ສ່ືມວນຊົນຕ່າງປະເທດຕີລາຄາແງ່ຫວັງພັດທະນາເສດຖະກິດຂອງ ຫວຽດນາມ ຢ່າງຕັ້ງໜ້າ

08:05 | 06/10/2022

ຍສໝ - ສຳນັກຂ່າວສານ Reuters ໄດ້ລົງຂາວວ່າ FPT Semiconductor ຫາກໍ່ເປີດຕົວຊິບທຳອິດໃນຊຸດຜະລິດຕະພັນ Internet of thing ໃຫ້ແກ່ຂົງເຂດສາທາລະນະສຸກ. ບໍລິສັດຕັ້ງເປົ້າໝາຍຈະແຊກຊຶມເຂົ້າຕະຫຼາດພາກພື້ນ ອາຊີ - ປາຊີຟິກ ດ້ວຍແຜນການສະໜອງຊິບ 25 ລ້ານອັນໃນທົ່ວໂລກ ໃນປີ 2023.

	ADB ຄາດຄະເນ: ຫວຽດນາມ ຈະແມ່ນພື້ນຖານເສດຖະກິດມີລະດັບການເຕີບໂຕແຮງທີ່ສຸດຢູ່ອາຊີຕາເວັນອອກສ່ຽງໃຕ້ໃນປີ 2022 ແລະ ປີ 2023
	ຫວຽດນາມ ສືບຕໍ່ປະກອບສ່ວນໃຫ້ແກ່ວຽກງານຂອງ UNDP ຢ່າງຕັ້ງໜ້າ

ສ່ືມວນຊົນຕ່າງປະເທດຕີລາຄາແງ່ຫວັງພັດທະນາເສດຖະກິດຂອງ ຫວຽດນາມ ຢ່າງຕັ້ງໜ້າ

ການຜະລິດເຄື່ອງປະກອບເອເລັກໂຕຣນິກ ທີ່ Samsung ໄທຫງວຽນ.

ໃນອາທິດຜ່ານມາ, ບັນດາພາຫະນະສື່ມວນຊົນຕ່າງປະເທດໄດ້ໃຫ້ຂ່າວກ່ຽວກັບຜົນສຳເລັດທີ່ໜ້າປະທັບໃຈຂອງ ຫວຽດນາມ ພາຍຫຼັງທະນາຄານໂລກ (WB) ຄາດຄະເນ ຫວຽດນາມ ຈະມີການເຕີບໂຕນຳໜ້າຢູ່ ອາຊີ ປີ 2022. WB ຫາກໍ່ຍົກລະດັບການຄາດຄະເນການເຕີບໂຕໃນປີ 2022 ຂອງ ຫວຽດນາມ ຂຶ້ນລະດັບ 7,2%, ເພີ່ມຂຶ້ນຫຼາຍພໍສົມຄວນເມື່ອທຽບໃສ່ລະດັບຄາດຄະເນ 5,3% ທີ່ໄດ້ຍົກອອກເມື່ອເດືອນ ເມສາ ກ່ອນນັ້ນ.

ໃນຂະນະນັ້ນ, ກໍ່ຄາດຄະເນວ່າ ລະດັບເຕີບໂຕລວມຂອງພາກພື້ນ ອາຊີ - ປາຊີຟິກ ແມ່ນ 3,2%. ຕາມບັນດານັກຊ່ຽວຊານ ຂອງ WB ແລ້ວ , ຜົນສຳເລັດຂອງ ຫວຽດນາມ ແມ່ນການສົມທົບບັນດາມາດຕະການສະກັດກັ້ນພະຍາດໂຄວິດ - 19 ຢ່າງມີປະສິດທິຜົນດ້ວຍຜົນສຳເລັດ ກ່ຽວກັບປະຊາກອນວິທະຍາ ແລະ ທີ່ຕັ້ງພິເສດຂອງປະເທດຊາດໃນໂຄງປະກອບພື້ນຖານເສດຖະກິດພາກພື້ນ ແລະ ໃນໂລກ.

ອຸດສາຫະກຳປຸງແຕ່ງ, ປະດິດນັບມື້ນັບຢືນຢັນໄດ້ບົດບາດສຳຄັນຂອງພື້ນຖານເສດຖະກິດ ຫວຽດນາມ.

