| ຫຼາຍຮູບແບບສິລະປະທີ່ເປັນເອກະລັກສະເພາະຂອງຫວຽດນາມ ໄດ້ນຳສະເໜີ ຢູ່ ໂອຕຣິດ | |
| ຫວຽດນາມ ບັນລຸໄດ້ຄວາມຄືບໜ້າຫຼາຍຢ່າງໃນເປົ້າໝາຍລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ |
|
ຜູ້ຕາງໜ້າຂອງ UOB - ກຸ່ມທະນາຄານນາໆຊາດຂອງສິງກະໂປ ໃຫ້ຮູ້ວ່າ: UOB ຫາກໍ່ຍົກລະດັບຄາດຄະເນການເຕີບໂຕ GDP ຂອງຫວຽດນາມ ໃນປີ 2022 ຂຶ້ນເປັນ 8,2%, ສູງກ່ວາ 7% ຂອງການຄາດຄະເນກ່ອນນີ້. ສາເຫດແມ່ນຍ້ອນການຟື້ນຕົວຢ່າງແຮງຂອງ GDP ໃນໄຕມາດ 3 ປີ 2022 ໂດຍແມ່ນ 13,67% (ຕາມກົມໃຫຍ່ສະຖິຕິ) ເຊິ່ງໄດ້ສ້າງພື້ນຖານເສດຖະກິດທີ່ເຂັ້ມແຂງໃນ 9 ເດືອນ ແລະ ເປັນປະຖົມປັດໄຈໃຫ້ແກ່ການເຕີບໂຕທີ່ເຂັ້ມແຂງໃນຕະຫຼອດປີ 2022.
ແນວໃດກໍ່ຕາມ, UOB ຍັງຊີ້ໃຫ້ເຫັນຄວາມກັງວົນໃນປັດຈຸບັນແມ່ນແງ່ຫວັງດ້ານເສດຖະກິດໃນປີ 2023, ເມື່ອນະໂຍບາຍຮັດແໜ້ນເງິນຕາຢ່າງເຄັ່ງຄັດຂອງບັນດາທະນາຄານສູນກາງທົ່ວໂລກອາດຈະສ້າງຄວາມກົດດັນຕໍ່ພື້ນຖານເສດຖະກິດຂອງອາເມລິກາ ແລະ ເອີຣົບ ເຊິ່ງແມ່ນສອງຕະຫຼາດສົ່ງອອກຫຼັກກວມເອົາ 41% ໃນການສົ່ງອອກຂອງ ຫວຽດນາມ.
 |
| ພາບປະກອບ |
ດັ່ງນັ້ນ, ໃນການຄາດຄະເນເສດຖະກິດໂລກປະຈໍາໄຕມາດຫຼ້າສຸດຂອງຕົນ, UOB ໄດ້ແຈ້ງເຕືອນເຖິງການຊຸດໂຊມຂອງບັນດາພື້ນຖານເສດຖະກິດໃຫຍ່ໃນປີ 2023. ທະນາຄານ UOB ໄດ້ຮັກສາການຄາດຄະເນການເຕີບໂຕຂອງ GDP ສໍາລັບປີ 2023 ຂອງຫວຽດນາມຢູ່ລະດັບ 6.6%, ໂດຍອີງໃສ່ການຄາດຄະເນຄວາມຕ້ອງການຂອງຕະຫຼາດຈະສືບຕໍ່ຊະລໍຕົວ.
ກ່ອນໜ້ານັ້ນ, ທະນາຄານໂລກ (WB) ຄາດຄະເນການເຕີບໂຕ GDP ຂອງຫວຽດນາມຈະບັນລຸ 7,2% ໃນປີ 2022 ແລະ 6,7% ໃນປີ 2023. ຕາມ WB ແລ້ວ, ໄປຄຽງຄູ່ກັບການຍົກເລີກຂໍ້ຈຳກັດການທ່ອງທ່ຽວ, ນັກທ່ອງທ່ຽວສາກົນຄ່ອຍໆກັບຄືນມາ, ຂະແໜງການບໍລິການພວມຟື້ນຟູຢ່າງເຂັ້ມແຂງ. ການເຕີບໂຕຂອງການສົ່ງອອກຜະລິດຕະພັນອຸດສາຫະກໍາປຸງແຕ່ງ ແລະ ປະດິດສ້າງ ຄາດວ່າຈະຊ້າລົງໃນໄລຍະສັ້ນ ເມື່ອຄວາມຕ້ອງການທົ່ວໂລກຫຼຸດລົງ. ເຖິງຢ່າງໃດກໍ່ຕາມ, ການບໍລິໂພກພາຍໃນປະເທດຈະທົດແທນຄວາມຕ້ອງການພາຍນອກທີ່ພວມຊະລໍຕົວ.
