ກ່າວຄຳເຫັນທີ່ພິທີເປີດກອງປະຊຸມປຶກສາຫາລື ໃຕ້ - ໃຕ້ ກ່ຽວກັບການຢຸດຕິຈິດຕະສາດຄວາມຢາກມີລູກຊາຍ, ເຮັດໃຫ້ຄຸນຄ່າຂອງເດັກຍິງຕ່ຳລົງ ແລະ ການເລືອກເພດບົນພື້ນຖານຄວາມຄິດຕາຍຕົວດ້ານເພດ ໄດ້ດຳເນີນໃນຕອນເຊົ້າວັນທີ 4 ຕຸລາ, ຢູ່ຮ່າໂນ້ຍ, ຜູ້ອຳນວຍການຫ້ອງການກອງທຶນປະຊາກອນ - ສະຫະປະຊາຊາດ (UNFPA) ປະຈຳ ອາຊີ ແລະ ປາຊີຟິກ, ທ່ານ Bjorn Andersson ຕີລາຄາວ່າ ຫວຽດນາມ ບັນລຸໄດ້ຜົນງານທີ່ດີທີ່ສຸດໃນການແກ້ໄຂສະພາບຄວາມຢາກມີລູກຊາຍ ແລະ ການເລືອກເພດ ບົນພື້ນຖານຄວາມຄິດຕາຍຕົວດ້ານເພດ ໃນຕະຫຼອດ 15 ປີຜ່ານມາ.
 |
| ຜູ້ອຳນວຍການຫ້ອງການກອງທຶນປະຊາກອນ - ສະຫະປະຊາຊາດ (UNFPA) ປະຈຳ ອາຊີ ແລະ ປາຊີຟິກ, ທ່ານ Bjorn Andersson. |
 |
| ທ່ານນາງຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ຫງວຽນທິຮ່າ ກ່າວຄຳເຫັນທີ່ກອງປະຊຸມ |
ຫວຽດນາມ ມີຫຼາຍຮູບແບບທີ່ມີປະສິດທິຜົນ, ນັບທັງຂົງເຂດພັດທະນານະໂຍບາຍ, ປັບປຸງກົດໝາຍຄື: ກົດໝາຍວ່າດ້ວຍປະຊາກອນ, ກົດໝາຍວ່າດ້ວຍປະກັນສັງຄົມ ແລະ ບັນດາໂຄງການປະດິດສ້າງ ຄື ໂຄງການເປັນພໍ່ທີ່ມີຄວາມຮັບຜິດຊອບ. ທ່ານ Bjorn Andersson ຢືນຢັນວ່າ ບັນດາຜົນງານທີ່ກ່າວມາຂ້າງເທິງນັ້ນ ໄດ້ເຮັດໃຫ້ ຫວຽດນາມ ເປັນໜຶ່ງໃນບັນດາປະເທດຕົວແບບ ທີ່ເໝາະສົມໃນການຮ່ວມມືໃຕ້ - ໃຕ້ (ຮູບແບບການຮ່ວມມືຊຸກຍູ້ການພັດທະນາຢ່າງມີປະສິດທິຜົນ ດ້ວຍການແລກປ່ຽນບົດຮຽນ, ແບ່ງປັນປະສົບການ ແລະ ເຕັກໂນໂລຊີລະຫວ່າງບັນດາປະເທດພວມພັດທະນາ).
 |
ກ່າວຄຳເຫັນທີ່ກອງປະຊຸມສຳມະນາ, ທ່ານນາງຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ຫງວຽນທິຮ່າ ເນັ້ນໜັກວ່າ ຢູ່ ຫວຽດນາມ, ຄວາມສະເໝີພາບລະຫວ່າງຍິງຊາຍ ແມ່ນນະໂຍບາຍສຳຄັນທີ່ສຸດຂອງພັກ ແລະ ລັດ, ແລະຍາມໃດກໍ່ແມ່ນໜ້າທີ່ສຳຄັນຂອງຍຸດທະສາດພັດທະນາເສດຖະກິດ-ສັງຄົມແຫ່ງຊາດ, ສ້າງສາປະເທດຊາດໃຫ້ໝັ້ນຄົງ, ເປັນເອກະພາບ ແລະ ຍືນຍົງ. ຫວຽດນາມ ກໍ່ປະຕິບັດຫຼາຍວິທີແກ້ໄຂຢ່າງຄົບຊຸດ, ໃນນັ້ນມີການຊຸກຍູ້ບັນດາມາດຕະການແກ້ໄຂ ກ່ຽວກັບການໂຄສະນາເຜີຍແຜ່, ຂົນຂວາຍເພື່ອປ່ຽນແປງແນວຄິດ “ເຄົາລົບຜູ້ຊາຍ, ບໍ່ນັບຖືຜູ້ຍິງ”.
ຄຳຮຸ່ງ
