 |
ຄະນະກວດກາສູນກາງພັກ-ອົງການກວດກາລັດຖະບານ, ໄດ້ຈັດກອງປະຊຸມວຽກງານກວດກາທົ່ວປະເທດປະຈໍາປີ 2019
ໃນກອງປະຊຸມ ທ່ານ ສີໃນ ມຽງລາວັນ ຮອງປະທານຄະນະກວດກາສູນກາງພັກ-ອົງການກວດກາລັດຖະບານ ໄດ້ຂຶ້ນຜ່ານຮ່າງບົດສະຫຼຸບຕີລາຄາການເຄື່ອນໄຫວວຽກງານຕິດຕາມ-ກວດກາ ແລະ ສະກັດກັ້ນ-ຕ້ານການສໍ້ລາດບັງຫຼວງໃນປີ 2019 ທິດທາງແຜນການວຽກງານກວດກາປີ 2020 ເຊິ່ງໄລຍະ 1 ປີຜ່ານມາ ຄະນະພັກ ອົງການປົກຄອງຄະນະກວດກາພັກ-ອົງການກວດກາລັດແຕ່ລະຂັ້ນໄດ້ສຸມໃສ່ຈັດຕັ້ງປະຕິບັດວຽກງານຕິດຕາມ ກວດກາຕາມພາລະບົດບາດ ໜ້າທີ່ ຂອບເຂດສິດຂອງຕົນ ໂດຍສະເພາະແມ່ນ ຈັດຕັ້ງປະຕິບັດເນື້ອໃນຈິດໃຈຂອງກອງປະຊຸມວຽກງານກວດກາທົ່ວປະເທດຄັ້ງທີ III ແລະ ແຜນການວຽກງານກວດກາປະຈຳປີ 2020 ພ້ອມທັງຍົກໃຫ້ເຫັນດ້ານດີທີ່ຕ້ອງໄດ້ເສີມຂະຫຍາຍ ແລະ ດ້ານອ່ອນ ຂໍ້ຄົງຄ້າງ ທີ່ຈະຕ້ອງໄດ້ຫາລືຮ່ວມກັນຫາວິທີແກ້ໄຂໃນຕໍ່ໜ້າ ເປັນຕົ້ນ ວຽກງານຕິດຕາມກວດກາພາຍໃນພັກ ການຄຸ້ມຄອງບໍລິຫານລັດດ້ວຍກົດໝາຍ ການສະກັດກັ້ນ ແລະ ຕ້ານການສໍ້ລາດບັງຫຼວງ ການຄົ້ນຄວ້າຄຳຮ້ອງ-ຄຳສະເໜີ ແລະ ອື່ນໆ ເພື່ອປະກອບສ່ວນສຳຄັນເຂົ້າໃນການປົກປັກຮັກສາ ສະຖຽນລະພາບທາງດ້ານການເມືອງ ເສດຖະກິດ ວັດທະນະທຳ-ສັງຄົມ ພະນັກງານ-ສະມາຊິກພັກໃຫ້ມີຄວາມໜັກແໜ້ນທາງດ້ານການເມືອງ-ແນວຄິດ ມີຄວາມປອດໃສ ເຂັ້ມແຂງທາງດ້ານການຈັດຕັ້ງ ເພື່ອຮ່ວມກັນສະກັດກັ້ນ-ຕ້ານການສໍ້ລາດບັງຫຼວງໃນທຸກຮູບແບບ.