ຕາມການຄາດຄະເນຂອງທະນາຄານໂລກແລ້ວ, ອັດຕາເງິນເຟີ້ສະເລ່ຍແມ່ນຢູ່ລະດັບ 3,8% ໃນປີ 2022, ເມື່ອຄວາມຕ້ອງການພາຍໃນປະເທດສືບຕໍ່ໄດ້ຮັບການປັບປຸງ. WB ໃຫ້ຮູ້ວ່າ: ໃນໄລຍະກາງ, ພື້ນຖານເສດຖະກິດຫວຽດນາມຕ້ອງປະເຊີນໜ້າກັບຄວາມສ່ຽງອັນໃຫຍ່ຫຼວງ, ສົ່ງຜົນກະທົບເຖິງການເຕີບໂຕ.
 |
| ທ່ານລັດຖະມົນຕີ, ຫົວໜ້າຫ້ອງວ່າການລັດຖະບານ ເຈີ່ນວັນເຊີນ. |
ນັ້ນແມ່ນ, ການປະກົດຕົວຂອງເຊື້ອໄວຣັດ COVID-19 ສາຍພັນໃໝ່ ພ້ອມກັບກິດຈະກຳດ້ານເສດຖະກິດທີ່ຖືກຂາດວັກຂາດຕອນ ຍັງແມ່ນຄວາມສ່ຽງຕົ້ນຕໍ. ຄວາມກົດດັນຂອງໄພເງິນເຟີ້ທີ່ແກ່ຍາວ ແລະ ແງ່ຫວັງທີ່ຈະຮັດແໜ້ນດ້ານການເງິນຢ່າງແຮງກ່ວາອີກ, ໂດຍສະເພາະຢູ່ອາເມລິກາ ແລະ ບັນດາພື້ນຖານເສດຖະກິດ, ອາດຈະນຳມາເຊິ່ງການຜັນແປຢ່າງສັບສົນໃນຕະຫຼາດການເງິນທົ່ວໂລກ, ເຮັດໃຫ້ການເຕີບໂຕດ້ານເສດຖະກິດຂອງ ຫວຽດນາມ ຊຸດໂຊມລົງຫຼາຍກວ່າອີກ, ໂດຍສະເພາະແມ່ນໃນເວລາເຄື່ອນໄຫວເສດຖະກິດທີ່ພວມຊະລໍຕົວ.
ຄຽງຄູ່ກັນນັ້ນ, ສະພາບການແຍກຫ່າງສັງຄົມຢູ່ຈີນ ອາດຈະເພີ່ມຜົນກະທົບຕໍ່ການເຕີບໂຕຂອງພື້ນຖານເສດຖະກິດນີ້, ສົ່ງຜົນສະທ້ອນເຖິງຕ່ອງໂສ້ມູນຄ່າທົ່ວໂລກ, ໃນນັ້ນມີຫວຽດນາມ. ນອກຈາກນັ້ນ, ຄວາມເຄັ່ງຕຶງ ແລະ ການປະທະກັນທາງດ້ານພູມສາດການເມືອງທີ່ເພີ່ມຂຶ້ນ ກໍຍິ່ງເຮັກໃຫ້ການຂາດສະຖຽນລະພາບມີ່ຕ້ອງປະເຊີນໜ໊າຍິ່ງເພີ່ມຂຶ້ນ ແລະ ອາດຈະນໍາໄປສູ່ການຫັນປ່ຽນໂຄງສ້າງຂອງພື້ນຖານເສດຖະກິດໂລກໃນໄລຍະຍາວ.
