ສາຍໃຈມິດຕະພາບຜ່ານ 5 ງານບຸນມະໂຫລານມິດຕະພາບປະຊາຊົນຫວຽດນາມ

ຍສໝ - ງານບຸນມະໂຫລານມີຫົວຂໍ້ວ່າ: “ຮ່ວມເດີນຂະບວນຢູ່ເສັ້ນທາງ ເຈື່ອງເຊີນ - ເສັ້ນທາງໂຮ່ຈີມິນ”. ຜ່ານບັນດາການເຄື່ອນໄຫວ, ງານບຸນມະໂຫລານ ຫວັງວ່າບັນດາຜູ້ແທນຈະມີຄວາມຮັບຮູ້ເຖິງຄວາມໝາຍປະຫວັດສາດຂອງເສັ້ນທາງໂຮ່ຈີມິນ ຢ່າງເລິກເຊິ່ງກວ່າອີກ, ໂຄສະນາເຜີຍແຜ່ຢ່າງກວ້າງຂວາງໃນປະຊາຊົນທຸກຊັ້ນວັນນະກ່ຽວກັບການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດຫວຽດນາມ - ລາວ; ລາວ-ຫວຽດນາມ.

	ວຽກງານໂຄສະນາເຜີຍແຜ່ຊ່ວຍໃຫ້ປະຊາຊົນຫວຽດນາມ - ລາວ ເຂົ້າໃຈກ່ຽວກັບການພົວພັນແບບພິເສດລະຫວ່າງສອງປະເທດ
	ຫວຽດນາມ ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານກັບ ກາຊັກສະຖານ

ດ້ວຍເປົ້າໝາຍເພີ່ມທະວີການພົບປະແລກປ່ຽນ, ຄວາມເຂົ້າໃຈ ແລະ ຮັດແໜ້ນຄວາມສາມັກຄີແບບພິເສດລະຫວ່າງປະຊາຊົນຫວຽດນາມ - ລາວ ເວົ້າລວມ ແລະ ປະຊາຊົນຢູ່ເຂດຊາຍແດນສອງປະເທດເວົ້າສະເພາະ; ຊຸກຍູ້ການເຄື່ອນໄຫວພົບປະແລກປ່ຽນມິດຕະພາບ; ປັບປຸງ ແລະ ເພີ່ມທະວີການພົວພັນຄູ່ຮ່ວມມືທີ່ເປັນມູນເຊື້ອ; ເປີດກວ້າງການພົວພັນກັບບັນດາອົງການ, ອົງການຈັດຕັ້ງຢູ່ທ້ອງຖິ່ນຂອງປະເທດເພື່ອນລາວ; ເພີ່ມທະວີຄວາມເຂົ້າອົກເຂົ້າໃຈຢ່າງເລິກເຊິ່ງຂອງປະຊາຊົນທຸກຊັ້ນວັນນະຂອງສອງປະເທດກ່ຽວກັບປະຫວັດສາດການປະຕິວັດ ແລະ ການຮ່ວມສໍາພັນສູ້ຮົບລະຫວ່າງ ຫວຽດນາມ - ລາວ, ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ; ສະຫະພັນບັນດາອົງການຈັດຕັ້ງມິດຕະພາບຫວຽດນາມ ແລະ ສະມາຄົມມິດຕະພາບຫວຽດນາມ - ລາວ ໄດ້ສົມທົບກັບສະມາຄົມມິດຕະພາບລາວ - ຫວຽດນາມ ຈັດຕັ້ງງານບຸນມະໂຫລານມິດຕະພາບຫວຽດນາມ - ລາວ 5 ຄັ້ງ.

ສ້າງ ແລະ ຮັບຮອງເອົາໂຄງການດຳເນີນງານລວມ

ງານບຸນມະໂຫລານມິດຕະພາບປະຊາຊົນຫວຽດນາມ - ລາວ ຄັ້ງທຳອິດໄດ້ດຳເນີນແຕ່ວັນທີ 14-18 ພະຈິກ 2005 ຢູ່ ເງ້ອານ (ຫວຽດນາມ). ໃນຂອບເຂດ ຂອງງານບຸນມະໂຫລານ ໄດ້ຈັດຕັ້ງການເຄື່ອນໄຫວພົບປະແລກປ່ຽນຕ່າງໆຄື: ການພົບປະກັບປະຊາຊົນຫວຽດນາມ - ລາວ, ກອງປະຊຸມສຳມະນາ “ບົດບາດ ແລະ ມາດຕະການຂອງອົງການຈັດຕັ້ງປະຊາຊົນໃນການເພີ່ມທະວີການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ - ລາວ”...