ກອງປະຊຸມ ຍັງໄດ້ຮຽກຮ້ອງຜູ້ແທນເຂົ້າຮ່ວມຍົກສູງຄວາມຮັບຜິດຊອບ ສຸມສະຕິປັນຍາ ຄົ້ນຄວ້າປະກອບຄຳຄິດເຫັນໃສ່ເນື້ອໃນບົດສະຫຼຸບດັ່ງກ່າວ ທີ່ສ່ອງແສງໃຫ້ເຫັນເຖິງຄວາມເປັນຈິງ ແລະ ມີຄວາມເປັນເອກະພາບກ່ຽວກັບທິດທາງ ຄາດໝາຍ ບັນດາໜ້າທີ່ວຽກງານທີ່ຕ້ອງສູ້ຊົນປະຕິບັດ ແລະ ວິທີການແກ້ໄຂບັນຫາຕ່າງໆໃຫ້ຖືກຕ້ອງ ແທດເໝາະ ບົນຈິດໃຈບຸກທະລຸ ແລະ ມີຄວາມຮັບຜິດຊອບສູງຕໍ່ໜ້າທີ່ວຽກງານແຕ່ລະຂັ້ນທົ່ວປະເທດ. ທ່ານ ບຸນທອງ ຈິດມະນີ ກ່າວວ່າ: ໃນໜຶ່ງປີຜ່ານມາ ຄະນະພັກ, ອົງການປົກຄອງ ແລະ ຄະນະກວດກາແຕ່ລະຂັ້ນ ໄດ້ ພ້ອມກັນຕັ້ງໜ້າບຸກບືນ ປະຕິບັດວຽກງານກວດກາ-ຕິດຕາມ, ສະກັດກັ້ນ ແລະ ຕ້ານການສໍ້ລາດບັງຫຼວງ, ຄົ້ນຄວ້າແກ້ໄຂຄຳຮ້ອງ-ຄຳສະເໜີ ແລະ ປັບປຸງການຈັດຕັ້ງຢູ່ຂັ້ນຂອງຕົນ ມີຜົນສຳເລັດຫຼາຍດ້ານ, ແຕ່ພ້ອມກັນນັ້ນ ພວກເຮົາກໍຍັງ ມີດ້ານອ່ອນ, ຂໍ້ຄົງຄ້າງຫຼາຍປະການ. ສະນັ້ນ, ໃນກອງປະ ຊຸມຄັ້ງນີ້ຈະຕ້ອງໄດ້ພ້ອມກັນຄົ້ນຄວ້າຕີລາຄາຍົກໃຫ້ເຫັນດ້ານດີ.
ທີ່ຈະຕ້ອງໄດ້ເສີມຂະຫຍາຍ ແລະ ຊອກໃຫ້ເຫັນດ້ານອ່ອນ, ຂໍ້ຄົງຄ້າງ, ສາເຫດ ເພື່ອປັບປຸງໃນຕໍ່ໜ້າ ເປັນຕົ້ນແມ່ນວຽກງານຕິດຕາມ-ກວດກາພາຍໃນພັກ, ການຄຸ້ມຄອງການບໍລິຫານລັດດ້ວຍກົດໝາຍ, ການສະກັດກັ້ນ ແລະ ຕ້ານການສໍ້ລາດບັງຫຼວງ, ການຄົ້ນຄວ້າຄຳຮ້ອງ-ຄຳສະເໜີ ແລະ ອື່ນໆ. ນອກນັ້ນ ຜູ້ເຂົ້າຮ່ວມຍັງໄດ້ຮັບຟັງການເຜີຍແຜ່ເອກະສານສຳຄັນຕ່າງໆ ກ່ຽວກັບວຽກງານກວດກາ ເປັນຕົ້ນ ບົດລາຍງານກ່ຽວກັບການປັບປຸງກົງຈັກການຈັດຕັ້ງ-ພະນັກງານ ວຽກງານຕິດຕາມກວດກາພັກ ບົດລາຍງານກ່ຽວກັບການກວດກາຕາມຜົນການກວດສອບ ແລະ ຕິດຕາມ-ກວດກາການລົງທຶນຂອງລັດເລີ່ມແຕ່ຫົວທີ ແລະ ຈະໄດ້ຮັບຟັງການປະກອບຄຳຄິດເຫັນຂອງແຕ່ລະພາກສ່ວນ ຕາມການເຈາະຈິ້ມຂອງປະທານກອງປະຊຸມ ເຊິ່ງກອງປະຊຸມດັ່ງກ່າວຈະໄດ້ດຳເນີນແຕ່ວັນທີ 8-10 ມັງກອນ 2020 ຈຶ່ງສຳເລັດ.
（ໄຊພອນ）