ອົງການກອງທຶນເງິນຕາສາກົນ (IMF) ໄດ້ຍົກການຄາດຄະເນການເຕີບໂຕຂອງຫວຽດນາມ ເພີ່ມຂຶ້ນເປັນ 7% ໃນປີ 2022. ຫວຽດນາມ ແມ່ນປະເທດດຽວທີ່ໄດ້ມີການດັດປັບເພີ່ມຂຶ້ນພໍສົມຄວນ ໃນບັນດາພື້ນຖານເສດຖະກິດໃຫຍ່ຢູ່ອາຊີ. ໃນຂະນະນັ້ນ, ທະນາຄານ ADB ກໍຍັງຮັກສາການຄາດຄະເນການເຕີບໂຕຂອງຫວຽດນາມໃຫ້ຢູ່ລະດັບ 6,5% ໃນປີ 2022 (ເມື່ອທຽບໃສ່ການຄາດຄະເນໃນເດືອນ ເມສາ 2022).
ທີ່ການປະຊຸມຂ່າວປະຈຳເດືອນ ຫ້ອງວ່າການລັດຖະບານ, ທ່ານຮອງລັດຖະມົນຕີການກະຊວງແຜນການ ແລະ ການລົງທຶນ (MPI) ເຈີ່ນກວກເຟືອງ ໃຫ້ຮູ້ວ່າ: ໃນບົດລາຍງານເສນາທິການຂອງກະຊວງແຜນການ ແລະ ການລົງທຶນຕໍ່ລັດຖະບານ ໄດ້ຍົກອອກບັນດາແຜນການເຕີບໂຕຂອງ GDP ຂອງຫວຽດນາມ ໃນໄຕມາດທີ 4 ກໍ່ຄືໃນທັງປີ 2022. ໝາກຜົນຄາດວ່າຈະວາງອອກສອງແຜນການ.
 |
| ຫຼາຍອົງການຈັດຕັ້ງສາກົນມີຄວາມຫວັງຕໍ່ເສດຖະກິດຫວຽດນາມ |
ຕາມນັ້ນແລ້ວ, ດ້ວຍແຜນການທີ່ມີລະດັບຕ່ຳແມ່ນ GDP ປີ 2022 ມີການເຕີບໂຕ 7,5%, ຄາດວ່າໃນໄຕມາດທີ 4/2022 ການຕີລາຄາແມ່ນຍັງມີຄວາມຫຍຸ້ງຍາກຫຼາຍຢ່າງ, ຍາກທີ່ຈະຄາດຄະເນໄດ້. ສະພາບການຍາກທີ່ສຸດເພື່ອໃຫ້ຫວຽດນາມ ສາມາດຄາດຄະເນໄດ້ບັນດາຕົວເລກທີ່ຊັດເຈນຂອງໝາກຜົນໃນຊຸມເດືອນຈະມາເຖິງ ແລະ ຄາດວ່າເວລາຍິ່ງແກ່ຍາວ ກໍຍິ່ງຍາກທີ່ຈະຄາດຄະເນໄດ້. ພວກຂ້າພະເຈົ້າໄດ້ຍົກອອກບັນດາແຜນການ, ວິທີການໃນລະດັບທີ່ຕ່ຳ ແມ່ນວິທີການທີ່ປະສົບກັບຄວາມຫຍຸ້ງຍາກທີ່ສຸດໃນທັງປີ 2022 ນັ້ນ, ການເຕີບໂຕຈະບັນລຸ 7,5%. “ແຜນການທີ່ຍັງເຫຼືອ, ໃນສະພາບການທີ່ບໍ່ການຜັນແປໃໝ່, ສະດວກຕໍ່ພື້ນຖານເສດຖະກິດ ຫວຽດນາມ ຈາກພາຍນອກ, ພວກເຮົາຄາດວ່າອັດຕາການເຕີບໂຕ GDP ປະມານ 8%”. ທ່ານເຈິ່ນກວັກເຟືອງ ໃຫ້ຮູ້.
ບຸນຄົງ