ສາຍໃຈມິດຕະພາບຜ່ານ 5 ງານບຸນມະໂຫລານມິດຕະພາບປະຊາຊົນຫວຽດນາມ - ລາວ

ບັນດາຜູ້ແທນເຂົ້າຮ່ວມງານບຸນມະໂຫລານມິດຕະພາບປະຊາຊົນຫວຽດນາມ - ລາວ ຄັ້ງທຳອິດ ໄດ້ດຳເນີນແຕ່ວັນທີ 14 – 18 ພະຈິກ 2005. (ພາບ: ອາຟີ)

ຄະນະຜູ້ແທນບັນດາອົງການຈັດຕັ້ງປະຊາຊົນຂອງສອງປະເທດໄດ້ສົມທົບກັນສ້າງ ແລະ ເຫັນດີເປັນເອກະສັນຮັບຮອງເອົາ “ໂຄງການດໍາເນີນງານລວມໄລຍະ 2005-2007” ເພື່ອມຖຸ່ງໄປເຖິງການສະເຫຼີມສະຫຼອງ 30 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ ແລະ 45 ປີແຫ່ງວັນສ້າງຕັ້ງສາຍພົວພັນທາງການທູດຂອງສອງປະເທດປີ 2007, ໃນນັ້ນ ໄດ້ເນັ້ນໜັກເຖິງຄວາມຈຳເປັນ ແລະ ຄວາມສຳຄັນຂອງການໂຄສະນາເຜີຍແຜ່, ສຶກສາປະຊາຊົນທຸກຊັ້ນວັນນະກ່ຽວກັບການພົວພັນລະຫວ່າງສອງປະເທດ, ເພີ່ມທະວີການແລກປ່ຽນລະຫວ່າງບັນດາອົງການຈັດຕັ້ງ ແລະ ທ້ອງຖິ່ນ...

ເຫັນດີເປັນເອກະພາບ 3 ເນື້ອໃນຕົ້ນຕໍ

ງານບຸນມະໂຫລານມິດຕະພາບຫວຽດນາມ - ລາວ ຄັ້ງທີ II ໄດ້ດຳເນີນແຕ່ວັນທີ 15 - 21 ກໍລະກົດ 2007 ຢູ່ນະຄອນຫຼວງວຽງຈັນ, ບໍລິຄຳໄຊ ແລະ ສະຫວັນນະເຂດ (ລາວ) ເນື່ອງໃນໂອກາດສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດ (ວັນທີ 5 ກັນຍາ 1962 – ວັນທີ 5 ກັນຍາ 2007) ແລະ 30 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (ວັນທີ 18 ກໍລະກົດ 1977 - ວັນທີ 18 ກໍລະກົດ 2007). ຄະນະຜູ້ແທນປະຊາຊົນຫວຽດນາມ ມີ 45 ທ່ານ ໂດຍສະຫາຍ ຮວິ່ງດ໊າມ, ກຳມະການສູນກາງພັກ, ຮອງປະທານທັງເປັນເລຂາທິການຄະນະກໍາມະການສູນກາງແນວໂຮມປະເທດຊາດຫວຽດນາມ, ປະທານສະມາຄົມມິດຕະພາບຫວຽດນາມ - ລາວ ເປັນຫົວໜ້າຄະນະ.

