽດນາມ ໄດ້ຍົກສູງຄວາມສຳຄັນໃນການສະກັດກັ້ນ ແລະ ລົບລ້າງທຸກຮູບແບບຈຳແນກການປະພຶດ ແລະ ໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ.

ຢູ່ ວາລະປຶກສາຫາລື, ສ່ວນຫຼາຍບັນດາບົດລາຍງານໄດ້ໃຫ້ຂໍ້ສັງເກດວ່າ ເຖິງວ່າບັນລຸໄດ້ຄວາມກ້າວໜ້າຫຼາຍຢ່າງແຕ່ການຮັບປະກັນຄວາມສະເໝີພາບລະຫວ່າງຍິງຊາຍ, ບັນດາສິດຂອງແມ່ຍິງຍັງສືບຕໍ່ປະເຊີນໜ້າກັບຄວາມຫຍຸ້ງຍາກ, ສິ່ງທ້າທາຍເມື່ອສະພາບການບໍ່ສະເໝີພາບ, ໃຊ້ຄວາມຮຸນແຮງ, ການຈຳແນກການປະພຶດ ແລະ ຄວາມຄິດຕາຍຕົວເພີ່ມຂຶ້ນ, ພິເສດພາຍໃຕ້ຜົນກະທົບທີ່ແກ່ຍາວຈາກພະຍາດໂຄວິດ - 19 ແລະ ໃນສະພາບການເກີດສົງຄາມ, ການປະທະກັນ, ການປ່ຽນແປງຂອງດິນຟ້າອາກາດ ແລະ ຊຸດໂຊມເສດຖະກິດ.

ບັນດາປະເທດຮຽກຮ້ອງໃຫ້ປະຊາຄົມສາກົນຄວນມີການກະທຳລວມໝູ່ຢ່າງເຂັ້ມແຂງ ເພື່ອແກ້ໄຂບັນດາສິ່ງທ້າທາຍນີ້ຢ່າງທັນການ.

ກ່າວຄຳເຫັນທີ່ວາລະປຶກສາຫາລື, ທ່ານອັກຄະລັດຖະທູດທີ່ປຶກສາ ນາງ ເລທິມິງທວາ, ຮອງຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ແບ່ງປັນຂໍ້ສັງເກດກ່ຽວກັບບັນດາສິ່ງທ້າທາຍຕໍ່ແມ່ຍິງ, ພ້ອມທັງເນັ້ນໜັກເຖິງເລື່ອງປະຊາຄົມສາກົນ ຄວນກຳນົດບົດບາດຂອງແມ່ຍິງທັງເປັນເປົ້າໝາຍ, ກຳລັງໜູນ, ເປັນເຈົ້າກຳ, ທັງເປັນເປົ້າໝາຍຮັບໃຊ້ການພັດທະນາແບບຍືນຍົງ ແລະ ສ້າງສັງຄົມແຫ່ງສັນຕິພາບ.

ຕາມທ່ານນາງ ເລທິມິງທວາ ແລ້ວ, ບັນດາປະເທດຕ້ອງຄວບຄູ່ບັນຫາເພດ ແລະ ການມອບສິດໃຫ້ແກ່ແມ່ຍິງ ຕ້ອງຮັບປະກັນໃນວິວັດການວາງແຜນກຳນົດນະໂຍບາຍ ແລະ ແຜນການແຫ່ງຊາດເພື່ອຮັບປະກັນວ່າ ແມ່ຍິງ ແລະ ເດັກຍິງໄດ້ເຂົ້າຮ່ວມ ແລະ ຊົມໃຊ້ຄວາມຍຸຕິທຳຢ່າງຄົບຖ້ວນໃນວິວັດການພັດທະນາ.

ຜູ້ຕາງໜ້າ ຫວຽດນາມ ຖືວ່າ ແມ່ຍິງຄວນສວຍໃຊ້ກາລະໂອກາດຂອງການປະຕິວັດອຸດສາຫະກຳຄັ້ງທີ 4, ວິວັດການຫັນເປັນດີຈີຕອນ ເພື່ອນຳທັນທ່າອ່ຽງພັດທະນາ ແລະ ເສີມຂະຫຍາຍຄວາມສາມາດບົ່ມຊ້ອນ ແລະ ທ່າແຮງຂອງຕົນຢ່າງສຸດຂີດ.

ກ່ຽວກັບການເພີ່ມທະວີການຮ່ວມມືສາກົນ, ຜູ້ນຳຫວຽດນາມ ຮຽກຮ້ອງໃຫ້ບັນດາອົງການສາກົນ ແລະ ຄູ່ຮ່ວມມືພັດທະນາສືບຕໍ່ໜູນຊ່ວຍບັນດາປະເທດສະມາຊິກ ສປຊ ປະຕິບັດບັນດາຄຳໝັ້ນສັນຍາ ແລະ ພັນທະທົ່ວໂລກໃນການປົກປ້ອງສິດທິຂອງແມ່ຍິງ ແລະ ເດັກຍິງ.

ທ່ານນາງ ເລທິມິງທວາ ຢືນຢັນວ່າ: ຄວາມສະເໝີພາບທາງເພດແມ່ນໄດ້ຮັບການເຄົາລົບນັບຖືໃນບັນດານະໂຍບາຍຂອງຊາດ; ການຮັບປະກັນບົດບາດ, ການເຂົ້າຮ່ວມ ແລະ ການປະກອບສ່ວນຂອງແມ່ຍິງໃນຊີວິດດ້ານເສດຖະກິດ, ການເມືອງ ແລະ ສັງຄົມຂອງປະເທດ ບໍ່ພຽງແຕ່ແມ່ນບັນດາຄຳໝັ້ນສັນຍາເທົ່ານັ້ນ ຫາກຍັງແມ່ນບັນດາມາດຖານຢູ່ຫວຽດນາມ.

ທ່ານນາງ ເລທິມິງທວາ ໄດ້ຕີລາຄາສູງບັນດາຜົນງານ ແລະ ໝາກຜົນທີ່ບັນລຸໄດ້ຂອງ ຫວຽດນາມ ເຊັ່ນ: ມີຜູ້ແທນສະພາແຫ່ງຊາດເພດຍິງຢູ່ພາກພື້ນ; ແມ່ຍິງແມ່ນກຳລັງແຮງງານຕົ້ນຕໍ ແລະ ມີການປະກອບສ່ວນສຳຄັນເຂົ້າໃນການເຕີບໂຕເສດຖະກິດ, ເຂົ້າຮ່ວມກຳລັງຮັກສາສັນຕິພາບຂອງສະຫະປະຊາຊາດ, ພ້ອມທັງຊຸກຍູ້ບັນດາຂໍ້ລິເລີ່ມ ແລະ ການປະກອບສ່ວນຂອງ ຫວຽດນາມ ໃນຂົງເຂດຕ່າງໆຂອງໂລກ ໃນບັນດາກົນໄກທີ່ກ່ຽວຂ້ອງຂອງສະຫະປະຊາຊາດ.

ບຸນຄົງ