ໃນຂະນະນັ້ນ, ໜັງສືພິມ Nikkei Asia ໄດ້ໃຫ້ຂ່າວວ່າຍອດຜະລິດຕະພັນພາຍໃນປະເທດ (GDP) ໃນໄຕມາດທີ 3 ປີ 2022 ຂອງ ຫວຽດນາມ ຄາດວ່າເພີ່ມຂຶ້ນສູງພໍສົມຄວນ ເຊິ່ງຢູ່ລະດັບ 13,67% ເມື່ອທຽບໃສ່ໄລຍະດຽວກັນຂອງປີ 2021, ໃນສະພາບການສົ່ງອອກໄປຍັງ ອາເມລິກາ ເພີ່ມຂຶ້ນຢ່າງແຮງ ແລະ ການບໍລິໂພກເອກະຊົນໄດ້ຮັບການຟື້ນຟູ. ພ້ອມກັນນັ້ນ, ຫວຽດນາມ ກໍ່ເລີ່ມຜະລິດ ຊິບ (semiconductor chip) ຢູ່ພາຍໃນປະເທດ.

WB ຫາກໍ່ຍົກລະດັບການຄາດຄະເນການເຕີບໂຕໃນປີ 2022 ຂອງ ຫວຽດນາມ ຂຶ້ນລະດັບ 7,2%.

ສຳນັກຂ່າວສານ Reuters ໄດ້ລົງຂາວວ່າ FPT Semiconductor ຫາກໍ່ເປີດຕົວ ຊິບ ທຳອິດໃນຊຸດຜະລິດຕະພັນ Internet of thing ໃຫ້ແກ່ຂົງເຂດສາທາລະນະສຸກ. ບໍລິສັດຕັ້ງເປົ້າໝາຍຈະແຊກຊຶມເຂົ້າຕະຫຼາດພາກພື້ນ ອາຊີ - ປາຊີຟິກ ດ້ວຍແຜນການສະໜອງຊິບ 25 ລ້ານອັນໃນທົ່ວໂລກ ໃນປີ 2023.

ຄ້າຍຄືກັນນັ້ນ, Lexology ເອີ້ນ ຫວຽດນາມ ວ່າແມ່ນສະຖານທີ່ທີ່ດີເພື່ອຜະລິດເຄື່ອງຊັກນຳ. ຕະຫຼາດເຄື່ອງຊັກນຳຢູ່ ຫວຽດນາມ ຄາດວ່າຈະເຕີບໂຕ 6,52% ໃນໄລຍະ 2021 – 2025. ນັບມື້ນັບມີຫຼາຍວິສາຫະກິດທົ່ວໂລກມາຜະລິດຢູ່ ຫວຽດນາມ ຍ້ອນມີທີ່ຕັ້ງຍຸດທະສາດ, ກໍ່ຄືທ່າໄດ້ປຽບໃນການມອບສົ່ງສິນຄ້າ, ແຮງງານມີກຳລັງແກ້ງແຍ້ງ ແລະ ລາຍຈ່າຍໃນການຜະລິດຂອງ ຫວຽດນາມ. ອີກທ່າໄດ້ປຽບໜຶ່ງນັ້ນແມ່ນບັນດາວິສາຫະກິດ ຫວຽດນາມ ໄດ້ຮັບຜົນປະໂຫຍດຫຼາຍພໍສົມຄວນຈາກ ສັນຍາການຄ້າເສລີ 13 ສະບັບ.

ຽວກັບດ້ານທ່ອງທ່ຽວ, ໜັງສືພິມ The Star ໃຫ້ຂ່າວວ່າ ໃນ 9 ເດືອນຜ່ານມາຂອງປີ 2022, ຈຳນວນແຂກທ່ອງທ່ຽວສາກົນມາ ຫວຽດນາມ ມີປະມານ 1,87 ລ້ານເທື່ອຄົນ, ເພີ່ມຂຶ້ນທົບ 16,4 ເທົ່າເມື່ອທຽບໃສ່ໄລຍະດຽວກັນຂອງປີ 2021. ຕາມຕົວເລກຂອງກົມໃຫຍ່ທ່ອງທ່ຽວ ທີ່ຫາກໍ່ປະກາດໃນ 9 ເດືອນຜ່ານມາ, ຈຳນວນນັກທ່ອງທ່ຽວພາຍໃນປະເທດຂອງ ຫວຽດນາມ ບັນລຸປະມານ 87 ລ້ານເທື່ອຄົນ, ກາຍເປັນກຳລັງໜູນຕົ້ນຕໍຂອງການເຕີບໂຕທົ່ວຂະແໜງ

ບຸນຄົງ