ທີ່ພິທີເປີດ, ສອງຝ່າຍໄດ້ປະກາດຖະແຫຼງການຮ່ວມດ້ວຍ 3 ເນື້ອໃນຕົ້ນຕໍຄື: ທີໜຶ່ງ: ປະຊາຊົນສອງປະເທດຈະຜ່ານບັນດາໝູ່ຄະນະ, ອົງການຈັດຕັ້ງມະຫາຊົນ, ເຊິ່ງແກ່ນສານແມ່ນສະມາຄົມມິດຕະພາບຫວຽດນາມ - ລາວ ແລະ ສະມາຄົມ ມິດຕະພາບລາວ - ຫວຽດນາມ ສືບຕໍ່ມີຫຼາຍຮູບແບບການເຄື່ອນໄຫວທີ່ອຸດົມສົມບູນ, ຫຼາຍຮູບຫຼາຍແບບ ແລະ ແທດຈິງ ເພື່ອແນໃສ່ຍູ້ແຮງວຽກງານໂຄສະນາເຜີຍແຜ່ ແລະ ຂົນຂວາຍປະຊາຊົນທຸກຊັ້ນວັນນະສອງປະເທດ, ພິເສດແມ່ນລຸ້ນໜຸ່ມ ເພື່ອເພີ່ມພູນຄູນສ້າງ, ເພີ່ມທະວີ ແລະ ເສີມຂະຫຍາຍມູນເຊື້ອມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ ແລະ ລາວ ໃນສະພາບການໃໝ່ຢ່າງບໍ່ຢຸດຢັ້ງ. ທີສອງ, ບັນດາອົງການຈັດຕັ້ງປະຊາຊົນຂອງສອງປະເທດ ຕ້ອງຍູ້ແຮງ ແລະ ຍົກສູງປະສິດທິຜົນການເຄື່ອນໄຫວຂອງຕົນ, ຕັ້ງໜ້າຂົນຂວາຍທຸກຂັ້ນ, ທຸກຂະແໜງການ, ວິສາຫະກິດ ແລະ ປະຊາຊົນທຸກຊັ້ນວັນນະສອງປະເທດ ປະກອບສ່ວນເຂົ້າໃນການປະຕິບັດໂຄງການຮ່ວມມືຮອບດ້ານ ລະຫວ່າງສອງລັດໃຫ້ເປັນຢ່າງດີ, ພິເສດແມ່ນການຮ່ວມມືດ້ານເສດຖະກິດ, ວັດທະນະທຳ, ການສຶກສາ...

ທີສາມ: ຍູ້ແຮງການກໍ່ສ້າງ ແລະ ບູລະນະກົງຈັກສະມາຄົມຂອງແຕ່ລະປະເທດກວ່າອີກ, ພິເສດແມ່ນບັນດາແຂວງຊາຍແດນ; ເພີ່ມທະວີການຮ່ວມມື ແລະ ແລກປ່ຽນປະສົບການການເຄື່ອນໄຫວລະຫວ່າງສອງສະມາຄົມ; ປະຕິບັດບົດບາດເປັນຂົວຕໍ່ໃຫ້ເປັນຢ່າງດີ, ປະກອບສ່ວນເຂົ້າໃນການປັບປຸງ ແລະ ເພີ່ມທະວີຄວາມສາມັກຄີ, ມິດຕະພາບທີ່ເປັນມູນເຊື້ອ ແລະ ຊຸກຍູ້ການຮ່ວມມືຮອບດ້ານລະຫວ່າງສອງປະເທດ.

ການເຄື່ອນໄຫວທີ່ຄຶກຄື້ນຢູ່ 3 ແຂວງຂອງຫວຽດນາມ

ງານບຸນມະໂຫລານມິດຕະພາບປະຊາຊົນຫວຽດນາມ - ລາວ ຄັ້ງທີ III ໄດ້ໄຂຂຶ້ນຢູ່ຫວຽດນາມ ແຕ່ວັນທີ 15 - 21 ກໍລະກົດ 2012 ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ສອງປະເທດ (ວັນທີ 5 ກັນຍາ 1962 – ວັນທີ 5 ກັນຍາ 2012) ແລະ 35 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ-ລາວ (ວັນທີ 18 ກໍລະກົດ 1977 – ວັນທີ 18 ກໍລະກົດ 2012). ຄະນະຜູ້ແທນຫວຽດນາມ ນຳໜ້າໂດຍ ທ່ານ ຫວູຈ້ອງກິມ, ກຳມະການສູນກາງພັກ, ຮອງປະທານທັງເປັນເລຂາທິການໃຫຍ່ຄະນະກໍາມະການສູນກາງແນວໂຮມປະເທດຊາດ ຫວຽດນາມ, ປະທານສະມາຄົມມິດຕະພາບ ຫວຽດນາມ - ລາວ ເປັນຫົວໜ້າຄະນະ.

