ເນື່ອງໃນໂອກາດຢ້ຽມຢາມເຢຍລະມັນ ຢ່າງເປັນທາງການ, ຕອນເຊົ້າວັນທີ 27 ກັນຍາ, ຢູ່ Berlin, ທ່ານລັດຖະມົນຕີການຕ່າງປະເທດ ບຸ່ຍແທງເຊີນ ໄດ້ມີການພົບປະ ແລະ ຢ້ຽມຢາມປະຊາຄົມຊາວ ຫວຽດນາມ ອາໄສຢູ່ ເຢຍລະມັນ.
 |
| ບັນຍາກາດທີ່ການພົບປະ. ພາບ: thoidai.com.vn |
ໂດຍຕາງໜ້າໃຫ້ຊາວຫວຽດນາມອາໄສຢູ່ຕ່າງປະເທດ ແລະ ວົງຄະນນະຍາດ, ຜູ້ຕາງໜ້າຄະນະສ້າງຕັ້ງສະຫະພັນຊາວຫວຽດນາມ ອາໄສຢູ່ ເຢຍລະມັນ ສະແດງຄວາມມຸ່ງມາດປາດຖະໜາຂອງບັນດາສະມາຄົມສະມາຊິກ ແລະ ຊາວຫວຽດນາມ ອາໄສຢູ່ຕ່າງປະເທດ ໃນການສ້າງຕັ້ງອົງການເອກະພາບ, ໂດຍຕາງໜ້າໃຫ້ຊາວ ຫວຽດນາມ ເກືອບທັງໝົດຢູ່ປະເທດປະຈໍາຖິ່ນ, ປະກອບສ່ວນເພີ່ມພູນຄູນສ້າງນ້ຳໃຈສາມັກຄີ, ຄວາມຮັກແພງເຊິ່ງກັນ ແລະ ກັນ, ປົກປັກຮັກສາ ແລະ ເສີມຂະຫຍາຍສີສັນວັດທະນະທຳຂອງຊາດ ຫວຽດນາມ, ຢືນຢັນອິດທິພົນຊື່ສຽງ ແລະ ທີ່ຕັ້ງຂອງຊາວຫວຽດນາມ ເວົ້າສະເພາະ, ປະເທດຫວຽດນາມ ເວົ້າລວມ ໃນທ່າອ່ຽງເຊື່ອມໂຍງ ແລະ ພ້ອມກັນພັດທະນາ.
 |
| ບັນດາຜູ້ແທນຖ່າຍຮູບເປັນທີ່ລະນຶກ. ພາບ: thoidai.com.vn |
 |
ທ່ານລັດຖະມົນຕີ ປາດຖະໜາວ່າ ໃນໄລຍະຈະມາເຖິງ, ປະຊາຄົມຊາວ ຫວຽດນາມ ອາໄສຢູ່ ເຢຍລະມັນ ຈະສືບຕໍ່ມານະພະຍາຍາມ, ສາມັກຄີ, ຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍ, ຍູ້ແຮງບັນດາແຫຼ່ງກຳລັງຂອງປະຊາຄົມ, ປະກອບສ່ວນພັດທະນາປະເທດຊາດ ແລະ ເປັນຂົວຕໍ່ໃຫ້ແກ່ການພົວພັນຄູ່ຮ່ວມມືຍຸດທະສາດ ແລະ ຕິດພັນມິດຕະພາບລະຫວ່າງສອງປະເທດ.
ກໍທີ່ການພົບປະ, ທ່ານລັດຖະມົນຕີ ບຸ່ຍແທງເຊີນ ໄດ້ຢ້ຳໃຫ້ພະນັກງານ, ພາລະກອນສະຖານທູດຫວຽດນາມ ປະຈຳ ເຢຍລະມັນ ເອົາໃຈໃສ່ຢ່າງເລິກເຊິ່ງຕໍ່ເນື້ອໃນມະຕິເລກທີ 12-KL/TW ຂອງພັກ, ຖືຊາວຫວຽດນາມ ອາໄສຢູ່ຕ່າງປະເທດແມ່ນພາກສ່ວນໜຶ່ງທີ່ສຳຄັນຂອງຂະບວນການສາມັກຄີປະເທດຊາດ.
 |
 |
 |
ບູນມີ