ບັນດາຜູ້ແທນຖ່າຍຮູບທີ່ລະນຶກທີ່ງານບຸນມະໂຫລານມິດຕະພາບປະຊາຊົນຫວຽດນາມ - ລາວ ຄັ້ງທີ III. ພາບ: thoidai.com.vn

ບັນດາການເຄື່ອນໄຫວຕົ້ນຕໍຂອງ ງານບຸນມະໂຫລານຫວຽດນາມ - ລາວ ຄັ້ງທີ III ລວມມີ: ພິທີເປີດງານບຸນ (ວັນທີ 16 ກໍລະກົດ ຢູ່ຮ່າໂນ້ຍ); ຢ້ຽມຢາມ ແລະ ພົບປະແລກປ່ຽນຢູ່ແຂວງ ນິງບິ່ງ (ວັນທີ 16 ກໍລະກົດ ຢູ່ ນິງບິ່ງ); ການພົບປະ ແລະ ແລກປ່ຽນປະສົບການໃນບັນດາການເຄື່ອນໄຫວລະຫວ່າງຄະນະຜູ້ແທນປະຊາຊົນສອງປະເທດຫວຽດນາມ - ລາວ (ວັນທີ 17 ກໍລະກົດ ຢູ່ ຮ່າໂນ້ຍ); ການນຳພັກ ແລະ ລັດ ໄດ້ໃຫ້ການຕ້ອນຮັບຄະນະຜູ້ແທນ (ວັນທີ 17 ກໍລະກົດ ຢູ່ຮ່າໂນ້ຍ);...

ມີຜູ້ແທນເກືອບ 1.000 ທ່ານຂອງທັງສອງປະເທດເຂົ້າຮ່ວມ

ຄະນະຜູ້ແທນຫວຽດນາມ ໄດ້ພົບປະ ແລະ ຖ່າຍຮູບກັບທ່ານເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ. ພາບ: thoidai.com.vn

ງານບຸນມະໂຫລານມິດຕະພາບລາວ-ຫວຽດນາມ ຄັ້ງທີ VI ໄດ້ຈັດຂຶ້ນຢູ່ນະຄອນຫຼວງວຽງຈັນ ແລະ ແຂວງຊຽງຂວາງ (ລາວ) ແຕ່ວັນທີ 17 - 23 ກໍລະກົດ 2017 ເນື່ອງໃນໂອກາດສະເຫຼີມສະຫຼອງ 55 ປີແຫ່ງວັນສ້າງຕັ້ງສາຍພົວພັນທາງການທູດ (ວັນທີ 5 ກັນຍາ 1962 – ວັນທີ 5 ກັນຍາ 2017) ແລະ 40 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ (ວັນທີ 18 ກໍລະກົດ 1977 - ວັນທີ 18 ກໍລະກົດ 2017). ຄະນະຜູ້ແທນປະຊາຊົນຫວຽດນາມ ໂດຍ ສະຫາຍ ເຈີ່ນວັນຕຸ່ຍ, ກຳມະການສູນກາງພັກ, ກໍາມະການຜູ້ປະຈໍາການສະພາແຫ່ງຊາດ, ຫົວໜ້າຄະນະປະຕິບັດງານສະມາຊິກ ສະພາແຫ່ງຊາດ, ຮອງຫົວໜ້າຄະນະຈັດຕັ້ງສູນກາງ, ປະທານສະມາຄົມມິດຕະພາບຫວຽດນາມ - ລາວ ເປັນຫົວໜ້າຄະນະ. ຝ່າຍລາວ, ມີ ສະຫາຍ ສອນໄຊ ສີພັນດອນ, ກຳມະການກົມການເມືອງ, ຮອງນາຍົກລັດຖະມົນຕີ ລາວ; ສະຫາຍ ວິໄລວົງ ບຸດດາຄໍາ ກຳມະການສູນກາງພັກ, ປະທານກໍາມາທິການແຜນການ-ການເງິນ ແລະ ກວດສອບ ສະພາແຫ່ງຊາດ, ປະທານສະມາຄົມມິດຕະພາບ ລາວ-ຫວຽດນາມ; ພ້ອມດ້ວຍຜູ້ແທນເກືອບ 1.000 ທ່ານ ເຊິ່ງແມ່ນຜູ້ຕາງໜ້າບັນດາກະຊວງ, ຄະນະ, ຂະແໜງການຂອງລາວ, ຄະນະກຳມະການສູນກາງແນວລາວສ້າງຊາດ, ບັນດາອົງການຈັດຕັ້ງມະຫາຊົນ ແລະ ບັນດາຄູອາຈານ, ນັກຮຽນ ແລະ ນັກສຶກສາລາວ ເຂົ້າຮ່ວມ.

ໃນຂອບເຂດຂອງງານບຸນມະໂຫລານ ໄດ້ດໍາເນີນບັນດາການເຄື່ອນໄຫວຄື: ໂຮມຊຸມນຸມມິດຕິງສະເຫຼີມສະຫຼອງ 40 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ ແລະ 55 ປີແຫ່ງວັນສ້າງສາຍພົວພັນທາງການທູດ ຫວຽດນາມ - ລາວ ໂດຍພັກ ແລະ ລັດລາວ ຈັດຂຶ້ນທີ່ຫໍວັດທະນະທຳແຫ່ງຊາດລາວ; ຢ້ຽມຢາມຫໍພິພິທະພັນປະທານ ໄກສອນ ພົມວິຫານ; ...

ດ້ວຍຫຼາຍການເຄື່ອນໄຫວທີ່ອຸດົມສົມບູນ ແລະ ຫຼາຍຮູບຫຼາຍແບບ, ຜູ້ແທນປະຊາຊົນສອງປະເທດ ລາວ ແລະ ຫວຽດນາມ ໄດ້ມີການພົບປະ, ແລກປ່ຽນບົດຮຽນປະສົບການທີ່ດີໃນການຜັນຂະຫຍາຍບັນດາການເຄື່ອນໄຫວມິດຕະພາບຢູ່ທ້ອງຖິ່ນ. ພ້ອມກັນນັ້ນ, ກໍສະເໜີບັນດາມາດຕະການປັບປຸງ ແລະ ເພີ່ມທະວີສາຍພົວພັນມິດຕະພາບ ແລະ ການຮ່ວມມືຮອບດ້ານຫວຽດນາມ - ລາວ ນໍາການພົວພັນນີ້ພັດທະນາຂຶ້ນສູ່ລະດັບສູງໃໝ່.

ຮ່ວມເດີນຂະບວນຢູ່ເສັ້ນທາງເຈື່ອງເຊີນ

ງານບຸນມະໂຫລານມິດຕະພາບປະຊາຊົນຫວຽດນາມ - ລາວ ຄັ້ງທີ V ໄດ້ໄຂຂຶ້ນຢູ່ແຂວງກວາງຈີ້ (ຫວຽດນາມ) ແລະ ສະຫວັນນະເຂດ (ລາວ) ແຕ່ວັນທີ 27 – 30 ກັນຍາ 2022 ເນື່ອງໃນໂອກາດ “ປີສາມັກຄີມິດຕະພາບຫວຽດນາມ - ລາວ, ລາວ - ຫວຽດນາມ 2022”, ສະເຫຼີມສະຫຼອງ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື (ວັນທີ 18 ກໍລະກົດ 1977 – ວັນທີ 18 ກໍລະກົດ 2022); 60 ປີແຫ່ງວັນສ້າງຕັ້ງການພົວພັນທາງການທູດລະຫວ່າງຫວຽດນາມ - ລາວ (ວັນທີ 5 ກັນຍາ 1962 – ວັນທີ 5 ກັນຍາ 2022).

ງານບຸນມະໂຫລານມີຫົວຂໍ້ວ່າ: “ຮ່ວມເດີນຂະບວນຢູ່ເສັ້ນທາງ ເຈື່ອງເຊີນ - ເສັ້ນທາງໂຮ່ຈີມິນ”. ຜ່ານບັນດາການເຄື່ອນໄຫວ, ງານບຸນມະໂຫລານ ຫວັງວ່າບັນດາຜູ້ແທນຈະມີຄວາມຮັບຮູ້ເຖິງຄວາມໝາຍປະຫວັດສາດຂອງເສັ້ນທາງໂຮ່ຈີມິນ ຢ່າງເລິກເຊິ່ງກວ່າອີກ, ໂຄສະນາເຜີຍແຜ່ຢ່າງກວ້າງຂວາງໃນປະຊາຊົນທຸກຊັ້ນວັນນະກ່ຽວກັບການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດຫວຽດນາມ - ລາວ; ລາວ-ຫວຽດນາມ. ພ້ອມກັນນັ້ນ, ກໍປະກອບສ່ວນກໍ່ສ້າງເຈື່ອງເຊີນ ເປັນຊາຍແດນສາມັກຄີ, ມິດຕະພາບ, ພັດທະນາເສດຖະກິດ - ສັງຄົມ, ປ້ອງກັນປະຊາດປ້ອງກັນຄວາມສະຫງົບທີ່ໝັ້ນຄົງເຂັ້ມແຂງ, ປະຊາຊົນຢູ່ເຂດຊາຍແດນຫວຽດນາມ - ລາວ ມີຊີວິດທີ່ອີ່ມໜຳສຳລານ ແລະ ມີຄວາມຜາສຸກ.

ບູນມີ